¹ U ane'e, ou opara miki'i, Iesu U omoro a aoi li voana, U-u aivara iki ou ekia, ² "Noro ou ipa lie lare leako lekomere u epia purai a inavaka'a, ai A'a nu mere u eku a inu ka'a avai." ³ Oura'a omoro a'a ovara-ovara mo a'a pina-pina a'a eiai oio kaupu aki nave omoro a'a ovara nu lavi'i, u noe kaiapa. ⁴ Oro omoro karikie Iesu iva mikia piria ai imuai ai-ai. ⁵ Oroa ou akina'a, "Purai laruai apea uku a'a nu nainei a ina'a moiai." ⁶ Oai, Iesu Betani'i roko ane, lepera a'a Somona nu mareai, ⁷ u a navai pakarai pokoi ane, ae mo uau ane'o, eve'e, alabasta kavapu kapenu mura-mura kavane ovara miki vake, ai u ore kave U uku i. ⁸ Aikava U aivara ikia oi voana, oro iruku miki lie, oroa ou kurua, "Miki ekeia ei oavai?" ⁹ Ei kaeai oka'ane oko ima, kavane ovarai, oura'a liana rurupu ekuai." ¹⁰ Aikava Iesu Ua ipa lie oparai, ou ekia, "Oi eai ima kariki oi vupu ei ae au? Uku u laki ima li'ia nai eiai. ¹¹ Uku ni pani uriria rurupu ni ane rokoa ka'a aikava ni pani uriria naiane ama rokoa ka'a pea. ¹² Uku ua ei mura mura oreka'a voai na kape'e, u nai i'i imia nu kariki-kariki lia. ¹³ Miki-miki naia nakia ekei makoe ei uru inia kuru ane kae upa laruai, ei ae a lia voa u kuru ma rokoka'a, u lae kora-kora eiai." ¹⁴ Ou leko mere, omo tuaero no a'a mo, koa u noe Iuda Isakariota, u ou ena'a omoro a'a ovara-ovarau, ¹⁵ ai ou kurua, "Oi ma ikuai ma lae miki li'i, naia piria naku ane noro?" Oroa pene tety nu mu'u ipia siliva ou kariki oia u eiai. ¹⁶ Ou pani mere enava, u oka vaeve'e piria eku ai. ¹⁷ Oai parao mura-mura eria vake no lare pina vake'e aivara iki oro ou anea Iesu au, aneane liai, "Eka'a ma liai ma lae li'i ni eneia, kariki-kariki epia purai navai nia?" ¹⁸ Ua ou ekia, "Ena, ei kae ovarai noe iki'i a'a oki ma, 'Ipaokia na kurua. "Na pani oni li ane ma keia. Na epia purai maika liaka'a ni mareai na aivara iki ane." ¹⁹ Aivaro iki oro Iesu a anana eie oparai lie, ai oro karikie epia purai navai. ²⁰ Oai, puku li voana, U pa'ave navai-navai aivara iki tuaero ane. ²¹ Oroa nava nama keie laruai, Ua ou ekia, "Miki-miki naia nakia, nomo a'a mo u nai iavaka'a. ²² Oro eria umu miki, ai a'a monou-monou a ane-ane ou oka'a, "Miki a , nai apea ae, Amue?" ²³ Ua vairuma keiai ou ekia, a'a koa u eve naiane ainau i kae aka'a a'a, ua iavaka'a nai. ²⁴ A'a nu mere u enavaka'a, u kikiri a keia ipia-ipia, aikava umu ou a'a u, koa uau mere A'a nu mere U avaka'a! u ima liai oka'a ou a'a kiniape liai oka'a ne oko." ²⁵ Oai Iuda, U avaka'a vake no mere ua vairumakoiai ou ikia, "miki ae, u nai apea ae, ipaokia a'a e?" Ua ou okia, "Ni ou kurue, ni nane'ea." ²⁶ Oroa navai-nama keiane, Iesu parao miaka, ia'a e'e aka, ai ou vepea, U miaka aivara iki ekulivia ou kui ua, "Mim na ei na kape." ²⁷ U ere verea mo miaka, kopai omoro kuru aka, ai ou ekua, kuru riviai, "Ere na uau mere, nomo uriria. ²⁸ Uku ei na aro vupu mere ore kia ka'a aira miki eiai namea u'u ai. ²⁹ Aikava naia nakia, na miki-miki ama nava