1 Sa dina sara ni omiou sa na ila vare notu a vi`a au varau oya ai, oi emiau a veiweani, baleta ni o miou sa ila tauco`o tu a vi`a me baleta a lawa. Na lawa e dau vaucia a tamata ina gauna qa e se bula no ina. 2 Sa tgauvata ina a yalewa ni sa vauci oya tu a lawa ve`ea a watina tagane, ina gauna tauco`o e bula voli ina; ia etauvata sa mate a tagane, sa qai galala o oya mai na lawa qa ma vauci oya tu ve ea a watina. 3 Ena vatoai o oya me doutagane e tauvata sa la`i notu vala leqa e dua a tagane ni se bula no qa a watina. I`a e tauvata sa mate a watina. Ia e tauvata sa mate a watina, sa qai galala o oya mou na Lawa, qa e tauvata e mani tauria e dua leqa a tagane me watina, sa maqa ni qai oati o oya me dautaga ne. 4 O miau sa tauvata leqa ga ana a weaqu. Me baleta a Lawa, o miau sa mate oti tauvata leqa ga ina, me yauvata o miau sa tii ni yago i Karisito; ia sa yaco ai mo mi taueini mai ve`ea sa vatucaetai leqa mai na mate, me rawa ina ni da vuatinia a vua yaga ve`ea a Alou. 5 Ena gauna eda se bula vayago voli ina, edra sa dau ca`aca`a no yagoda a vigogadre ca ni yago ni sa vauqeti edra ina a Lawa, me vuatai nia a vua ni mate. 6 Ia ai eda sa galala mai na Lawa, qa da sa mate. na vi`a sa vabobulatai eda. Sa maqa ina ni da veiqaraui ena sala maawa ni lawa sa volai, ia ena sala vou ga ni yalo Tabu. 7 A cava me qai aya ina? Sa i valavala ca be`a li a lawa? E maqa sara! I`a sai oya ga a Lawa qa sa vavuana ne`u ila ina a i valavala ca. Ni e tauvata sa maqa ni aya a Lawa, "mo ua ni ocooco," e`u ma maqa ni ila se a cava a ocooco. 8 Ia sa qai vayagatainia a lawa ana a i valavala ca me vaugeta ina a Veimatagali yalo vatani tauco`o ga i laragu. E i sa maqa a Lawa, sa a mate walega nai valavala ca. 9 Au ma bula voli tu i mada ni se bera a lawa, ia ni sa yaco mai a i varo, ma sa bula ca`e mai vasauri ai valavala ca 10 ga`a sa mate sara wage ina oi au. I`a ai varo ga ma dodonu me dia mai a bula sa gai dia mai vei au a mate. 11 Ni sa Kaukau wa a ca ina vu`u ni varo, ga sa vaisini au ina ga vamatei au. 12 I`a a lawa vai oya sa savasava, ga dodonu, ga are. 13 E ena i balebale li ai ni mai vavuna a ogu mate a a re? E maga sara! Sa vavuna ga a ogu mate ai valavala ca; sa vayagatainia a a re me dia mai ina vei au a mate, me varaitai ina ai valavala ca ina ena roka dina. Ena a ai, ina vu`u ni varo, sa gai varaitai vare sara ina a levu ni ena ca a i valavala ca. 14 Eda sa ila ni sa a vayalo a Lawa, ia oi au, au sa tamata vayago ga qa ma voli au tu a i valavala ca me`u ona bobula. 15 Au sa dau maga ni ila a a au ca`ava no; ga ni vi`a au gutia me`u ca`ava au gai maga ni caava, ia a vi`a au maga ni gutia au sa gai dau ca`ava no. 16 I`a me tauvata ni`u sa dau ca`ava no a vi`a au maga ni mata ca`ava sa varaitainia ana ni`u sa vadinata ni are a Lawa. 17 Ia sa maga ina ni oi au dina au dau ca`ava a vi`a ai, ai valavala ca ga sa notui lomagu. 18 Au sa ila ina, ina ogu i tovo vayago, ni sa maga ni dua a a re e tu i lomagu. E dina ga ni dau tu i lomagu a gagadre me`u ca`ava a a re, ia au sa maga ga ni ca`ava rawa. 19 Au sa maga ni vayacora a vi`a re ga`u sa gadrevia me`u ca`ava; ia au sa vayacora no ga a vi`a ca ga`u sa rita ni mata ca`ava. 20 Ia e tauvata au sa vayacora noga a vi`a au sa rita ni mata ca`ava, e ena i balebale ana ni sa maga ni oi au sa ca`ava no ai; ia, ai valavala ca ga sa notu vei au. 21 Au sa gai igavia ina ni sa ca`aca`a no a Lawa ai: ni gauna ga`u dau mata ca`ava ina a a re, sa dau basia ga mai vei au a a ca. 22 A lomagu dina se a tamata-e-loma sa taleitainia a lawa ni Alou. 23 Ia au sa igavia ni sa duatoni a lawa sa ca`a`ca`a no i yogogu, a lawa ga sa veisagasaga ei na lawa sa Vadonuya a lomagu. Sa vavuna ai me`u bobula i na lawa ni valavala ca sa ca`aca`a no i yagogu. 24 A tamata valoloma dina a i au! O cei me na Serei au mai na yago ai ga sa di au no ga ina mate? 25 Ia me vavina vinaatai ga a Alou, o oya sa vayacora ai ina vu`u ni oda Turaga O Jisu Karisito! Sa gai tauvata tu ai a ogu bula: au sa bovuta i na lawa ni Alou ina ogu vasama vatai au, ia sa bobula ga ina lawa ni valavala ca a ogu i tovo vayago.