1 A cava leqa be`a mo da qai aya? Me da ca`ava noga a i valavala ca me tubu valevu ina a loloma-savu ni Alou? 2 E maqa sara! Eda sa mate oti i na i valavala ca, ia e rawa vacava me da se bula no ga ina i valavala ca? 3 O miau maqa be`a ni ila ni oi eda tauco`o eda sa papitaisotai me da duavata ei oya ina ona mate? 4 Ina oda papitaiso, eda sa bulu vata aya qa vaivotavota vata oya ina ona mate, qa me tauvata ni ma sa vatuca`etai leqa mai na mate a Karisito ina KauKauwa livu wei Tamana, sa dodonu tauvata ina me da bulatainia a bula vou. 5 E tauvata eda sa duavata ei oya ina mate me tauvata sa voyacora, eda na duavata leqa ga tauvata ina ena oda tueae leqa mai na mate me tauvata oya. 6 Ni da sa ila a a ai: a oda i tovo ni bula maawa sa vamatei vata ei Karisito ina ona Kauvetatai, me varusai ina a bula ni valavala ca, qa me da ua leqa ina ni bobula no i na i valavala ca. 7 Ni sa mate e dua a tamata, sa serei o oya mai na KauKauwa ni valavala ca. 8 Me tauvata ni da sa mate vata ei Karisito, eda sa vabauta ni da na bula vata aya leqa ga tauvata ina. 9 Ni da ila ni sa vatucaetai cae leqa mai na mate a Karisito qa na maqa leqa ni mate; ga sa maga vadua lega i gai rawai oya o mate. 10 O aya ai, ina vu`u ni ona mate, ma sa maga ni gai notu lega e dua a Kaukauwa ve`ea ai valavala ca me lewai oya ina; ia a bula sa bulatainia o oya, ma sa bula ga ve`ea a Alou. 11 I`na sala vata ai, mo miou vaasamataini emiau ina ve ai ni o miau sa mate tu, ana ina vu`u ni valavala ca, ia o miou sa bula voli ga ina veitoani ei na Alou ina vu`u i Karisito Jisu. 12 A i valavala ca me sa ua leqa ni vatulewa no ina yagomiau sai mate rawa tu, ga mo mau ua ni murra no ina a gagadre ca ni yagamiau. 13 Miau ua tega ga ni solia e dua a ti ni yagomiau i na i valvala ca, me ca1a ina a a ca. Ia mo miau soli emiau ga ve ea a Alou me tauvata a tamata sa vatucaetai mai na mate ina bula, ga mo miou Solia a omiou bula tauco`o ve ea a Alou me vayagatui ina vi`a dodonu gta savasava. 14 Ni sa maga ni dodonu me lewai emiou lega a i valavala ca, ni o miau sa maqa ni notu ina ru`u ni lawa, ia ina ru`u ga ni loloma. Savu ni Alou. 15 Ia sa na qai vacava? me da sa i valavala ca notu be`a ga ni da sa maqa ni notu ina ru`u ni loloma. Savu ni Alou E maqa sara! 16 O miou sa i la vare ni e tauvata o miau sa soli emiau me miou varonogo ve ea e dua a tamata, o miau sa yaco mo miau ona bobula a tamata ana. Ni e tauvata o miou sa soli emiau i nai valavala ca, ena ena i timitini ga a mate; ia e tauvata o miau sa soli emiau ve ea a Alou, ena vedonui emou o oya. 17 Ia me vavinavinaentai ga a Alou! Ni o miau a bobula tu i mada i na i valavala ca, ia ai o miau sa muria ina yalomiau taucob a dina eso sa basia mai na vivawvuli o miau sa vatavulei ina. 18 O miau sa serei mai na Kaukauwa ni valavala ca, ga sa yaco mo miou bobula i na i valavala dodonu. 19 ( Au sa vayagatainia a vosa ga eda dai voyagatainia ena veistga ina vu`u ni malumalumu vatamata sa notu ve emiau.) Ina dua a gouna, O miau a dau solia a veritimiau tauco`o medra bobula i na vi`a duaduali me ca`a ina a i nai ca touco`o ga. Ia ai, mo miau qai solia tauvata ina a veitimiou taucolo me dra bobula i na vi`a dodonu me voyacori ina a i nai savasava. 20 Ina gouna o miou a bobula tu ina i nai valavala ca, o miou a golala tu mai na i valavala doderu. 21 A cava soti mada a vi`a re o miau sa rowata mai na vi`a o miou sa qai maduatainia no ai? A i tinitini ga ni vi`a tauco`oga ori a mate! 22 Ia ai omiou sa qai serei mai na i valavalaca qa sa yaco mo miau ona bobula a Alou. A ena yaga ai vei emiau sai oya a bula sa soli tauco`o ve`eo a Alou, a ena i tinitini a bula tawamudu. 23 Ni sa i sau ni valavala ca a mate, ia sai solisoli walega ni Alou a bula tawamudu, ena vu`u i Jisu Karisito a oda Turaga.