¹ Iesu u aivara iki ane oroa Iorisalema aikia are kaumui Betapa'i ane voa na, Olivea akaou upai, Iesu u oura mere u aivara a'a leako aou eiviria. ² Ou ekia, ena nomu pakui keia pai'rir'i ikirima nora ikiri aka'a pani miki'i noro nanikouti oiaka, kau 'a'a 'oiane mo osi ma'u ua ane. Uru emi aia mi emi ane lara nai au. ³ A'a mo ua voa mo ma naki'i ou piai, noro ei voa eki rara, Eloi a lae lia, ai ou a'a u pu pani miki eiviri aka noro ane. ⁴ Emuki kuraa rokoe omro peroveta iki oroa ei miki liaka'a, ua ou kurua. ⁵ Saiona na nu paka oki, Inamu kae, Ni Amua ane ma keia niau. Kekepa miki a nanikouti'i, osi no'ore 'e, nanikouti no'ore miki. ⁶ Aivara kiki oro enave Iesu ua eki opara miki lie. ⁷ Oro ou nanikouti mo osi omu tapua aiemi e, ai Iesu u omu upai pa'ave. ⁸ A'a aira miki oro omu tapua kapea'i apare, a'a varomo oro iri va'o ve'ekiaka aikere kapeai. ⁹ Iesu nu paku mere enave a'a aira miki mo u kauoki enave iki oro orere orere ane Avioia kopai mi okue Davida nu ukua. ¹⁰ Iesu ua Ierusalem laruai ikiri voana pairi ovara vovo eie ou kura, Ei koa? ¹¹ A'a aira miki or'oa oukurua, "Ei Iesu Nasareta mere Galileia laruai." ¹² IEsu u omoro mareai ou ikiria. U inaea inaea limakei iki la'ae omoro marea mere, u pakeara amu! Emi e moni 'u 'uru kama kei iki, mo Naureia inaea lima kei iki omu pokoia pakara. ¹³ Ua, ou ekia u kikiri keia, "Na marea u noki marea laea orau aka." ai noro avapu iki omu keia mako evere'e keima keia. ¹⁴ Inamu apua mo ari minaia a'a oro ane oie omoro marea laru ai, ai u ima e'ie. ¹⁵ Oura'o omoro amua iki m puka kikiria iki oroa ua lie iaki ima oi voana mo ukua mau mau oroa omoro marea larua ai orere ovana, "avioi Davida nu ukua," oro lae lari miki au okue. ¹⁶ Ora ou okia, Noro ou virie oroa okima keia voa? Iesu u ou ekia "e li noro mu mo a orae pea, Ukua mau mau au mere mo ame nama keu iki au mere noro avioi'a o'u virie?" ¹⁷ Iesu u ave ei aka ere e Betani pai'iri ovara'i kipere monou ou ra'a. ¹⁸ Vapani u varu voa na paiiri ovara ai, u navai. ¹⁹ Iri mo oi ena liviai kapea pao'e, u ou ena'a ou iri'i enave voana pei mo eira iri o mono'u. Ua ou okia niau mere uru mo ama meri aka'a pea, ai ou pani miki'i iri u ou lavere kia. ²⁰ Aivara iki oro oi voa na, oro voa mau mau, ou kurua, Ei iri eka oparai ma lavere li'i ema mikia? ²¹ Iesu ua ou ekia, miki miki nai a nakia, noroa pirima rokoa ane li ane lae 'aina eiria, ni ei iri'i lia opara monou , ni ei akapu oko okiaka, kaeai kae ai, u evere ki aka. ²² Oi pei aiai ima oki'i oki laruai pirimaroko ai, ni mi aka. ²³ Iesu ua omoro marea ai ikiri voa na, a'a anu omoro amua iki mo pina li iki oro ena oie ua ipa eki ma kei ane. Ni ekei ivai'i ma lima kei'i ei pei uriria? ²⁴ Iesu ua e ekave aka ou ekia, Ni oko 'ane 'ane mo naka vaka. Noroa na