¹ Ou pani, Heroda u Iesu nu uru virie. ² U Aivara a'a ekie, Ei vake Iou ane Bapatiso u imua mere ou la ave. Ou ei ai ei iva iaki u laru oii " ³ Heroda U Iounine Pirie, orae aka tipura aii are kave uku Heroda u ovake Pilipo ina Aee. ⁴ Ai John ua ou kurua, "Ei vake u vapu apea nia mi ai" ⁵ Heroda u lae imu kavoi, ai u a'au kore lie, oroa lae korave u Peroveta aa. ⁶ Ai Heroda u kinie Lare ane vana Herodia u paka u eke lie Heroda kopai ee ai. ⁷ Ou boru ai, ua avea omoro u okie uo tae lia araku oku ai. ⁸ Leko mere ai u omoro enii okie ua kurue Ioane Bapatiso u uku merekii nai aia mia iku. ⁹ Amua a a u iurku lie, uku ua Pirima rokoa mou ane navai nave iki. Ai u anana oda ekue mia oku. ¹⁰ U voa oi virie tipuro marai Ioane uku ei omi ai. ¹¹ Ai u uku mereki upaii ai aka mi okue papau ai u mi enave u oi au. ¹² O ai u aivara iki oro ane aka kape mi aka ou i ie. Leko mere oro Iesu umoro okei. ¹³ Iesu aa 5000 aa mavai ekue. Emuki Iesu ua voa viri vana. Vapea moe lake aka enave aa pe paiiriii u ee monou. Aa uriria oroa voa viri voana. Oro aria ou kau oki ena a omu paiiri mere. ¹⁴ Iesu ane vana aa airi miki oiu eie. U oro umu Liuaka malia ou ima eiei. ¹⁵ Pani puku livana Aivara iki oro uau ane. Oroa ou kurua, Ei vake paiiri aa eria ai pani oko ou eria lie aa ei iviri. Ai oro enaa paiiri monou monoiu navai oura oia Liako. ¹⁶ Ai Iesuua ou ekia oro eira ama enava kaa pea. Nia navau nama mia eku. ¹⁷ Oroa ou okia. Ene pei mo eria eirau ai parao 5 mo amua keako." ¹⁸ Iesu a kurue. "Erae ane nai oiuu" ¹⁹ Ai Iesu uo ekie papa ava liria pono upaii u parao 5 mo amua leako ane ou mie. Inamu kai aa apai koa inue; u ima ee aka ai parao oiu vepeke mi aka u aivara iki au eku. Ao aivara iki oroa ou me ekue. ²⁰ Nave aa uriria ipia lie Ai oroa avee navai Bo oa 12 laru ai evopoa ee. ²¹ 5000 aa na nave Aero uku ane a ako emi pea. ²² Iesu u ere upai e nave Anana monou ua ekie vapeii lake aia Mekaii ke' ua aa varomo ei ivirie pani. ²³ Leko mere a ao ei viri aka, u inue akapu upaii uee noki Ai ai pani puku li nava. U ee monou ou pokoia. ²⁴ Ai vapea a kae a iki miki pekei, Ere uk u a vaki ma keie, kavae oko eviki ma keie. ²⁵ Pani mereaoni mikii Iesu ou ane aa aorau. ²⁶ U aivara iki oroa inamu kae vana, ere upaii ane ane ou oie. Oro kore lie. Oroa kurue. "Ei vake avae aa mo" Oro kore viki lie. ²⁷ Iesu ua ou ekia ana na mikia. Iviri Li kore pa li ai ei vake nai. ²⁸ Pita u lae lie ua ou kurarua. Eloi e, nia u miki li one, Nai iki Na ane a kaa ere upai ni auu; ²⁹ Iesu ua ou kurua "ane" ai pita uvape mere au pia kinue ere ipaii ena vai Iesu au. ³⁰ Ai Pita uoi kavae kani miki oi vana. I kore lie. Ai u oui momokia. U viki lie, ou kuruo" Eloie. Nai Pai ika. ³¹ Pani monou Iesu u evea Pita ou pirie, ai ou okia, "Ni Pirima rodoa Mauu. Ni oi lae aina aina?" ³² Ai Iesu mo Pita oro lau oro ou lake vapeaii Ai kavaea u ouoai lie. ³³ Vapea laru ai roko aivara iki oro Iesu avi oie ou kurua, "Miki ni Ieltova anu ukua." ³⁴ Oai oro oiu ke Genesareta pairii pai ai. ³⁵ Ai ou pai irii iki oro a Iesu oi vana, Oro omoro oiviri avi kie paiiri monou monou aaru aii: Ai oro mai ia aa uriria eraea enave uau. ³⁶ Oro nanuku lie tapua uri mauu piri omi aii ai aa varo me oro tapua piri omi vana ima lie.