¹ Oai, Iesua akapu mere liri ave voana, a'a aira miki mou kauokie. ² Aimara, tepera a'a moa vairu oiaka epu ae oiaka ouokia, "Amue, Nia Lae miki lia ane, ni nai aukuru i'i aka'a?" ³ Iesu a eve aiola ereaka a'akiriviai ou okia, "Na lae miki, akuru li!" Ema mikia. U akuru lie u lepera mere. ⁴ ou mere Iesu u ou okia, "Inamu oiriviai, a'a mo oki ai apea. Ai ena mo ni nane iki'i lima era omoro a'a Ui oura'a liana mose, a kurue, umu pei okumai ou oroau Lae korakora omora a keiaka'a eiai." ⁵ Oai, Iesu a kpanauma ikiri euave voai, Roma l'ara ikinu- ovara moa ane oiaka ane ane ou o ka'a. ⁶ Mo ou okia, "Amue, na aivara a'a mare ai ikeia, mineia miki a mo kukunu ovara miki laruai." ⁷ Iesu a ou okia, na aneaka'a ima e'eai. ⁸ Aikava Roma iara ikino ovara ua ou vairu koia omoro, "Amue, na ou ia'a miki apea nia ikiri ma ane ai na lae araui'i. Ai amoro monou kuru oura'a na aivara a'a u ima lia ka'a. ⁹ Uku na a'a mo iva mo ruki a rokoai na iara iki, ane na araui'i. Naia okiane ei vake, "Ena uenava ka'a ai mo, 'Ane, 'u ane ka'a kapoi na aivara a'a. Ei Pei li ulia Ka'a." ¹⁰ Ai Iesu u ei omoro viri voai, u ira liape voa mo ipa lie eiai u kiri o'kave rokoa rokoe iki ou ekia, "Miki miki nakia na ei opara Pirimarokoa ovara ane a'a a avoku pea Isaraela larua'i. ¹¹ Ai na lae naki ai, aira miki ane aka'a larea inava mo larea a'ekia iki mere Pakarai Pa'avai Aberamo ane, mo Isa'aka ane mo Iakobo ane imeia nu eiei'i. ¹² Aikava, eiei nu ukua la kea oro lauemi ereaka'a iki murui, ekeia. Oura'a viki inamu ere mo ni'iri amare nava ka'a." ¹³ Lekomere, Iesu u Roma iara ikinu. Evara ouma oki'i. "Ena! Nia miki'i e'ea oparai, uku u evere kia ka'a ni eiai" Auou Pani miki'i ou aivara a'a u ouma ima li'i. ¹⁴ Iesu Petero nu mareai ikiri ai ane voana, Petero nu ae nu ai ou oia koupua maiane keima keiane. ¹⁵ Iesu U u eve a'akie voana ou, koupua ma ia ou aiomi area. Oura'a u la'ave aka nava i ou kariki. Eia- ¹⁶ oai, pani a Puku lie voa a'a oro. Iesu au imunu e'e e'ea kiruei rokoe a'a aira mo erae oi ane'e omu opa omoroe imunu laoi emi ako mo maia aukari kemi ako. ¹⁷ Ei oparai, Peroveta Isaiah ana kurue omoro miki'i e'e. Ei, oparai. "Ua mikia ene maia laioka amie, mo auma maia kini amie." ¹⁸ Ai Iesu a a'a aira miki ei aviki voana, u ananakaikie ou mako ave'e a'a keai alileia mekai. ¹⁹ Oura'a vupu, kikirie a'a moa ane oiaka ou okia: "Ipaokia a'ae. Na ni epe Nikavaka'a ni enava ka'a iki'i. ²⁰ Iesu a ou okia, "Avai orako oro keia aroa ane. Mo kaia nu nako oro kakorane ai A'a nu Ukua u pai'iri mo eria u uku lae kae mokiai." ²¹ Pivara a'a mo ua ou okio. "Amue. Mara pina ana-na iku na evavai na mai i'i ai." ²² Aikava Iesua ou okia. "Nai epe ika ai avei imua oroa omua i'i meki." ²³ Ai Iesu a vapeai ikiri voana. U aivara iki oroko ouma lake'e. ²⁴ Ai marai maruru ovara mikia la'ave, oura'a vapea vupuave era, aikava Iesu uvapeai o'o. ²⁵ Oura'a aivara iki oro ane aka ou epekea ou okia, "Eneiiaka, A mue ene imua aia ka'a." ²⁶ Iesu a ou ekia, "kore nu miki oia, pirimarokoa mau'u ikie?" Oura'a ula'ave aka kavaea nainei okave mo kaea ane. Oura'a, ere eria ka iva miki lie. ²⁷ Aikava vakero oro mia roko roko ouma li'i, ou akina'a, "Eka'a opara a'a mikia ei a'a u, uku kavaea kaea ne oro u voa virike?" ²⁸ Iesu a kaea mekai'i kenave voana mo Gadara kae'e iri imunu a kiruei rokoe vake leakoa ou auoka'a. Oro lauoi mere ere mane arokoe kepoi oro iara miki, our iara miki, oura'a na kapea roko emia lipi. ²⁹ Ai mara, oro viki araro lae'e ou kurua, "Oi ma liaia ene ni au, Ia'a Eloi nu ukue? Ni eira'a enei oa'akavai ima a ne'e?" ³⁰ Oai oura'a auri kiria moa roko ma keie navai navai'i, ou ama miki'i apea oro mere. ³¹ Ou iri imunu oro ere mima keie mo ou kurua, "Nia la'a aiane i auri laruai ikiri maki." ³² Ou mere Iesu ua ou ekia. "Ena." Ai oro ere mane aka ou ikiria auri laruai, mo mara, ou auri uriria oro ou kiri liria akapu akuru miki'i. Ai ere imumu ave. ³³ Aikava auri maika iki oro kore enave aka lie voa uriria ia ou kurua, ou vakero ekave opara, vakero iri imunu kiru ei roke arokoe iki. ³⁴ Ai mara, ou kae ovara nu 'a'a urirua oro ere mane Iesu avokuai. Oroa auoku voana, oro nanuku okave ua omo kae kae mere laikiai.