ka'a pea ei vine nu uru mere, ena livi ai ou pani'i naia np'ore'e viru aka'a noro ane na mai nu eiei'i." ³⁰ Oroa one mo lie lieo, oro enavai enave akapu Oliva i. ³¹ Oura'a Iesu u ou ekia, "Nomo uriria araki aka'a eai kipere uku naiau mere, Uku kikiri keia omoro eire'e, 'Na mamoe maika a'a vaki ka'a, ai ou kiria nu mamoe oro upuru kia ka'a.' ³² Aikava naia la'ava ka'a leko, na nomo pakui enavaka'a Galileiai." ³³ Aikava Petero ua ou vairumakoia, urrriria na araki aneoko, uku niau mere, nai monou na ama araki aka'a pea. ³⁴ Iesu a ou oki vairua, "Miki-miki naia nikia, eai kipere monou, kokoroa voa liape'e ni nai paua voa kuru ka'a pani leako kaone'e ane." ³⁵ Petero ua ou oookia, "Naia niane imuai kuru ane oko, na miki-miki ni poava ama nikava=-ka'apea." Aivara iki varemo oroko ou omoro monou ou kurua. ³⁶ Lekomere U oroane ou ena'a pairi mo noe'e Getsamain i'i ai U aivara iki ou ekia, "Pokoi eira'a mara na ira'a ena'a noki liai." ³⁷ Ua erae aka enave uane Petero mo Iebedi nu ukua leako, ai viki-viki mo lae mia varu varu miki lie. ³⁸ Lekomere Ua ou ekia, "Na onomo u viki mu'u miki limakeia, mua oko liaka'a.... Pokoi eira'a, ai inamu nai ane kei moki." ³⁹ U mau'u amai enave aiaka, pakua a raki aka ai noki ou lia. Ua ou kurua, "Na Mai e, ua ima liane, ei ere verea nai au mere evere ki moki. Ai naia lae lia oparai apea, ai nia lae lia oparai." ⁴⁰ Lekomere U aivara iki au vairu ane voana ai oro o'o keiane ou auekua, ai U Petero ou okia, "O ni inamu ama keimoki ma keia ka'a pea nae naiau, ei pani umai? ⁴¹ Inamu kaeriviai noki li oura'a ni ama ikiri ai enavaka'a pea ipiai. Avaea miki U kamaia, ai kapea eapa lia." ⁴² U pani leako vake ai emi enave aka noki ou lia, Ua ou kurua, "Na Maie, ua iepe ape'e, ai naia na'ane, ni lae limoki." ⁴³ U mo'oko vairu voana ai ou auekua oro keiane, uku omo unamu mu'u eiai. ⁴⁴ Ai aveiriviai mo'oko, U aiemi enave aka ai noki ou lia pani leako kaune'e ane vake, ou omoro monou mo'oko kuru ai. ⁴⁵ Ou lekomere Iesu U aivara iki au vairuaka ai ou ekia, "Noro o'o ama keima keia kae mo lae ama kae a kae? Inamu kae o, pani ou evere kie, ai A'a nu Mere U ou piri ekue namea lipi iki nu eve'e. ⁴⁶ Lara'a, ane ene enavai. Inamu kaeo, nai ipiria ka'a a'a u ane aiaka'a." ⁴⁷ Ua omoro kuruma keiane, ai mara, Iuda, tuaero no mo ou ane a. Uane u a'a lakea ovara eve kaiane mo eve piriokia no, a'a nu omoro a'a ovara-ovara mo maioro ppppina-pina na eivirie. ⁴⁸ Oai, a'a koa Iesu piriai kurue a'a u ipia eni'i mieie, ua ekie, "A'a u naia pina iki oi ane,, u oura-ai. Piri." ⁴⁹ Ema miki a u inava aneaka ou kurua, "Ae, ipaokia a'a!" ai pina ou iki oia. ⁵⁰ Iesu a ou okia, "Vake mo, li ana nia liai anea voa. "Lekomere oro ou anea, eve ou aia Iesu au ai ou piria. ⁵¹ Aimara Iesu ane rokoma keie a'a mo ua eve oiokave aie, kaia ou kae, ai ou eie, omaro a'a ovara mono aivara a'a, ai keporo ou ei omi are'e. ⁵² Oura'a Iesu a ou okia, "Ni kaia aia vairu u pairi'i, uku uriria