¹ Pania mere voana vapani miki, omoro amua iki mo a'a ovara li iki oro voa karikie IEsu imua ai aiai. ² Oro no one piri aka ou oivirie, Pilato au gavana. ³ Iudas ua inamu kae voana, Iesu u lipi ou aie u 'u'urukie ai enave aka teti siriva omoro amua iki mo ovara lia iki ekue. ⁴ Ou kurua na namea ou karikie, lipi liape aro lipi'i ou aie. Ai oroa ou okia, ou oipeia enei au? Ni nane'e a inamu oi. ⁵ U ou sirivia laua liriave omoro marea laruai, oura mere enave aka u nane a 'ea no'e 'e'e virie. ⁶ Omoro amu iki oro, ou siriva mi aka ou kurua, u vup a pea moni aikea iki'i aia, uku ei aro kavane. ⁷ Oro omoro liaka omu uriria ou monia Pota kae oiari omie a'a momo'orea iki o'mu 'i'i emia lauoi pai'iri. ⁸ Ou aiai ei kae oka u oraue, Aro kae oka, emuki oko. ⁹ Ai u kurue omoro Jerimaia na, peroveta a'a na mikie ou kurua, Oro teti siriva keva keva, kavane miaka Isarala nu ukua u. ¹⁰ Ai oro mi okue Pota u kae oka aiai, Eloi a anana mi ikua. ¹¹ Iesu u kavana paku'i oie, ai kavana ua ou okia, ou kurua, Ni Jus om u Amua? Iesu ua ou okia, ni ou kurua. ¹² Omoro amua iki mo ovara iki oroa oki voana u omoro mo a eki pea. ¹³ Pilato ua o okia, Ni oroa mi ane ma kia vupu uriria a viria pea, nia ne? ¹⁴ U omoro mo a oki pea, vupu mo eria, 'oura 'a kavana u 'aina ovara miki. ¹⁵ Purai'i u airunu vupu kavana ua, tipura a'a mo oiviria ere a'e a'a 'u ora lae lia a'a. ¹⁶ Ou pani omu ipa miki tipura a'a u noe Barabas. ¹⁷ Ai oroa monou iki kaupuki voa na, Pilato u ou ekia, noro koma oiviri naia ere mane ai ma lae ri'i? Baraba o IEsu Ioka laea ora uma keia a'a. ¹⁸ U ipa lie Iesu u oroa me okue u eve uku omu lae lavi aiai'i. ¹⁹ Ai ua u voa veve ea pakarai pokia ni, u 'a'e ua voa oiviri oka ou okia, Voa mo pa lia ou lipi eria a'a'u. No emuku aiaro'e kukine mia u aiai. ²⁰ Omoro amua iki mo 'ovara iki voa ou ekia a'a aira miki Baraba aiai kuru ai, ai Iesu avai. ²¹ Kavana ua e ekave aka ou ekia, Ei leako mere eki vake ma oivira ere maneai a noroau? Oroa o kurua Baraba. ²² Pilato ua ou ekia, na oima liaia Iesu ane u ioka iaea orauma keia. Omu uriria na ou kurua iri ke'o upa'i ai. ²³ Ua ou kurua, oiaiai a, oi lipi ma lu'i? Oro ovara miki'i ou orere'a, ou kuru'a, iri ke'o upai ai. ²⁴ Pilato ua ou pei oi voa na u lia voa mo eria, uku lae lari evereki ma eie, u ere mie, eve upu omie a'a aira miki nu paku'i, ou kurua, no voa mo eria ei a'a nu aro, Nora oi lara. ²⁵ Ou a'a oroa ou kurua, u aro ene upai mo ene ukkua nu upai. ²⁶ Oura mere u Barabas ou oiviria ere oro au, I Iesu uipi eaka ai ou mi eku'a iri ke'o upai aiai. ²⁷ Kavana u iara iki oro Iesu orae ikiri aka kavana uku lia mako'e kaupu oki oie iara iki uriri miki. ²⁸ Oro u tapua 'auomie, tapua aro luki omie. ²⁹ Oro 'aimu kaukoua kaikie u ukui u uku'i aiomie, iri kavae eve miki mekai'i ai omie, oro u paku'i ari epu 'ai aka voa 'e'e'e'e okia, ou kuru'a ei Jisu nu Amua. ³⁰ Oro kaunere a koroie, oro iri kava'e mi omi aka u uku'i vaki omi makeie. ³¹ Oroa voa' 'e'e'e'e okia aka o'ai li voa na, oro tapua aro 'au omie, u tapua miki luki omie, ai oiviria ere iri ke'o upai aiai. ³² Oroa eremane voa na, oro a'a mo 'auokue cirine mere u no'e Somoni, oroa satauro novea na uaki ai okie. ³³ Oro ane aka api'iri no'e Golgota'i. Ou