¹ Keitou sa tekiuu tale beka me keitou keu keitou? sana tawa yaga me keitou tuku vei kemudou enai vola se keimudou vei keitou me vaka era valata e so na tamata, se ko kei tou? ² Ia sai kemudou ga a weitou i vola voika gjina gjina, ka volai tu ena utoi keitou ka kilei se wiliki mei vei ira na tamata. ³ Ia dou a vakaraitakinoi ni dou sai vola i Kairisito kai veika gjina gjina ni weitou cakacaka. sa volai ka segai e nai wai ni volavola ia ena yalo ga ni Kalou bula. Ia sa tawa volou ena dela ni vatu, ia ena dela ga ni Yolomudou. ⁴ Ia sa vakai a weta vakararavi kina Kalou ena vuku i Karisito. ⁵ Ia keitou tawa kaya kina ni keitou sa rawata vakai ketou e dua ka, Ia sa vu ga mai na Kalou a wetou kaukauwa. ⁶ Ia a Kalou ga sa buli keito me keitou dua mai talatala ni veiyalayalaji vou.. Ia sa tawa vayalayalaji enai vola ena yalo ga. Sa dau veivakamatei nai vola ia a yalo sa solia a bula. ⁷ Ia mai a cakacaka ni mate enai bulubulu sa volai ena vatu, ia ni sa lako mai ai serau era sa tawa raica rawa kina a matai Mosese ko ira a luvei Isireli. Jia sa beileta ai serau ni matana. Ai serau sa vakaraitaki mai. ⁸ Ia sana qai vakai vei taki nai levu ni serau ena cakacaka ni yalotabu? ⁹ Ia ke dua ai serau ni cakacaka ni tawavakadonui, sana qai levu cake sara ai serau ni cakacaka ni veivakadonui. ¹⁰ Ia a meca ka serau sa qai tawa serau ni sa vaka tauctauvata taki kei na i serau sa uasivi cake. ¹¹ Ia kevaka sa serau a veika sa soli laivi jiko yani, Ena vakaivei na levu ni ona serau a meca e tudei. ¹² Ia ni sa Jiko vei keitou ai nuinui kaiyei, keitou sa qai vosa vaka matata sara ¹³ Kei tou sa tawa vakai Mosese, ni ubia a matana enai bulou, me ra kua ni vakaraica matua ko ira a luvei Isirali. Kinai ojioji ni serau ka sa biu jiko yani. ¹⁴ Ia sa vaka lomaqataki na lomadra a siga ni kua ni sa wili a vei yalayalaji makawa, se tawa kau lauvi ga ni sai Karisito sa kaulaivi kina ai pulou mai gei. ¹⁵ Ia me yacova mai ni kua ni sa wili ko Mosese sa tu ga e lomadra ai pulou. ¹⁶ Ia ni sa saumaki e dua ki na Turaga, sa qai kau leivi ai Pulou. ¹⁷ Ia a Turaga ga a Yalo Tabu, Ia ko koya sa jiko kina a Yalo ni Turaga sa sere ki ko koya. ¹⁸ Ia keta sa tawa Pulou jjiko a matada keta sa raica ai serau ni Turaga me vaka a iloilo ka sa vaka mata lia taki me keta tautauvata kei koya ni sa tubu cake jiko ai serau me uwasivi me vaka a Tureiga ko koya na Yalo Tabu.