¹ Dou lako mai koi kemudou sa vutuniyau, ka tagi ni lako mai vei kemudou na veivakacalai. ² A omu vutuniyau sa vuki me makawa keina omu i sulu sa kania a sarasara. ³ A omu kaila keina siliva sa veveka mai ena vakavaitaki vei iko. E na kania a lewemu me vaka a bukawaqa. Ona kumuna na ona i yau me yacova ai vakataojioji. ⁴ Raica a odrai sau a tamata cakacaka, "Era sa samakina omu were era sa tagi me baleji iko. Sa rogoca a Kalou a odra tagi. ⁵ Ko jiko ena vale vinaka e vuravura ka marau jiko. Ko sa yalo levu ina siga ni veivala. ⁶ ko sa vakacacani ira ka vakamatei ira a tamata yalo dodonu, e segabau a odra cala vei iko. ⁷ Vosota mada me yaco mada a siga ena lesu mai kina a turaga. Ko na qai raica a ona warakina a dau teitei a vua vinaka ena ona vosota me yacova ni sa tau a lagi tau mada keina lagi tau muri. ⁸ Ko koya mo ko qau vosota vakarautakina a yalomu ni sa voleka a turaga. ⁹ Dou kua ni vei dusi a veiwekani vakai kemudou, me ko kua kina ni vakacacani. Ni sai ira a profita era dau kaya a yacani turaga. ¹⁰ Me vaka iei ra veiwekani dou vosota a rarawa vakaira a parofita era sa cavuta a yaca ni turaga. ¹¹ Raica keta na okati ira era vosota me ra kalougata. Ko sa rogoca a odra vosota a cakacaka ena vukuni turuga, ok koya sa yalovinaka ka dau loloma. ¹² Ena meca taucoko kemudou a wekaqu, dou kakua ni bubului ki lomalagi se ki vuravura, se ena so tale. Me io na io ka sega na sega, me ko kua kina ni lewai. ¹³ E dua beka vei kemudou e sotava a ka rarawa, me masu. Ko koya sa marau me sere. ¹⁴ E dua beka e baca me kacivi ira a qase ni lotu me ra bau veimasulaki. Me ra lumuji enai lumu ena yaca ni turaga. ¹⁵ A masu ni vakabauta ena bula kina a baca, ena vakabulai ko koyua a Kalou. Kovaka e cala a Kalou ena vosoji ko koya. ¹⁶ Dou vei vakatusai vakai kemudou, dou vei masulaki vakai kemudou me kemudou bula. A odra masu a yalododonu e kaukauwa ona cakacaka. ¹⁷ Ko Elaija vakai keta ga. E masu me kua ni tau a lagi ka tawa tau a lagi me yabaki tolu ka vula ono. ¹⁸ Sa qai masu tale ko Elaija sa qai vakatauca ko loma lagi a lagi era sa qai vua a veika bula. ¹⁹ Kemudou a wekaqu kevaka edua sa lako sese ka vakalesui koya tale mai edua. ²⁰ Ena yaga me kila a tamata, ka vakalesua mai a tamata i valavala ca mai na ona ca ena bula kina ko koya ena siga ni rarawa.