kaia mia laoka ane, oro kaia i imu aka'a. ⁵³ O ni eira lae ma korae, na-na Mai ama ourau aka'a pea, ai u aira miki eiviri aka'a aneru lakea, tuaero o'ope-o'ope ema mikia? ⁵⁴ Aikava eka'a oparai ma miki'i e'ea kae puka na kikiri keia omoro, oura'a ei voa evere ki moki." ⁵⁵ Ou pani miki'i. Iesu U ou iara lakea ou ekia, "Noro kaia mo no ane ma ane'e nai ipiri ai, ipia avapu a'a oparai?" Lare uriria na pa'a vako omoro mareai ipaokia laki liai, ai noro nai a ipiri pea. ⁵⁶ Aikava ei voa uriria oro everekia ka'a uku Iva veia omoro iki nu kikiria na miki liaka'a eiai. "Oura'a aivara iki uriria oro kore ou aiomi area. ⁵⁷ Iesu ipirie iki oro U orae aka ou ena'a Omoro a'a ovara noe Kaiapa u, ekeia oura'a vupu kikirie iki mo a'a pina-pina na kaupu ki pokoie iki'i. ⁵⁸ Aikava Petero u epe okava enave ama mere omoro a'a ovara nu ane-ane mareai. U ikiri enave aka maika iki ane ou pa'a-a, liaka'a voa oiai. ⁵⁹ Oai oura'a omoro a'a ovara-ovara mo kae maika lie iki oro omoro euae mo ou veve'ea Iesu au mere uku oro imuai aiaka'a eiai. ⁶⁰ Oro mo a auoku pea, euae inamua oia oro inana-ave. Ai lekomiki'i leako a iki'i liane'e, ⁶¹ ai ou kurua, "Ei a'a na kurue, 'Na ipia miki okeke ai Ia'a Eloi nu omoro marea kopoi lare leako kaune'e ane vake'e laokavai.' " ⁶² Omoro a'a ovara ua la'ave aka ou okia, "Ni kavane omoro eria ae? Oi miki ma kuruni ma kei'i oro?" ⁶³ Aikava Iesu omoro a au pea. Omoro a'a ovara ua ou ikia, "Na anana nukua rokoa Ia'a Eloi au mere uku nia aki ai, ni Ia'a Amua ae, Ia'a Eloi nu Ukua." ⁶⁴ Iesu a ou vairu ma koia, "Ni ou kurue ni nane'e a Aikava naia nikia, eai mere enava ni inamu oiaka'a A'a nu Mere pokoi ane eve miki mekai nu ivai, mo ane-ane imeia nu ururu upai." ⁶⁵ Oura'a omoro a'a ovara u-u kapua korave aka, ou kurua, U aepe-aepe omoro kurua! Oi ei aia eneia inamu a'a lae lima keia miki? Inamu aka oi'i, ni oui viri oie epe omoro. ⁶⁶ Noro e a'a voa lae ma korae?" Oroa ou vairuma koia" U ima lia Ua imuai." ⁶⁷ Oulekomere oro U paku kaunere a koroi omie, mo varemoa ou vaki a, ⁶⁸ ou okia, "Iviai'i aki, ni Ia'a Amua. Koama vaki nimi'?" ⁶⁹ Oai Petero pekoi ma keie iki'i, ane-ane larava mere, ai aivara ae moa aneoiaka ou okia, "Noioko eire, roko arokoe, Galileia a'a Iesu ane." ⁷⁰ Aikava u poava ou lia omu pakui, ou kurua, "Na nia kuru ma keia omoro ipa pea." ⁷¹ Ua kikinau epui ere voana, aivara ae moa kapoi oiaka oura'a oiarokoe iki ou ekia. "Ei a'a uoko roko-arokoe Nasareta a'a Iesu ane." ⁷² U mo'oko euae ave'ea omoro ane'e ou kurua, "Na ou a'a ipa pea!" ⁷³ Va'au pa liai, ou oiarokoe iki oro akeaka Petero ou okia, "miki-miki nioko ou a'a mo, uku ni kuruana iki'i ni'ia." ⁷⁴ Oura'a u-u nane u rokoa ipiai airiviai ou kurua, "Na ou a'a ipa pea." Ai ou pani miki'i, kokoro vake voa ou lia. ⁷⁵ Oura'a Petero u lae ou kora'a Iesu a okie omoro, "Kokoro nakoa voa lia pakui, ni pani leako kaune'e ane'e, nai paua voa kuru aka'a." Ou eiai u erea-ka iki'i viki lipi miki ou lia.