¹ Ia kau sa lewa vakaiei ena lomaqu, me'u kakua ni lako tale vei kemudou ena veivakararawataki. ² Io kevaka ka'u sa vakararawatakina a lomamudou, do cei sa vakamarautakini au, ko koya duaduaga ka'u sa vakararawatakina? ³ Ia ka'u a vola vaka tale ga kina vei kemudou, da ka vakararawataki a lomaqu, ni'u lako yani, ena vuku dra ka dodonu me'u reki kina; ka'u sa vakararavi ga vei keimudou taucoko ga ni sa omudou taucoko ga a qou reki. ⁴ Ni sa rarawa vakalevu ka yaluma a lomaqu ni'u a vola vei kemudou. Ka sa vakawai vakalevu a mataqu; ka segai me kemudou rarawa kina, ia me dou kila ga ni sa levu sava a qou loloma vei kemudou. ⁵ Ia kevaka e dua sa ia na veivakararawatakis, sa tawa va kararawa takini au ga ko koya, ia (me'u kakua ni bitaka vakalevu) koi kemudou taucoko talega. ⁶ Sa raiji koi koya sa vakakina a onaisau kaiei. Sa yaco vei kokoya mai vei ina a lewe vuqa; ⁷ Ka sa kilikili cake kina me dou kua soji ni burisitakina, ka me dou vakaceguya dakana qai luvuci ko koya sa vakaiei a ona rarawa levu sara. ⁸ Ko koya kaiei ka'u sa masuji kemudou kina, me dou vakadjiniadjinatakina a omudou loloma vei ko koya. ⁹ Ni meca talega kaiei kau a vola yani kina me'u kilai kemudou kina. Se dou sa talairawarawa e na meca taucoko ga, se sega. ¹⁰ Ia kevaka dou sa tawa burisitakina edua ena dua meca, au sa vaka talega kina koi au, ia kevaka ka'u sa tawa burisitakina e dua meca, sai kemudou ga ka'u sa tawa burisitakina e dua meca, sai keimudou ga ka'u sa tawa burisitakina kina, ena mata i Karisito. ¹¹ me kakua ni rawaji keta ko Setani: ni keta sa sega ni lecava a ona daulawa ki ¹² Ia, ni'u a lako ki Tiroa ena vuku ni tukutuku-vinaka kei Karisito, ka sa dolava vei au a katuba a Turaga; ¹³ Sa tawa cegu a yaloqu, ni'u sa tawa raici Taito a wekaqu: au sa qai tatau vei ira, ka lako yawa ki Maisonia. ¹⁴ Me ia na vakavinavinaka ki vua a Kalou, ko koya ka tuberi keitou jikoga ena reki ena yaca i Karisito. Ka sa vakatakila vata kei keitou ena yasana taucoko ga ni sa voivinaka a kilai koi koya. ¹⁵ Ni sai Kairiso keitou sa boivina ka kina ena mata ni Kalou, vei i ra era sa vakabulai jiko, veiira talega era sa vakarusai jiko. ¹⁶ Vei ira kaiei sa boiboi veivakamatei me a mate kina; vei ira oqori sa boi veivakabulai me ra bula kina Ia ko cei sa rawata a vei meca kai ei? ¹⁷ Ni keitou sa sega ni dauvakatani taka a vosa ni Kalou, me vakataki ira a lewe levu; ia keitou sa vakatakini ira era sa djina sara, me vaka sa mai vua a Kalou keitou sa vosa ena yaca i Kairisito.