¹ Vei emudou a taciqu, Au sa guta mai na vuni yalogu Au sa masu leqa ga ena vu'udra a Isireli me dra bula. ² Niu sa tovoli edra i na odra loma ata ata ni qaravi Alou, ia qa maqa ga ni dra yalomatua ina. ³ E dra maqa tio ni ila ni veivadonui sa vu no mai vei oya a Alou. E dra sa veivadonui no ga vatai edra, qa dra maqa ina ni va malumalumu tai edra me dra vadonui mai vei oya a Alou. ⁴ Ni Alou ga sa va'a yacora ai vunau me dra sa na va'adonui ga o edra a va bauti oya. ⁵ Ni sa mai va raitainia oti o Mosese a veivadonui sa yaco i na vu'u ni vurau. O oya ga e na vele'e e na bula ina. ⁶ Ia qa veivadonui sa mai yaco i na va'abauta sa tavola ve ai "Mo ua ni dau vosa i na omu yalo." O cei me lao ca a lomalagi qa lai di Karisito sobu leqa mai? ⁷ Se oca me na lao sobu i na yasana vuni? Me lai di Karisito leqa mai na mate? ⁸ A cava dou na qai tovola E volea vei io a vosa ni yalomu ei na omu gusu. O oya a vosa ni va'abauta, oitou vunautainia vei emudou. ⁹ E va'a dou sa va tusa e na omudou gusu a gone turaga o Jisu qa mudou vadinatia ena omudou yalo ni sa vaturi oya cae leqa mai na mate a Alou o na bula. ¹⁰ E va'a dou sa va bautia mai na omudou lovaga me sa vadamu ina, la sa va'a tusa ga o oya a bula mai na o na gusu. ¹¹ Ni sa aya nai vola tabu. "O oya va yadua sa va bauti oya ena maqa vadua ni va madua tai. ¹² E da sa tautauvata ga o edra a Jiu ei edra a Alou tani, e sa duabau ga a oda Turaga e ta vei ea a vei a rere tauco'o ga vei edra a masuti ea. ¹³ E na va'abulai o edra tauco'o ga edmasuta a yaca i Jiova. ¹⁴ E va'a e dra maqa ni va'abauta, era na va'abulai bea va'a cava. E dra na va'abauti ea va cava e va'a edra maqa ni va'abauta. Edra na rogocia va cava e maqa ni dua e tovola vei edra. ¹⁵ E dra na qai tovola vei cava e va'a edra maqa ni talai waqe. Me ena ga a vei a sa volai oti tu "Sa lagilagi a o odra la o edra sa dia waqe ai tu'utu'u re ni vei a re re. ¹⁶ E dra maqa mada ga ni va bautia ai tu'u tu'u re, ni sa tovola oti o Aisea, "I Jiova o cei e na vabautia a oitou i tu'utu'u?" ¹⁷ E da sa na qai ila ni sa rawa a vabauta ina vala rorogo ia a va'arorogo i na vosa i Karisito. ¹⁸ E da na qai tarogia no? E dra maqa bea ni rogoca. E dina bea ana sa otivi niravura tauco'o a edra i rogorogo, ei na odra vosa i na i yalayala ei vuravura. ¹⁹ E da na qai tarogia bea? E dra maqa bea ni ila o edra a Isireli? Sa aya oti mai mada o Mosese. Au ra biuta veiemuda e dua yalo, mo dau vuvu tai edra ina o edra era maqa ni oqu tamata. Au na va'a covoti emudou ena veimatanitu e sesewa. ²⁰ Sa qai daidai o Aisea me tovola vei edra "E dra sa unei au, O edra ena maqa ni vaqarai. Au qau va'araitaini au vei edra maqa ni tarogi au." ²¹ Sa qai tovola ga vei edra a Isireli "Ena veisiga tauco'o au na dodoa waqa a oqu Liga vei edra a dau Talaidredre ei edra a dau va'atitiqa."