¹ Ko i kemudou a wekaqu, me kakua ni levu vei kemudou me i vakavuvuli. Dou kila ni keta na baisitaki kina vakalevu. ² Keta sa cala ina levu a meca. Kevaka e dua e tawa cala ina vosa, sa tamata uasivi sara ko koya, sa rawarawa me tarova a yagona taucoko. ³ Kevaka keta sa biuta ai tatarovi ni ose ki na gusuna me ra talairawarawa vei keta, keta na qai rawa ni moica a yagona taucoko. ⁴ Raica talega a waqa lelevu era sa soko tu ina cagi kaukauwa, ia sa veigoleyaki ga ina i uli lailai sara kina vanua e vinakata ko koya ka taura jiko ai uli. ⁵ Sa vaka talega kina a yameda ni sa jikida lailai sa vosa vakaviavialevu. Raica sa vakavuna e dua a udre levu e dua a buka qawa lailai. ⁶ A yameda sa buka qawa, ni meca ca taucoko ni yagoda. Sa tauva tu a yagoda taucoko ka vakaqawaca a i valavala taucoko ga ni yagoda. Ka sa vakaqawaca a buka mai eli. ⁷ Ni ra sa vakamancataki ko ira a manumanu kila, a manumanu vuka, kei ra sa qasi lako, kei na manumanu ni waitui mai vei ira a tamata. ⁸ Sa segabau a tamata sa vakamanoatakina rawa a yame. Satawa tarova rawa a meca ca, ka sa sinai ina meca gaga. ⁹ Keta sa vakavinavinaka kina ki na Turaga a Tamada, keta sa kakai ira vakaca talega kina a tamata, era sa buli me tautauvata kei na Kalou. ¹⁰ A gusu vata ga keta vakavinavinaka kian ka keta veikai kina. Kemudou a wekaqu, e tawa dodonu me vaka maiei. ¹¹ E dua beka a mataniwai sa vure ruarua mai kina a wai kamikamica kei na wai gaga? ¹² Kemudou a wekaqu, e dua beka a vei ni lolo sa vuatakina a oliva? Se dua a vai'ni e lolo? E tawa dua a waitu e vakavurea mai a waidranu. ¹³ Ko cei ve kemudou sa vuku ka yalomatua? Me vakaraitakina mai a tamata maiei a i valavala vinaka ina ona cakacaka ina vuku sa yalomalua. ¹⁴ Kevaka sa tu e lomamudou a dauvuvu e gaga kei na dauveiba, dou kakua ni viavia dua se kemudou daina a meca djina. ¹⁵ A vuku vaka maiei sa tawa lako sobu mai cake. Sa vakavuravura ga, sa tawa vakayalo, sa vakajimoni. ¹⁶ Ia kevaka sa tu a vuvu kei na veiba, sa tu kina a veisei kei na cakacaka taucoko ga e ca. ¹⁷ Ia a vuku mai cake sa savasava sara, sa veivakacegui, sa sinai ena loloma, kei na vua e vinaka, sa tawa dau veivakamalumalutaki se dau veivakaisini. ¹⁸ Ia a vua ni valavala dodonu sa kaburaki vata kei na veivakacegui vei ira sa ia jiko a veivakacegui.