¹ Iesu ua u aivara iki anana ekuaka oai li voa na, u aveie enave omu pairi ovarai ipi ipa mo omoro ekiai. ² Iouane u tipura lae ruai, Iesu ua lie iaki voa viri voana u omoro oiviri'ie u aivara iki ane. ³ Ai ou okia, ni ane ai kuru a'a, o ene om ama veve'ea? ⁴ Iesu ua e, ekave aka ai ou ekia, ena Iouane okima noroa oi'a pei viri aka imo viria pei. ⁵ Inamu apua a'a inamu kaema keia, minaie a'a enama keia, Lepera a'a akuru lima keia, nama'u a'a vikima lima keia, imua a'a la'a ekave aka rokoai vairuma keia mo I a'a omoro rurupo iki ekima keia. ⁶ Naia lipi okavape a'a u ima. ⁷ Ei a'a oroa enave Laruai, Iesu u Iouane nu omoro kaupu ovara ovara ekia enuve. "Ni kae Lavere'e oi ma ai ai 'ima enave-kavea an poro 'a'a Po no va'au. ⁸ Ni oi pei mikima oiai ma ere-a'a tapua opono miki tapua opono omarea rokoke iki oro amua nu more'ai rokoke. ⁹ Li ni oi pei miki ma oiai ma 'ere "Peroveta a'a? E naia kurua, ai Peroveta a'a uau mere 'e'e lia. ¹⁰ Ei vake u, uau mere kikirie. Inamu kae mo omoro o'ivrima keia, nomu puku'i, momu paku mere kapea kaiki aka'a a'a. ¹¹ Niai nakia miki miki, ou aero omu oko mere kinie a'a mo u ovara apea Iouane vapatiso au mere. ¹² Iouane vapatisa u pani mere emuki kai a pairi imeiai, u kukunu iara miki mie ou kukunu iara iki oro venea miki'a mie. ¹³ Peroveta iki mo vupu oro eomoro kuru livia Iouane u ane. ¹⁴ Ai ma mia lae miki li ane, u Elijah ane ou lima keia a'a. ¹⁵ Ekei a'a u keporo ane li ane, voa viri moki. ¹⁶ Ei a'a avai oi ane ma ipai a? Ei vake uku ma'u ma'u a inaea inaea pairi'i pokoike opara iaea ou arau nama keia. ¹⁷ Mo kuruku, ene ina ove lae nia ni, ai ni eke a li pea. ¹⁸ Iouane u pei mo ere na liviai ma ane pea, ai ora kurue u onomo lipi ane. ¹⁹ A'a nu mere u na vai naliviai moere naliviai ane oroa kurue, inamu kae, u navai ovara a'a miki mo ere lipi ina a'a moni mike iki mo namea iki omu a'a mo. ²⁰ Iesu ua iva veia lie pairi ovara ovara anana ekave, u oro lae a 'u'uruki pea. ²¹ Lipi nia'u Chorazin, Lipi niau Bethsaida iva veia Tyre mo Sidon lae ruai lia kei ane, oro eni miki'i 'u'uru ki ai oka'a, tapua lipi lipi mo oporo ane. ²² Ai naia nakia, u ima miki'i li aka, Tyre mo Sodom ane voa veve 'eaka pani'i, niau mere. ²³ Noro, Caparnaum, noro ama inuaka pea imea'i Li noro? Noro nara ea liriavaka i'au pairi. Sodom laruai li ai okane iva veia iau li opara, u lae kora kora kei liviai emuki. ²⁴ Ai nia kurua u opono liaka Sodom kae, voa veve 'ea pania ane 'ane a noro au mere ²⁵ Ou pani Iesu u e ekave, ai ou kurua, na kepu nia Mai Eloi imeia'i, uku noro ei pei pei vauokave, lae evera mo lae korava mere mo iki'i kave ukua ma'u ma'u au. ²⁶ E Mai e u ima miki ni inamu'i. ²⁷ Pei uriria mi ikuaka na mai 'au mere, ai a'a u ukua ipa pea, Mai a monu mo a'a mo u Mai ipa pea, ukua na monou, ai ekeia a'a u ukua numa cauoka'e, u iki kavak'a. ²⁸ Ane naiau nomu uriria, nomu mu'u ane, no lae kaea mia naku aka. ²⁹ Na iaki nia mi, mo naiau mere ipali, na kekepa mo umu arau miki, mo ni lae kaea 'au okucaka nomu aveai. ³⁰ Na iaki u opono, na mu'u u paraka.