1 Vupu ipa okia iki mo Roma apoa omoro iki oro ane aka mo ipi omiai ane-ane okave kaia mere avaea mo ipaekiai. 2 Aikava ua vairumakavai ou ekia, 3 4 "Namea miki mo eveve miki a'a kiri oro veve'e makeia avaea mo, aikava avaea mo ama ekua ka'a pea ai Iona nu avaea." Iesu u oura'a mere aukiaka ou ena'a amai. 5 Aivara iki oroa mekai kenave voana, oro lae ai ekave parao mia. 6 Iesu a ou ekia, "Inamu kae liv iai mo ipa liviai vupu ipaokia iki mo Roma apoa omoro iki nu parao ovara e'ea mura-mura." 7 Ai vara iki oro ane-ane ou akana'a, "Enei a parao miape eiai anae." 8 Iesu u ipa liemi aka ou ekia, "Noro oi pirimarokoa mau'u a, oi eiai ma akanae ane-ane uku noro parao a mi pea? Noro a ipa liapea o lae a kora nakia pea parao five a'a five thousand eiai mo eka'aru kepai noroa i'ikiai? 9 10 O, parao seven a'a four thousand eiai mo eka'aru kepai ma mi inave? 11 Eka'a opara miki 'i a oura'a noro a ipa liapea na parao eiai ma naki aroko apea? vupu ipa okia iki mo Romana apoa omoro iki nu parao ovara e'ea mura-mura ipa liviai." 12 Oura'a, oro ou ipa lia U oro parao mura-mura paraoe voa ma ekiaro kopea, ai ipa liriviai vupu ipaokia mo Romana apoe omoro ikinu ipaokia. 13 Oai, Iesu a Kaesarea Philippe kae arekamui ane voana, U ane-ane ou eka'a u aivara iki, ou ekia, "Ko voama kuruke a'a oro A'a nu Mere u?" 14 Oroa ou kurua, "Varomo oro Iane Bapatiso voa kuruke, Varomo Elizah, mo varomo Ieremia, o iva veia omoro kuru ako a'a mo." 15 Ua oro ou ekia, "Ai noro Nai ko lae ma irauke?" 16 Vairuma kavai, Simona Petero ua ou kurua, "Ni Ia'a Amua, rokoa Ia'a Eloi nu ukua." 17 Iesua vairuma koia ou okia, "Ia'a ni'ia, Simona Ba Iona, ei kape aro anea ma iki'i kaapea niau, ai na Mai a koa u kaiai. 18 Na mo'oko kurua ni Petero, ai ei rore nu upai na na Ia'alavi ae aka'a. Imua nu kikau u ama vepea ruki are ikiri aka'apea. 19 Na mia niku aka'a Imeia Eiei nu kikau nu uku Oipei a ni kae'e piri ane, kaia i u piri aka'a, mo nia oima ururu kae, kae'e, kaiai oko ururu kava ka'a. 20 Oura'a mere, Iesu U ou eieka'a aivara iki ou eieka'a a'a oki aiapea U Ia'a Amua. 21 Pu pani mere Iesu Ia'a Amua u ou ekiai aukia U ena'ane ima lia Jerusalemai mo pei aira miki nu kukunu miai paioro pina-pina mo omoro a'a ovara-ovara mo vupu eoka-eoka iki au mere mo imu aia ai lare leako kaune'e ane vake'e la'avaka'a. 22 Our'a mere Petero ua orae liave aka'a ou nainei oka'a, ou okia, "Ei omoro ni au mere ama limoki, Amue; ni au ei voa pa evereki mokiai." 23 Aikava Iesu ua u'uruki aka Petero ouma oki'i, "Imune e! Ni ekuru lia naiau, ni ama maika lia ka'apea Ia'a Eloi nu aruku, ai a'a nu aruku." 24 Oura'a Iesu U aivara iki ou ekia, "A'a u koa nai epe ikavai liane, u uname'e paua limokia, u iri keoa uaki a ai epe ikamoki. 25 Uku a'a u koa u rokoa iokavai liane, u poro e'e aka'a, ai koa u rokoa nai eiai poru e'e ane, u auoku aka'a. 26 Uku oi ima ma miakae a'a u, ua kae upa u ovarai'i mia ai rokoa oa'ane? 27 Uku A'a nu Ukua U-u Mai nu evao-evao e ane aka'a U aneru ane monou iki'i. Oura'a U a'a kavane ekavaka'a a'a u oparai. 28 Miki-miki naia nakia, eira'a a'a varomo ei oima keia, oro imua ani ama aia ka'apea, ena riviai omu inamua A'a nu Mere ane-ane oia ka'a voai, U eiei mere." Uku kaia u aro, ai kikiria pea.