1 Iesu ua u omoro ai liaka, pavua ane voana, u Galileia ave'e, ai ane aka Iudea ei ei'i, Irada ai ara ave'e enave aka. 2 A'a aira miki oro kauokie enave, ai u ima eie, orura'a. 3 Parisea iki oro ane, ipiomiai, ou kurua u vupu miki a'a ua u a'e uvpu ouai ave'ea rokoa. 4 Iesu ua u kavane omoro ou ekia, Li noro a orae pea; pina miki kovriki emi mai u a'e mo vake ane kariki emie. 5 Ua ou kurua ou ai ai vake u, u mai mo ai ane avei a ua u a'e au pauki aka, ai omu leako oro kape mono u. 6 Ou voi ai oro leako apea, ai oro kape monou, ou voi ai Eloi a monou ui oukeia pei, a'a mo a apa laia mokiai. 7 Oroa ou okia, Mose u oima liai ma akie, ave 'ea pepa mia oku aia ae oiviriai. 8 Ua ou ekia, nomu umu kani miki, Mose u nomu a'ero avei ai nakie, a pina miki'i u ou opara apea. 9 Naia nakia, eke a'a u a'e ama ave 'e 'e eve eve aiai mo a'e mo ama mi'i, u inamu inamu ou arikie; ave'e rokoa a'e miaka vake uoko inamu inamu oi karikie. 10 Aivara ikia Iesu ou okia ou opara liane vake mo u a'e ane, u ima pea anina vai. 11 Iesua ou ekia, a'a aila miki oro ama lae li aka pea ei ipokia, ai eku keia a'a monou. 12 Vakero varovuo oro 'e'e opara ekinie omu ai oro nu ivei mere; ou opara vakero varomo oro a'a na evere eike, a'a varomo omu 'e'e evere kike kaia pairi imeia: aiai, ekei 'a'a u ei ipokia mia ipia ana, mi moki. 13 Ukua mau mau varomo oro erae ane u eve uku'i aiei aia noki lieiai, ai ouvara iki oro voa ekie. 14 Iesu ua ou ekia, ukua mau mau ane meki, apa ei eka vai ane ai, uku kaia pai'iri imeia u ei opara a'a na ena vaka. 15 U u eve ukua mau mau nu upai ai aka, u oura mere enave. 16 Maika li a'a mo u ane aka Iesu ou okia ipokia a'a oi pei ima ama li oua na apai rokoa miai. 17 Iesu ua ou okia, ni nai oi pei ima aiai ima iki'i, pei monu u ima nia rokoa ai ikiria lae li ane, vupu piria kei. 18 Ou a'a ua ou kurua, ekei vupu, Iesu ua ou okia, ca'a apa cavou, inomu inamu, paliai, avapu pa liai, 19 Ni mai mo ai ave'ei mo umu oka ni arekaramu a'a nia ni nane'e a umu lia opara. 20 a'a nore ua ou kurua, ou pei uriria na oivirike, na oi pei mo ma lae riai. 21 Iesu ua ou ekia, nia anana lae li ane, ena ni kei nia pei inaea lima mo rurupu a'a mi eku, ni mari mari imeia ai miaka ou ane kauiki nai. 22 A'a nore ua ou voa viri voana Iesu au mere, u lae mu'u miki ane enave, uku u aruruku oura miki. 23 Iesu ua u aivara iki ou ekia, miki miki nona nakia, u kavu miki mari mari a'a na kaia pairi imeia ai ikiria. 24 Na mo oko nakia, u opono miki kamera ana nira upuai ikiria, mari mari a'a ua kaia pairi Eloi nu 'ei 'ei ikiri eria. 25 Ai vara iki oro viri ovana oro varu ave ou kurua komo ioka vaka'e. 26 Iesu ua inamu eicaka ou ekia, a ua liape pei, Eloi au kani eria. 27 Petero u kavane omoro ou okia, inamu kae, ene pei uriria miki ave 'eaca, ai ni kaunikia, oipei ama kei enei aiai. 28 Iesua oi ekia, miki miki naia nakia, pania ane aka pani, a'a anu mere ua u pakara evao evao pavaka pani nai kau ikima keia iki noro nai ane pokai aka'a pakara tuaero'e, Isaraela airu tuaero voa veve emiai. 29 Marea o ovake mo aira vake o aro 'oro o mai o ai o a'e o ukua lakea o kae ave'e rokoa na noe aiai, u aira miki miaka mo 'opai rokoa miaka. 30 Ai pina lima keia aira miki oro leko liaka, Leko lima kea aira miki oro pina liaka.