¹ Iesu ua e ekave oka, mo oko aipo voai ou ekia. ² Kaia pa'iri imeia u amua a'a ua u ukua ani a'e eve piria purai kariki kariki opara. ³ U ua u aivara iki eiviri aka, ane ai eki iki erauai eve piria purai i ane ai, 'ai oro a ane pea. ⁴ Mo oko amua a'a u u aivara iki 'e'e a'a varomo eivrie, ou ekia eki rara ane ai eki iki, inamu kae na puku navi ou kari kie na 'a'uri mo mamue upi miki vake ou 'ave. Pei uriria ou kari kie, ane eve piria purai'i. ⁵ Oro voa a viri pea mo u aura pai'iri'i enave mo u u eve iaki'i enave. ⁶ Varomo oro la'aeie amua nu aivara iki, makiri miki ekue mo imu ekave. ⁷ Amua u 'iruku, u iara iki eivirie, u aivara iki eave iki eave aka pai'iri ovara i'au kae. ⁸ U u aivara iki ou ekia eve piria purai u kariki kariki, ai ane ai eki iki oro anana apea. ⁹ Ou voiai ena kapea ke kenama keia iki'i, noroa au'ek'u aka'a a'a uriria ane meki eve piria purai'i. ¹⁰ Ou aivara iki oro enave aka kapeai ora'a au eku a'a kaupu ekie, ima mo lipi ane, eve piria marea u, ane ai eki iki evopo'a. ¹¹ Amua ua ane ai eki ikiinamu eiai ikiri voana, u a'a mo oie oura u eve piria tapua a Luki roko pea. ¹² Amua a'a ua ou okio, nie, ni eka opara ai ma ikiri mane'e, eve piria tapua eria? Ou a'a u omoro mo eria. ¹³ Amua a'a ua u aivara iki ou ekia, ei a'a eve mo ari ane no piri omi, ai muru marea iki vake'e kae, ou ra'a u viki mo ni'iri kiki kiki lia ka'a. ¹⁴ A'a aira miki oro erauke ai kaupu miki oro aueka ke. ¹⁵ Parisea iki oro enave aka voa kaikie, oro Iesu u omoro a, eka oparai ma piriai. ¹⁶ Oro omu aivara iki eivirie, uau, Herodia iki ane, Oro o ou okia, ipokia a'a, ene ipa ni miki miki mo ni Eloi nu opara miki ipa kuru ke, A'a nu lae korava ni ama lae korake pea, uku ni a'a nu kape'e ama oi apea. ¹⁷ Ou voiai aki, ni oi lae ma korae? U vupu a eneia Kasea, moni okua o eria? ¹⁸ Ai Iesu u ipa lie omu lae korava lipi oi liaka ou ekia, Noro nai aiai ma ipi imi'i, lipi a'a e? ¹⁹ Ou moniipa iki aia'i lima keia moni, oro ou moni ou miai ane'a ua'u. ²⁰ Iesu ua ou ekia, Konu avaea mo no'e a? ei vake? ²¹ Oroa ouokia, "Kaesa," Iesu ua ou ekia, Oura'a li ane Kaesa nu pei mi oku. Eloi inu pei Eloi mia oku. ²² Oroa ou voa viri voan oro voa mau mau ou kurua. Oura mere oro Iesu ave'e aka ou ena'a. ²³ Ou lare Sadesea a'a varomo oroa kurue, imua mere la'ava eria, oro ou ane oia, oroa ou okia, ²⁴ Ou kurua, Ipokia a'a Mose a kurue, ekei a'a na ma imu'i ukua kiniape, u ovake u ou a'e miaka ukua kinioiai. ²⁵ Emuki ene oka'i, ene roropai seveni. Pina vake u a'e miaka imue, ukua kiniape, u u a'e u ovake au ave'e. ²⁶ Leko vake oko ou opara, Kaupu vake oko ou opara, Ou opara monou lia liri liviai iki vake'e. ²⁷ Omu leko mere, a'ero uriria oro imue. ²⁸ Imua mere la'a ane emuki u konu a'e ma li ma'o, uku omu uriria oro ei a'e mi rokoe. ²⁹ Iesu ua ou ekia, noro lipi'i ou mie, uku noro ia'a uru ipa pea o Eloi nu iva. ³⁰ Imua mere la'a ane oro ama aminava aka'a pea, ai oro aneru au opara imeiai. ³¹ Imua mere la'ava anu lae korava, li noro a orae pea, kurue voa Eloi a. ³² Na Aberamo nu Eloi na Isa'ako nu Eloi mo na Iakopo nu Eloi? Emua nu Eloi apea roka nu Eloi. ³³ A'a aira miki oroa ei voa viri voana, oro varuave u ipokiai. ³⁴ Parisea iki oroa, Iesu a voa eria emie voa viri voana. Sadusea iki, oro omu 'e'e kaupu aki nave. ³⁵ Omu a'a mo, voa veve'ea a'a ua, 'ane 'ane okave, ipiomi ai. ³⁶ Ipokia a'a, vupu ovara miki vake oia, vupu laruai? ³⁷ "Iesu ua ou ekia," Ni Eloi umu oka, ni umu ane, ni onomo ane, ni lae ane. ³⁸ Ei vake u vupu ovara mo pina vupu. ³⁹ Ai vupu leako vake oko ei vupu opara-'ni 'arekaumu a'a umu oka nia ni nane'e a umu lia opara. ⁴⁰ Ei vupu leako nu upai vupu iriria mo peroveta iki oro uau 'oia. ⁴¹ Parisea iki oroa kaupu kiaka monou i'i, Iesu ua 'ane 'ane ou eka. ⁴² Ua ou kurua, "Noro ioka amua oi laema kora oi'i? U konu ukua? Oroa u ou okia "U Davida nu ukua.." ⁴³ Iesu ua ou ekia, Eka oparai Davida ua onomo'e Eloi lae'a orau ane, kuruma kei'a. ⁴⁴ Eloi a na Eloi ou okia, "Na eve miki mekai'i pa'a, ena liviai naia ni mane iki ni are pakara aruru ai emi ane?" ⁴⁵ Davida ua 'ioka amua Eloi lea orau ane' eka oparai ma Davida nu ukua li'i? ⁴⁶ A'a mo u omoro mo a kuru pea, ai 'ou lare mere ena moki, a'a mo u a kani li pea 'ane 'ane oka veai mo oko.