¹ Au a vosa dina ina o na mata a Karistio qau maqa leqa niu seni tainia sa oqui vadinadina ga a ogu lewa mai na oqu lovaga mai loma e na Yalo Tabu ² Au a rarawa va levu ina qa va mosia sara ga a lomaqu. ³ Ni u dau gadreva voliga meu sa tawasei au tani mai vei Karisito e na vu'udra ga a weaqu,. O edra ga a weaqu dina va'ayago ⁴ O edra ai edra ai Isireli dina, sa dra wili leqa ga me dra gone, vata ei ai wu'uwu'u vata ei a veiyalayalati vata ei a soli vunau ei ai valavala ni odra so a Alou vei oya a odra Alou ei a vosa ni yalayala. ⁵ Sa odra i volavola a qase ni lotu, ni ma sa tubu mai vei edra a Karisito, me tautavata, ga a yagodra o oya sa lewa a vei a tauco'o ga, a Alou me va'aro'oro'otai qa tawa mudu. ⁶ Ma qai maqa ni tautauvata ni Yaco dina vei edra a vosa ni Alou, ni ma maqa leqa ga ni ma dra Isireli dina se me dra ai Isireli dina. ⁷ E dra maqa leqa ga ni luvena o edra awa i Eparama. A awa ga i Aisake me ra qai amu Awa. ⁸ A ena i balebale no ai ni dra luvena va'ayago edra maqa ni luve ni Alou, o edra ga a levu ni yalayala e ra sa qai va'toai me ona Awa. ⁹ Ni mai vei ai a vosa ni yalayala "E na gauna ve ai au na lao mai ina ia ena sucu vei Sera e dua a gone tagane." ¹⁰ E maqa walega ni o ya ana. O Repeka leqa ga. Ena sucu mai vei iya leqa, ga e dua a gene tagane o oya tamada o Aisake. ¹¹ Ni dra se maqa ni vayalo va re o edra a gone, edra se maqa leqa ga ni ila a vei are ei na a ca, me na tudei ina na vei a era digitai ina ina ca'aca'a ni Turaga, sa maqa ga ina vu'u ni ca'aca'a ena vu'u ga ni aci e acivi ina. ¹² Sa maqa walega ina vu'u ni ca'aca'a ena vu'ui oya ga sa aciva. Sa qai ai tai vei oya "O, oya a qase vei edru ena qaravi oya a gone." ¹³ Sa ve ana leqa ga a vei a e volai ina "Au sa dau taleitaini Jekope qau sa dau ca ti Iso." ¹⁴ A cava bea, me da qai tovola? E tio bea vei ea a Alou a i valavala dodonu? E maqa bea. ¹⁵ Baleta o oya a tovole'e vei Mosese. "Au na lomani oya ga au sa lomana. Au na yalo re ga vei edra era yalo re vei au. ¹⁶ Sa maqa ni yaco au vei edra era guta se vei edra era ovusia mai, ia ena vu'u ga i Karistio ena ona Yalo re mai. ¹⁷ Ni ma sa tovoli vei Fero enai vola tabu "E na vu'u ni vei a ai. Au sa vaturi io ca'e ina mo une a oqu kaukauwa me va'adewatai ina a yacaqu i vuravura. ¹⁸ O oya ai sa yalo re ina vei edra e yalona ina, qa va domo qa tai oya e yalana ina. ¹⁹ O na qai aya liqa vei au. Ena vu'u ni cava o mudau une no ina a cala o cei o io mo veivala vata ei oya a Alou. Se ocei ena vorata a ona lewa. ²⁰ A cava dau vei ai ina? o cei o emudou mo dai veiba, no ei na Alou? Ena tovole'e bea vei emudou a vei a e vele'e? A cava dou sa vele'e ina. ²¹ E na maqa bea ni veitalia tainia a tete o oya dau tuli uno me vele'e ga ina e dua bulu ga ai buli tete, e dua a bilo me talei, qa dua me maqa ni taleitai? ²² Io ga ena i vei e va'a e retia a Alou me varaitainia a ona civo, qa varaitainia leqa ga a Ona kaukauwa, sa qai vosoti ma leqa ina o edra a bilo ma ra sa va nau va rusai, ²³ Me varaitainia leqa ga a ona talei ina veibilo sa lomani, o oya sa varautainia oti tu mai me ra mai uwu uwu. ²⁴ E na i vei e va'a sa vele'e leqa ga vei ita sa acivi, maqa ni o edra walega a Jiu, la vei edra leqa ga a ai matanitu tani. ²⁵ Me ena leqa ga a vei a e tovola na i vola oi Osea "Au na acivi edra, era maqa ni oqu tamata mai mada me ra oqu. O oya leqa ga ma ra maqa ni lomani voli, me dra sa na lomani. ²⁶ E na yaco leqa ga vei edra a vanua sa tovoli oti vei edra "Omudou sa maqa ni oqu tamata. E dra sa na qai acivi ina me na "Luve ni Alou bula." ²⁷ Sa qai aci vaini Isireli leqa ga o Aisea "E va'a sa tautauvata a edra i wiliwili a Isireli ei na nu'u ni vaidui, e na na bula ga a ena vo. ²⁸ Ena qai va'a ya cora a ona vosa o Jiova i vuravura qa va'a o tia qa valealea tai nia. ²⁹ Me ena leqa ga a vei a sa tovola o Aisea. "E va'a e maqa ni dua a Awa e soia vei ita o Jiova ni Lewe vuqa. E da na qai tautauvata ga ei Sotoma ei Komora." ³⁰ E na qai vele leqa va'a cava. O edra veimatanitu tani ma dra maqa tu ni va'a donui sa yaco me dra va'adonui, edra sa va'adonui e na vu'u ni odra va'abauta. ³¹ O edra sara ga ma dodonu me dra va'a doneu a Isireli, sa ra qai maqa ni va'adonui, era maqa ni qai yaco ina vurau. ³² E na vu'u bea ni cava? Baleta ga ni na maqa ni muria i na va'abauta. I na ca'a ca'a ni vunau, sa ra qai va'atarabe tai ga na odra i valavala. ³³ Me ena ga a vei a sa volai "Dou une Au sa biuta mai Saioni a vatu ni veivatarabetai ei na vatu ni veisisivotai. O oya ga ena va'bautia a ogu vosa ena maqa vadua ni va maduatai.