¹ Ia me vaka ni sa soli vei keitou na cakacaka kai, ka me vaka ni sa yaco vei keitou na loloma, ka keitou sa sega ni datuvu kina. ² ka keitou sa biuta na veika vuni e vei vakamaduataki, ka keitou tawa lako voli vakai lawaki, ena weitou valavala, se veitou vakatanitaka na vosa ni Kalou. Ia keitou sa kaya ga a gjina, keitou sa vaka donui keitou kina ki na lomadra a tamata taucoko, ena mata ni Kalou. ³ Ia kevaka sa vuni a kosipeli keitou sa kaya, Ia sa vuni ga ki vei ira sa rusa. ⁴ A odra leqa, ni sa vakamataboko takina a odra vakasama a Kalou ni vuravura i yei. Ka onai soqoni kaiyei, nira mai tawa raica tawa kina a rarama ni kosipeli ena serau i Karisito ko koya na yaloyalo ni Kalou. ⁵ Ni keitou sa tawa vuriutaki keitou, ko Jisu Karisito ga na turaga, ka keitou sa omudou dau ni veiqaravi kina ena vuku i Jisu. ⁶ Ia a Kalou duadua ga ka kaya "a rarama ena cilamai ena butobuto" ka sa vakatakila ena lomai keitou, me cila yani kina nai serau ni Kalou, ko koya sa vakatakilai rawa ena mata i Jisu Karisito. ⁷ Ia sa waqa qele sa tu kina veikeitou nai yau kai yei. Ia sa taka mai vua na Kalou na kaukauwa mana levu, ka sega ga mai vei keitou. ⁸ Keitou sa bukivere taki ena vei vanua taucoko ia. Ia ka kei tou sa tawa vinakaji soji, Ia keitou sa lomaocaoca ga. Ia kei tou sa tawa yalo lailai, ⁹ Kei tou sa vaka. Cacani, ia kei tou sa tawa biulaivi, kei tou sa vakabalei sovu, ia kei tou sa tawa vaka rusai ¹⁰ Kei tou sa colata voli ena yagoi kei tou na mate i Jisu, ka me vakarataki talega kina noi bula i Jisu ena yagoi keitou. ¹¹ Ni ka tou sa solia jiko ena veisiga, kei keitou sa bula voli, me kei tou mate ena vuku i tusu, me vakaraitaki talega kina na bula i Jisu, ena yagoi keitou sa mate rawa. ¹² Ia sa vaka kina sa daucakacaka vei keitou na mate ia a bula ga vei kemudou. ¹³ Ia sa jiko vei kei tou a yalo ni vakabauta mai yei, me vaka sa volai, "Au sa vakabauta, koi koya kovu sa vosa kina." Kei tou sa vakabauta talega, ko koya kei tou sa vosa kina, ¹⁴ baleta keitou sa kilai koi koya ka vakaturi Jisu cake ka na vakaturi keitou vata kei Jisu ka kauji keitou vata kei kemudo kina ona vanua. ¹⁵ Ni sa yaco ena vukumudou a ka taucoko me na rawa ni yaco yani kina na vakarokoroko ki vei ira e lewe levu me lewe levu sara a tamata era duavata ena vaka vinavinaka me vakataburi cake kina a ona vaka caucautaki a Kalou.