1 Lare Six lekomere, Iesu u-uane enavai, Petero, Iakobo, mo Ioane; u vake mo erae aka arae inue akapu upa miki moe. 2 U omo pakui ekerekia e'e mo ekerekie, U paku lare oparai ekere kie mo U kapua akuru miki lie parea oparai. 3 Ai mara, oura'a omo pakui Mose mo Elijah anea iki'i lia U ane omoro akinavai. 4 Petero a Iesu vairu makoiai ou ikai, "Ameu, u ima miki eneia eira'a ane voa eiai. Nia lae liane, na erara leako kaune'e ane okava ka'a - monou ni eiai, monou Mose eiai, mo monou Elijah eiai." 5 Ua omoro kuruma keie, laruai, ai mara, kaia ne akuru miki ou everekia omu upai, mo ai mara, oura'a mere omoro kiri ou anea kaia ne mere, ou kurua, "Ei na naumuki ukua miki, uau na lae kopai miki. Viri omi." 6 Aivara iki oro viri voana, oro pakua araki lirie, mo oro kore miki lie. 7 Oura'a mere Iesu u aneaka'a a'aekiriviai ou ekia, "La'ava inu mo pa kore miki liai." 8 Oura'a mere oro inamu erekava la'ave voana, aikava a'a mo a oipea ai Iesu monou. 9 Oro akapu mere liriavai ane-ane, Iesu a eiekavai ou ekia, "Ei iviai a'a mo pa okiai enaliviai A'a nu Ukua na la'a-ane imua mere." 10 U aivara ikia ane-ane okavai ou okia, "Oi miki eiai a vupu eokave ikia kurue Elijah u pinai aneaka'a?" 11 Ieu a vairuma kavai ou kurua, "Elijah u miki ane aka'a mo pei uriria mia vairu ai. 12 Aikava naia kurua, Elijah u eni'i ane'e, ai oro u a akepara e'e pea. Ou eiai oro uau oroa lae rie opara e'e-e'e okave. Ou oparai monou A'a nu Mere uoko kukunu miaka'a oroau mere." 13 Oura'a aivara iki oro ouma ipa li'i, U Ione bapatiso eiai eki arokoe. 14 Oro a'a aira miki moe ane voana, a'a mo uau ane aka, epu u pakui aeaka, 15 ou okia, "Amue, umuli na ukua u, u imu-imu maiane mo a'akia pani uriria. U pani varomo iaui'i arakike, mo pani varomo ere'e. 16 Na orae ei ane ni aivara iki, aikava oro a ima e'e pea." 17 Iesu a vairuma kavai ou kurua, "Aina-aina mo vaia-vaia a'a kirie, eka'aru va'au ma rokomakei'i na noro ane? Eka'aru va'au ma ipa naki makei'i, na noro? Oraea ane eira'a naiau." 18 Iesu ou iri-imunu laoi-omia voana, ai u ou erea uau mere, mo ou a'a mau'u u ou ima lia ou pani miki'i. 19 Oura'a, aivara iki oro enave aka vaukiai, Iesu au; ou okia, "Ene oi eiai ma laoi omi apema lie?" 20 Iesu a ou ekia, "Uku nomo pirimarokoa nu mau'u mere. Ai na lae miki-miki naki ai, nia kora uru nu mikeria pirimarokoa ne liane, ni ei akapu oki ka'a, 'liviki ena, eira'a mere oura'a, 'ai u liviki aka'a mo ni eiai pei mo kani eira liaka'a. 21 22 Oroa Galileiai pokoi ane, IEsu u aivara iki ou ekia, "A'a nu Mere u a'a nu eve'e oraea eku ka'a, 23 ai oroa ava ka'a, ai lare leako kaune'e ane vake'e U la'ava inava ka'a." Aivara iki oro eria umu. 24 Oroa Kapanaumai ane'e voai, tax moni i'iki-i'iki vakero a ane aka Petero ou okia, "Ni ipa okia a'a u tax kavane ama like peanae?" 25 U a ou kurua, "E." Ai Petero ua mareai ikiri ai ane voana, IEsu ani pina ua ou aua, ou kurua, "Oi lae ma korae, Simona e? Koau mere ma i'iki ma keike, kae nu amua oro kavane o tax? Omo ukua u mere o a'a u mere?" 26 Ua oukurua, "A'a u mere,: IEsu a ou okia, "Oura'a liane ukua lakea oro eria." 27 Aikava eneia tax i'ikia iki namea i areka'a kore, ena kaea i, kaema kimai, ai lakia inu pina miki laki aka'a amua. Oura'a nia u ani auomia ka'a voa na, ni siliva monou auaokua ka'a, mia ai miaoku tax i'iki-iki nai mo ni ane eiai."