¹ Ia ena gauna koa, ni sa tubu me ra lewe levu mai ko ira era sa lotu, era sa jiji ko ira a vulagi ni veimatanitu tani vei ira a Ipieriu, ni ra sa sega ni nanumi ko ira a odra yada e na votai ni kakana e na veisiga. ² Sa qai vakasoqoni ira vata a lewe levu era sa lotu ko ira a lewe jini karua, ka kaya sa sega ni dodonu vei keitou me keitou biuta a vosa ni Kalou ka qarava a tepeli. ³ Ena vuku ni ka iei, mo dou jigitokina mai vei kemudou e lewe vitu a tamata sa rogorogo vinaka e ratou sinai i na Yalo Tabu, kei na vuku me keitou lesi iratou ki na cakacaka iei. ⁴ Ia kei keitou, keitou na gumatua ga ena masumasu kei na vunautakina a vosa. ⁵ A sa vinaka vei ira taucoko a lewe levu a vosa iei, ara sa jigi takini Sitiveni e dua tamata sa sinai ina vakabauta kei na Yalo Tabu, kei Filipi kei Pirikoro, kei Nikanori, kei Taimoni, kei Parimina, kei Nikola, a tamata lotu vaka -- Jiu mai Anitioke. ⁶ Ko ira era sa lotu era sa kauji iratou mai kivei ira ai apositolo, a ra sa tabaki i ratou i na ligadra ka masu lakini i ratou. ⁷ A sa yaco a vosa ni Kalou me telera yani na vanua, a sa tubu a kedra i wiliwili era sa lotu mai Jerusalemi, ara so lewe levu talega a bete era sa talairawarawa kina vakabauta. ⁸ Ia ko Sitiveni, sa sinai ena loloma kei na kaukauwa, a sa valata a meca e veivakurabuitaki, kei na veivakatakilakila e na kedra maliwa a tamata. ⁹ Ia era sa tucake eso mai na odra vale ni lotu, ka yacadra ko ira na sereki kei ira a kei Kirini eso, kei ira a kai Alekisada eso, kei ira eso mai Silisia kei Esia, a ra sa veiba vata kei Sitiveri. ¹⁰ A ra sa sega ni qarara rawa a vuku kei na yalo sa vosa kina ko Sitiveni. ¹¹ A ra sa qai bacani ira e so a tamata me ra kaya, keitou sa rogoci koya iei ni sa vosa vakacacatakini Mosese kei na Kalou. ¹² A ra sa vakauqeji ira a tamata, kei ira a qase, kei ira a vunivola, a ra sa lako ka tauri Sitiveni ka kauta vei ira a mata veilewai. ¹³ A ra sa kauji ira mai a dau veibeitaki vakaidai ka ratou sa kaya, sa tawa cegu a tamata iei ni vosavakacacatakina jiko a jikina taba iei kei nai vunau. ¹⁴ Ni keimami sa rogoci koya ni kaya ni o Jisu iei, a kai Nasareci ena vakarusa a vanua iei, ka na vukira sara a i valavala sa solia vei keta ko Mosese. ¹⁵ Ia ko ira taucoko era jiko ina vale ni veilewai ni ra sa vakaraica matua, era sa raica a matana ni sa vaka a mata ni agilase.