¹ Ai Aprisea iki mo puka kikiria iki oro ane Iesu au Iersalema mere. ² "Oora kurue, oiaidiaa ni aivara iki oro ovara iki nu vupu eni'i oima liai ma vepe'e? Oro omu eve upu ama omiki pea oroa pu nake pani." ³ Ua e e eka ve aka ou ekia oro, "Li noroko Eloi inu vupu oima liai ma vepeke nomu airu nu vupu aiai'i? ⁴ Eloia kuru ai, kurue, "Ni mai mo ai ane ave ei" mo ekei a'a ua voa lipi u mai o ai oki 'ane, u miki miki imu okra. ⁵ Ai noroa kurua, "ekei au mai o ai okike" 'ai pei pai oka ni ama mie nai a'u mere u umu pei Eoli au." ⁶ Ou a'a u u mai ama avioi aka pea, ei 'oparai u Eloi inu voa miki eria 'e'a. Nomu airu nu vupu aiai. ⁷ U 'euae a'a! Ai 'Isia ana kurue voa, ni aiai u kurue. ⁸ Ei a'a oro nai avi ike omu epoa, ai omu umu u ama miki nai au mere. ⁹ Oro nai avi ia miki eria, oro omu airunu opara ipa ekike na vupu. ¹⁰ Ou a'a aira miki eraue ua'u, oiri aka ou eki'a, "Viri 'ai'a, 'ipa li. ¹¹ Aria na'a pei u a'a ama 'uake peu, ai ani mere 'ere maneke pei, u a'a 'uake. ¹² U aivara iki oro ane aka Iesu au ou okia, "Ni ou ipa lie Parisea iki oro lipi e'ie nia kuru omoro a?" ¹³ Iesu ua e ekave aka ai ou kurua, Iri uriria na kai'a pa'iri Maia 'akere iri oro unini aka. ¹⁴ Ave'i, oro maika iki inamu 'apua inamu 'apua a'a mo ua ina'mu 'apua a'a mo ama maika li ena'e omu leako aroa laeruai arara kiaka. ¹⁵ Petero ua kavane omoro vairu koi aka ou okia Iesu, "Ei aipo voanu miki aki." ¹⁶ Iesu ua oiu kuri'a, "Li ni oko miki a ipa li 'apea? ¹⁷ Li ni a ipa liapea oi pei ama ikiri'i a'a nu ani mere u ikirike nemu mere oi liana ou ere'a ni liai'a. ¹⁸ Ai ani mere erere maneke pei u lae larua mere 'ere maneke, ou pe oro a'a araupu eke. ¹⁹ 'Oura mere lae mere ereke lai korava lipilipi, a'a 'ava, inamu inamu, eve eve, avapu, euae omoro a'a, euae omoro. ²⁰ Ou pei uriria oro a'a araupu 'eke, Ai eve upu omiape navai na ane u 'a'a ama ouraupu 'eke pea. ²¹ Iesu u ourau mere laikie enave Tire mo sidoni 'ei'ei'i. ²² Inamu kae, Kananati a'e ere mane ou 'ei'ei mere, u laea lae ou kurua, Nai umu ika Eloi e, Davida nu Ukua e! Na paka onomo lipi a lipi miki ikiri oi rokoma kei'a. ²³ Ai Iesu u omoro mo a oki pea, u aivara iki oro ane aka lae ou naomia, ou kurua "oiviri ena moki, u voa karu ane la'ai anema kei'a. ²⁴ Iesu ua ou ekia, Na a'a mo au a i'iviri pea ai vauki rokoa mamue au Isarala nu marea mere." ²⁵ U aneaka 'okia liri'ave u paku'i, ou kuru'a "Eloi e, nai paika." ²⁶ Ua e okave aka ou kuru'a, u anana apea ukua ma'u ma'u nu pu mi aia oroko ma'u ma'u kaeia. ²⁷ Ua ou kuru'a, "e, Eloi e ai li oroko mau mau oro amua nu pakara mere 'arara kike onari oro nake. ²⁸ Iesu ua e okave aka ou okia, A'e ni pirima rokoa ovara miki, evere kimoki nia lae ria opara'i, U paka u ima lie ou pani miki 'i. ²⁹ IEsu u 'ou mako av'e enave Galileia ka'ea 'oni'i. U akapu upai 'inu aka ou ra'a ou pokoia. ³⁰ A'a aira miki oro ane ua'u, Oroa erae ane ari mirvaia, inamu 'apua, ari lipi, mo omoro kuruape iki, mo ma'ia iki aira miki. Oro mi ekue Iesu nu ari paku'i, ai u ima e'ie. ³¹ A'a aira miki oro varu 'ave omro kuru ape a'a omoro kuru vo ano, ari lipi a'a ima 'e voana, ari minaia a'a ari enave voana, mo inamu 'apua a'a inamu kae voana. Oro 'Isaraela nu Eloi kepu oie. ³² Iesu ua u aivara iki erau aka ua'u ou kuru'a Na umuei a'a aira miki a'u, oro naiane ou rokoe 'ei lare kaupu ai na'a pei mo eria Na lari e'ivria vairua navoi navape o oro 'iapa liaka ena livai. ³³ Aivara iki oroa ou oki'a, ene eka'ama ena vai pu iplaipia miai, pairi imia iki ei a'a aira miki ipia ipia 'ei ai? ³⁴ Iesu ua ou eki'a, Eka raru ama kei'i pu? Oroa ou kurua, "Seveni mo emeke kaupu." ³⁵ Iesu ua ou a'a arira miki pa ava liri 'avai ou ekia ka'e. ³⁶ U pu seveni mo 'emeke ane Miaka, ima mi oku aka leko mere, u ou pu vepe aka aivara iki a'u ou eku'a, Aivara iki oro ou a'a aira miki ou eku'a. ³⁷ Ou a'a oro omu uriria nave aka oro ipi ipia lie. Oro kepai Seveni kaupu kie evopoa miki ave'e vepekea. ³⁸ Ou navai nave a'a uriria miki poa tausini vakero, averae mere a'ero mo uku lakea. ³⁹ Iesu u ou a'a aira miki e'ivirie aka u vapea'i lake e, enave Magada 'e'e laruai.