¹ E laco mai vei a omunu dauveiba kei na dauveivala? E tawa lako mai ina omunu gagadre ca me kemunu vei vala kei ira a omunu i lala? ² Kemunu vinakata , ia e tawa tu vei kemunu kemunu laba ka kocokoco, ka kemunu tawa rawata da meca. Kemunu veivala ka veiba. Kemunu tawa rawata baleta kemunu tawa kerea. ³ Kamunu kerekere ka tawa soli vei kemunu baleta ni cala a meca nu kerea, baleta ni kemunu via vakayagatakina ina omunu loma ca. ⁴ Nu dau lasa i tuba! Nu tawa kila ni veitau vata kei vuavura e rati veimecako kei na Kalou? A ona e lomana jiko me veitau vata kei vuravura sa na valata jiko a meca me rau veimecaki kina kei na Kalou. ⁵ Se kemunu nanuma jiko e dai a i volatabu. "A yalo ka jiko vei kei keta e vakavuna me totoci keta?" ⁶ Ia, a Kalou e solia vakalevu a ona loloma ko i koya ka kaya kina a i volatabu, "A Kalou e cata a dokadoka ia e solia a loloma kina yalomalumalugu" ⁷ Ia mo vakamalumalugutaki iko ki na Kalou wacara a tevoro, e na tuba laivi mai vei iko ko koya. ⁸ "Toro voleka mai ki na Kalou, e na toro voleka yani vei iko ko koya vaka savasavatakina a ligamu, kemudou na i valavala ca, ka vakasavasavalakina a yalomudou kemudou a tamata lomalomarua. ⁹ Vakaloloku, a lomabibi kei na togi! A omunu dredre e na vuki me loma bibi kei na omunu reki me serau. ¹⁰ Vakamalumalugutakini iko ina mata ni Kalou e na qai laveji iko cake. ¹¹ Kakua ni vosa vakacatakina e e dua tani tale a wekamu. A tamata e vosa vakaca'cana e dua a wekana se vakalewa e dua a wekana e sa vosavakacatakina a lawa ka vakalewa a lawa, ko iko ka tawa kau valata a lawa, ia e ra dau vakalelewa. ¹² E dua ga e dau solia a lawa ka dau vakatulewa. Ko koua ga e rawa ni vei vakabulai ka rawa ni vakarusa. Ko cei ko iko, mo ko vakalewa a wekamu? ¹³ Rogoca mada, ko iko ka ko kaya, "Ni kua se ni mataka tou na lako kina koroturaga tou lai jiko me dua a yabaki, tou volivolitaki ka vakatubu i lavo. ¹⁴ Ko cei e kila a meca e na yaco ni mataka, ka cava a omu bula? Ni ko iko a kabukabu walega ka basika ga vakaloilai ka yali tale yani. ¹⁵ E dodonu, mo ko kaua, "Ke vinaka a Kalou me keta bula ka valata kaiei se maiei." ¹⁶ Ia kalei ko sa dokadokatakina omu i tuvatuva A dokadoka taucoko e ca. ¹⁷ Ia ko koya yadua e kila ni dodonu me valata a meca vinaka ka qai tawa valata, vei ko koya sa i valavala ca.