miki, uku la'aro nu pairi. ³⁴ Oro oura'a ere moroa ou okua, ua ani ai voana u ou ere a anve pea. ³⁵ Oroa u iri ke'o upai ai voana, oro u tapua evere'e aka lori okave. ³⁶ Mo oro papa ave aka maka pokoi oie our'a. ³⁷ U uku upai oro u uaokava noe kikiri oikeie, ei opara, Ei vaka Jius omu amua. ³⁸ Avapu a'a leako oroko uane ai emi keie, mo eve miki mekai mo eve kenaua mekai. ³⁹ O'ope ako iki oro voa 'e'e'e'e oki ako, uku lai lai liako, ⁴⁰ Mo kuru ako, ni omoro marea uavai kuru ako a'a, mo mo oko 'ae aka lare kaupu laruai, ni nane 'ioka! Nia Eloi inu ukua li ane, Satauro upa mere liri'a. ⁴¹ 'Ou oparai monou omoro amua iki oroko ou omoro monou okie, puka kikirie iki mo mai lie iki, oroko kurue. ⁴² U a'a 'iekave, ai u nane'e a ama ioka vaka'a pea. U Isara'ela nu Eloi, liri amoki satauro mere, ai ene miki eaka. ⁴³ U Eloi miki'e, ai Eloi ioka moki emuku, Eloi ua u lae li ane. Ua kuru ako, 'Na Eloi inu ukua." ⁴⁴ Ou opara'i mono'u uane monu'i iri ke'o upa'i ai emi avapu a'a oroko ou omoro 'e'e'e'e oui okia. ⁴⁵ 'Aoa sikisi vake mere 'aoa naini vake kae muru li keie. ⁴⁶ 'Aoa naini vake'e, Iesu u laea ovara miki ou laea, o'u kurua, Na Eloi na Eloi nai oima liai ma avei'i'i. ⁴⁷ Oura'a 'oi a'a varomo oroa viri voa na, oroa ou kurua u 'Elaisa orau makia. ⁴⁸ 'Ou pani miki'i rokoana enave aka ipi ou mie, waini iara vake ou ave, iri kava'e'e aie, mi okue ua navai. ⁴⁹ A'a uriria oroa ou kurua, ave'e'a kei, 'ene inamu kae aka'a Elisa u ama ane ma'o u paioka vai. ⁵⁰ Iesu laea ovara miki mo oko lae aka u lae or avea ave'e. ⁵¹ Inamu kae, omoro marea'i 'e 'eviri tapua iki miki kora kie upa mere arau'i, kae vovo lie, mo rore kokora kie. ⁵² Lauoi kikinau 'a'ukikie Eloi inu a'a o'o kekeri iki oro lara'ave. ⁵³ Oro ere mane u la'ava leko mere, ia'a pairi ovara laruai ikirie, mo a'a uriria 'u iki'i lie. ⁵⁴ Iara ovara li iki mo inamu kae ai 'oi iki Iesu uane oroa puipui mo evereki pei uriria oi voana, oro kore miki lie, ou kuru'a, miki miki ei vake Eloi inu ukua. ⁵⁵ A'ero aira miki kauoki enave Galileia mere u maika liai oroko oura'a inamu kae ma keie. ⁵⁶ Omu oka'i Meri Magadala, Meri Jemisi mo Iosepa ne omu ai, ni Zebedi nu ukua lakea nu ai. ⁵⁷ Puku li voa na, mari a'a ou ane'a 'Arematia mere, noe Iosepa, u kapo'i Iesu nu aivara a'a. ⁵⁸ U enaoie Pilato mo ane ane okave Iesu nu kape aiai. Pilato ua anana ou ekua kape mia okuai. ⁵⁹ Iosepa u kape mi enave, tapua akuru ane ovo'o kave. ⁶⁰ Mo u lauoi no'ore laruai aie ua ei rore'e, u rore ovara emumu kava enave lauoi kikinau la'e oi liaka u enave. ⁶¹ Meri Magadala mo Meri mo oro oura'a, pokaima keie lauoi mekai mere. ⁶² Lare mo, omu kariki kariki lekomere, omoro amua iki ma Parisea iki oro monou iki koupu kie Pilato ane. ⁶³ Oroa ou kurua, Maie, ene lae kora'a, ou euae a'a ua rokoe pani ua kurue, Lare kaupu leko mere na la'avaka. ⁶⁴ Ou voiai, anana eku lauoi maika liaia ealiviai lare kaupu vake'e, Ma u aivara iki oroa ane 'aia u avapu li 'ai'a a'a eki'a moiai, U imua mere ou la'ave, mo ika 'euae u lipi miki li aka ppina vake mere. ⁶⁵ Pilato ua ou eki'a, maika a'a mi, ena 'ai'a maiko ima miki kariki lara noroa ipa liaka'a 'opara'i. ⁶⁶ Oura mere oro enave aka lauoi maika lie, lorea muru aka maika a'a aie.