¹ Au ma sa qai tarogia, sa biuti ina bea a Ona tamata a Alou se maqa? Ia e maqa dina o au a luvei Isireli a Awa i Eparama mai na yavusa i Penijamini. ² E maqa ni biuti edra a ona tamata a Alou, o edra ma ona tamata mai mada. Dou maqa bea ni ila ai vola tabu ni sa tovoli Ilaija ni a bili tai edra a Isireli vei oya a Alou. ³ E miau a Alou o Jiova, e dra sa va matei tauco'o a omi au parofita, edra sa elia va'a titibu a omi au cabocabo ni sara. Io, o au ece sara ga Avi sa qai vo ia qa ra sa va unei au meu mate. ⁴ Ga cava e aya a vosa ni Alou. Au sa qai maroroya e lewe vitu a udolu me oqu o edra e ra maqa ni cuva vei Peali. ⁵ E na leqa ga ina ena gauna ai e dra sa tu ga o edra e ra digitou na lolana. ⁶ Qa e va'a e maqa ni a ni loloma, sa qai maqa ni a ni ca'aca'a, e maqa ni ve ai, s maqa ni o oya ari a loloma. ⁷ E sa na qai ena i vei, sa maqa ni ra rawa tia a vei a e ra va une a Isireli. Edra rawatia ga o edra a digitai, o edra a ena vo edra sa va domo qa tai. ⁸ Me ena ga a vei a sa volai "Sa solia vei edra a Alou a Yalo sa dau moce, ei na mata sa maqa ni une rawa vata ei na taliga sa maqa ni rogo rawa me yacova mai a siga ai. ⁹ Sa qai aya vei edra o Tevita. "Me yaco a o dra teveli me edra i cori qa edra dai ei na vei a me ra va'a tarabe tai ina mei sau ni odra i valavala. ¹⁰ Me va butobuto tai a odra mata me dra na ni une rawa e dua a, qa ra va'a da to'o voliga udau dra." ¹¹ Au sa qai tarogi oya. E dra na tarabe me dra bale sara se maqa? E maqa sara. I na o dra bale edra sa bula rawa i na o e dra veimatanitu tani, me dra sa na qai vuru voli ina. ¹² E va'a e dra sa vutuniyau mai o vurami ina odra bale, e dra na vutaniyau leqa ga o edra veimatanitu tani, ni dra sa va'a lailai tai o edra ari. E dra na qai e na i vei edra sa na va levu tai leqa mai. ¹³ Au a vosa vei emudou a veimatanitu tani, niu a o dra i Apositolo a veimatanitu tani, ia au a do'a a i tavi ma lesi vei au. ¹⁴ E u va'a vuvu tai edra a weaqu va'a yago qa meu va'abulai ira ina e sa. ¹⁵ E va'a sa biuta mai o vuravura me ra sa biu tani o loa ari, ena maqa lu ni tautauvata a bula mai na mate? A odra lomani viro. ¹⁶ Qa e va'a sa savasava ai sevu i a na sa na savasava tauco'o, qa e ma'a sa savasava a vuna e na ve ana leqa ga a tabana. ¹⁷ v 17 Qa e va'a sa na musu tani e so a ena tabana, ena varatainia ni o io a olive ni veiau "O sa mai semati io vata ei eda mo bula vata ei edra e na vu ni olive sa vuavua re. ¹⁸ Mo na ni dau va'alevulevui io cae ni edra a tabana dina, ni a na va'a leva levui io, e maqa ni bula no a e na vu, na vu'umu, o io sa bula ga e na vu'u ni ena vu. ¹⁹ O na qai aya bea voli "Sa musui tani a tabana dina meu semati au ina." ²⁰ E na dina ga ni dra na musui tani o e dra e dra maqa ni va'abauta, o io sa da tio baleta ni o sa va'abauta. Ma na ni yalo levu mo rere qa. ²¹ E va'a sa maqa nu vosoti edra a veitala na dina a Alou, sa na qai maqa leqa no vosoti io. ²² Mo mudou qai une ruarua a loloma vata ei a cudru ni Alou vei edra sa bale ei na ona loloma vei lo e va'a o tuvie no na ona loloma qa e vala e maqa o ua o na musui leqa ga. ²³ O edra leqa ga le va'a edra na tawa va bauta no era na sema vata ni maqa ni dredre vei oya me semati edra leqa. ²⁴ E va'a o sa musu mai na olive ni va'au o na sema vata ei na olive re o mu dru maqa ni tovo vata aya. Ni sa a rawarawa vei oya a Alou me simati edra vata. ²⁵ Au sa maqa ni guta vei emudou a weaqu Lamani mo dou va lecalecava a vei a vuni ai, ni dou sa va'a sama ta i vu emudou na ni dou tamata vu'u sa qou yacovi edra ina a Isireli a lomaqa, ga warai edra mada me ra curu mai o edra a lewe vuqa ma i na veimatanitu tavu. ²⁶ Ma sa volai oti "E dra na va'abulai o edra tauco'o a Isireli. Ni na lao mai Saloni o oya ai va'abula qa, auta tau ai valavala a vei edra tauco'o a Jekope. ²⁷ I ai sa oqu veiyalayalati e edra meu na dia tani a odra i valavala ca. ²⁸ E dra sa cati emudou nai tu'u tu'u re, ia edra sa reti emudou ga na o dra i lesilesi a qase. ²⁹ Ia a Alou e maqa leqa ni veivutani tainia a ona i solisoli se ona taroi edra. ³⁰ Me ena ga ni dai a maqa ni vabautia a Alou mai mada, ia sa qai yaco walega vei emudou a ona loloma e na vu'u ni odra vatitiqa. ³¹ E na ve ana leqa ga vei edra e dra maqa ni va bauta e na vu'u ni ona loloma, me yaco leqa ga ina vei edra a loloma. ³² Sa sogolati edra vata a Alou e na vu'u ni edra dau vatitiqa, me lanani edra ga va tautauvata. ³³ E a dina a titobu ni ona vu'u a Alou vata ei na ona yalomatua. A maqa ni ilai rawa a ona lewa qa da maqa viro ga ni bau une a ona i valavala. ³⁴ O oei sa ila rawa a loma ni Turaga! Se ocei me ona qase ni vuli? ³⁵ Se ocei me na soli vei oya? Me na qai saumi leqa vei oya? ³⁶ Ni sa ni mai vei oya a vei a tauco'o ga ena vu'u na leqa ga, qa me ona leqa ga a va'a ro'oro'o me ro'ovi no ga a ona yaca ka maqa ni mudu. Emeni!