ikia, Na naki aka ekei ivai'i ma lima kei ei pei uriria. ²⁵ Iouane nu bapatiso, u eki mere ma ane? imeia mere a o a'a 'u mere a. Oro omoro aki nave aka ou kurua, ene ia ei voa ama oki'i imeia emre, u ei voa akia, Li noro miki 'e ape oi ma li ai ma lie? ²⁶ Eneia ei voa ma kurui, A'a u mere, ene a'a nu kore, oro Iouane peroveta a'a lae kora oia. ²⁷ Oro Iesu e, okave aka ou kurua, "ene ipa pea," Ua mo oko ou ekia. Nai oko ama naki aka'a pea eki iva mere ma li ma kei'i ei pei uriria. ²⁸ Noro oi loe ma Kora'e? A'a mo u ukua leako u enave aka ukua pina vake ou okia, ukue, ena iaki lima emuki aura pai'iri'i. ²⁹ Ukua ua e okave aka ou kurua, na ama ena vaka'a pea, leko mere u lae evere 'eaka u enave. ³⁰ Ou a'a u enave aka ukua leako vake ou voa mono ou okia, u e okave aka ou okia na ena vaka, Maie, u a enave pea. ³¹ Ukua leako onu okai'i eki ukua nama lie mai nu lae. Oroa ou kurua, pina vake, Iesu ua ou ekia, miki miki naia nakia moni mia iki mo eve eve a'ero oro ikiri aka'a kaia pai'iri Eloi nu 'ei'ei. ³² Iouane u ane noroau opara anana a'a: ai noro a miki'e pea, Moni mia iki mo eve eve a'ero oro miki'e u. Ai noro, nomu inamu a 'ei pei oie, noro a 'u'uruki pea liko mere a miki'e peau. ³³ Aipo voa mo viri. A'a mo, u kae nu mai, u aura 'ae, iri vara kari kie, kuri ae iri uru ika kivai u lae ruai, inamu kaea pakara karikie mo aura iaki iki au inae lie, U kae mekai'i enave. ³⁴ Iri uru aua pani a 'oni li voana, u u iaki iki ei virie aura iaki iki oro au u iri uru miai. ³⁵ Aura iaki iki oro u iaki iki erae aka, mo ave, mo imu kave, mo rore a koroie. ³⁶ Mo oko pei nu mai u u iaki iki varomo eivirie, airai, pina iki oro kupu. Aura aea iki oro ou oparo monou ekave. ³⁷ Ou leko mere, pei nu mai u u ukua oivrie oroau, ou kurua, oro na ukua avioi aka. ³⁸ Aura aea iki oroa oi aka ou aki na'a. Ei vake u kimari, ane ene a aia u aura miomi aka. ³⁹ Oro orae aka, aura iki mere kae ere aka oro ou ave. ⁴⁰ Pei nu mai u ou ane'a emuki, u oi ma lima 'o, aura aea iki oro au? ⁴¹ Oroa ou okia, u ou a'a lipi lipi e'avaka'a lipi miki ai u mo oko u aura aea iki varomo au inaea liaka, u aua unu mekai oku aka iki au, aura uru au aka pani a ane ane. ⁴² Iesu ua ou ekia, Li noro a orae pea ia'a uru'i, marea okake ikia lari lie rore. Ei vake u marea nu akani inu lore Ei vake Eloi au mere, mo u ima miki ene inamu'i. ⁴³ Ou voiai nai a naka noro, kaia pai'iri Eloi nu mi nami aka noro au mere mo u uru meri aka 'ei'ei mi eku aka'a. ⁴⁴ Ekei a'a na ma araki'i ei rore'e u vepeke kiaka mau mou 'u'i. Ekei a'a u ama araki'i u, u 'ua kiaka. ⁴⁵ Omoro amua iki mo Parisea iki oroa 'ei aipo o voa viri voana, oro ipa lie, u omu omoro ekie. ⁴⁶ Veve'e veve'e lie, u piri ai, oro a'a aira miki nu kore lie, uku a'a oro peroveta a'a 'opara lae kora oie.