¹ Iesu enave ikirie vapeai. Ke mekai'i, ane upaiiri mikii. ² Oura'a oro ari minaia a'a rurui kei okave aka. Kapoi Iesu omu pinima rokoa oi emie. U ari minaia a'a okie, Ukue venua mi, ni namea uriria ou ima lie. ³ Ai kapoi ipa a'a aira varamo omu ee "Ei a'a u iva a'a." ⁴ Iesu ua ipa lie voana omu lae korava mo ekei, Oi miki aiaia nomulae korava imunu nomu umu laruai? ⁵ Oai ekei vake u oponoa? Kuruai, ni namea urira ou paua ee nimie, kapoi kuruai. la'a ai ena'a? ⁶ Ai noroa anana ipa liai, A'a nu ukua u ivane kae upai namea urira paua eeai. ----u kapoi minaia okie, "La'a ni ruru mi au ni mareai ena." ⁷ Ou a'a u laave enave u mareai. ⁸ A'a aira miki oro oura'a inamu oie voana, oro varuave mo Eloi avi oie, iva veia a'au lie aiai. ⁹ Iesu ou mako aveeaka, u a'a mo noe Mataio oie oura'a po koi ma kei ane rore kaupukiki larava laruai, Ua ou okia, kauiki nai. Mo u la'ave aka kauokie. ¹⁰ Ei avaea iki kave Iesu lae lie pa'avai navai navai mareai. Kapoi rore kaupuki a'a aira miki mo opara lipi a'a uriria navai nave Iesu ane. ¹¹ Parisea a'a oro inamu oie voana, Oroa u aivara ekie, Oi aiaia nomu Ipolia a'a ua rore roikiki a'ane mo namea a'ane na'a miki? ¹² Iesu ua ei voa virie voana, Ua kure, A'a venea iki kapee, Ipa a'a ama lae liaka'a pea maiia a'ana monou lae liaka'a. ¹³ Ima noro enavai mikiipa liai, Na lae airu, mo epia pei apea ei na a'a anana a ama erau ai ma anepea, aii namea iki uriria. ¹⁴ Kapoi Iouane no aivara a'a ane uau kure, Oi aiaia enei mo parisea uriria nemu eiki pani uriria, Ai ni aivara a'a oro nemu ama eiki pea? ¹⁵ Iesu ekie, Li aminava lia a'a oro umu vepea mikia, Noe upa a'a oroane roko ane? Ai lare varomo aneaka'a, Noe ovara a'a laiokavai, oroau mere, ¹⁶ Ai e'a mo eme keva noore vake paiavaka'a, enii vake no upai, ai kiri keia iki koraki aka'a mo kokorava ovara miki liaka'a. ¹⁷ O a'a ere noore orekava ikirikii verea enii vake'e, oi liviai ou verea u upukiaka'a, mo ere noore uavaka'a, Oura lia moiai, oro ere noore verea noore'e kaupukia pokoiai, Omu leako vaaui kei aka'a. ¹⁸ Ua ei pei nu omoro ekima ana, a'a ee mo aneaka arau lie uau. "Ua kurue, Na paka u ei emuki miki imua, mauna ane ni eve u upai aima, mo u roko aka'a, ¹⁹ OaiIesu la'ave a ka kauokie, u aivara a'a oroko eu ²⁰ Oura'a ae monou oka kani miki, aro kae aumeia kaupu eve mekai mekai ane leako, leako mo upai. Enave ²¹ Iesu lekoe kauokie, mo u eme epoe pirie, ua kurue Ima naia u eme eop piri ane na ima liakau. ²² Oai Iesu uurukie inamu oiaka, Paka iviri mi Ni pirima rokoa, Ni ou ima niie. ou lare uri mikii ou ae u ema lie. ²³ Kapu Iesu ua iaki a'a mono mareai ikirie voana, One kiri karikiki a'a mo a'a oura nuki varomo au ekue, kiri ovara miki lima kei ane. ²⁴ Ua kurue, Ena amai, ei paka u ama iniu keiapea Ei u o'o kei ma keia, kava oro keke kirie uau rori okava oparau. ²⁵ Ou a'a uriria miki ave lae'e lai ekave aka, u ikirie laravaii mo eve'e pirie ai paka u la'ave. ²⁶ Ei omoro uirira peava lie kae peavaii. ²⁷ Kapi Iesu u ou mako ave'e ma keie laruai Inamu apua a'a leako kauikie, Oro voa orere kamuri voa upa miki, kurue, Enei airu mi aku Davida nu ukue. ²⁸ Iesu ua mareai ikiri mane voana, ou inamu apua a'a leako enave uau, Iesu ua ekie, Noro ama miki ee mao na ei iaki liaka'a? Oro kurue uau "E Amue." ²⁹ Ai Iesu omu inamu piri emie, kurue, Ei opara limoki noroau nomu pirima roko ana lae lia oparai, ³⁰ mo omu inamu parekie, Iesu u vupu eiei mi ekue kurue, inamu kae a'a mo pa ipa lima okiai. ³¹ Ei vake leako oro ere aka omoro peakave ou kae aviki aviki laruai. ³² Ou vake leako oroa amai enama kei laruai. Aa mo imunu ikiri oie, orae ane Iesu au ³³ Imunu uau mere ere moki ako pani, Aa aira miki oro kopai voa kuru ako, kuru ako Ei opara avaea pinou Isalaera laruai ama oiako pea. ³⁴ Ai kava parisea a'a oro kuru ako, Imunu pakui e'ea, U imunu ere meki ako. ³⁵ Iesu enave kae ovara varamoe mo paiiri varamo e U ipokia iaki lea enave omu Ia'a Lavii, pani muku nu omoro, mo auma aira miki maia aira miki ima eie. ³⁶ Kapoi Iesu a'a aira miki inamu eie voana, U umu vepea miki ipa lie. Uku oro lae iakari mo lae vaiava, Ipipia mamoe eiviria maika a'a eria, ³⁷ U kapoi u aivara ekie, Ei aura miki aira miki Ai aivara aivara iaki a'a kaupu. ³⁸ Ou eiai ema mikia noke li amua u aura nu mai au, uau mene aivara a'a varomo eiviri aka'a aura laruai.