1 A cava li meda gai aya, ina vu`u i Eparaina, a tamado vay`ago? A cava sa yaco ve ea? 2 Ena e sa vadonui oya a Alou ina vu`u ni vi`a sa vayocora, e sa tu ve`ea eso a a me baletainia voli; ia sa maga sara ni tauvata ina, ina mata ni Alou. 3 Sa aya a i Vola Tabu, "Na sa vabautia a Alou o Epara-oma, ga sa vadonui oya a Alou me tamata yalododonu ina vu`u ni ona vabauta." 4 O odra edra ca`ava e dua a ca`a ca`a ena soli a edra i sau, ia sa maqa ni oati ai me a-ni- loloma; ni sa rawati ga mai na ena ca`acalatai. 5 Ia o odra yodua sa vararavi i na a edra sa vadinata, ga maqa ina vu`u ni ca`acala, ga dra sa bavauta a Alou qa sa dou vadonui odra a tamata i valavala ca, sai oya ai a vabauta sa gutia a Alou me yaco ina a velreti ei oya. 6 Sa i oya ai a, a sa notu ina loma i Tevita ina ona aya a marau ni tamata e sa oata a Alou me i vlavala dodonu, ga maqa ni vu mai na dua a a, e ca`ava. 7 "Sa alougata o odra sa vosotia a Alou a wodra i valavala ca, ea sa bulutia a wodra ca`a cala! 8 So alougata a tamata sa maqa ni wilia ga oatia a Turaga a ona i valavala ca!" 9 Ma sa wodra wale be`a ga a cilivi a ViVadaigatatai sa aya ai o reuita? E maga sara! Sa wodra lega ga odra edra maga ni cilivi. Ni sa aya ai Vola Tabau, 10 E yaco be`a li ina gauna cava a a ai? Ni sa cilivi oti o Epara-ama, si ni sa bera ni cilivi? Ma sa yaco ga ai ni se bera ni cilivi o oya. 11 E ma gai cilivi i muri, ga sa yaco a ona cilivi me i vatailaila me varaitainia ni sa ona vabauta ga sa vadonui oya ina a Alou, ga oati oya me i valavala dodonu ni se bera ni cilivi. Ma sa yaco ina o Epara-ama me tamadra Vayalo a tamata tauco`oga edra sa vabautaia a Alou ga dra sa vadonui mai ve`ea a Alou me dra i valavala dodonu, ga veitalia ga ni dra se bera ni cilivi. 12 Sa tamadra lega ga o odra sa cilivi o Epara-ama, ga enai balebale ana ni o odra ai ni dra sa cilivi oti, edra sa dau bula voli lega ga ina bula ni Vabauta me tauvata ei Epara-ama ni se bera a ona cilivi. 13 Ina gauna sa yalatainia ina a Alou vei Epara-ama ei odra a ona awa ni dra na tauena a Vuravura, sa maga ni ca`ava vei Epara-ama a vasa ni yalyala ana ina vu`u ni ona muria a Lawa i Mosese, ia ina vu`u ga ni ona Vabauta; a Vabauta ga sa Vadonui oya ina a Alou ga oati oya ina me i valvala dodonu. 14 Ni ena e sa soli a vi`a sa yalatainia a Alou i ve odra sa muria a Lawa, sa na gai maga ni vaibalebale ina a vabauta ga tawa yaga walega a vosa ni yalayala ni Alou. 15 Sa dia mai a civo ni Alu a Lawa; la ni sa maga a lawa, sa gaga lega ga ni ca`a a basu lawa. 16 I'na a ai, ma sa yavutai ina a vosa ni yalayala ina vabauta, me vadeitai ina ni sai solisoli wale ni Alou a ona vosa ni yalayala ve edra a awa i Epara-ama- ga magawalega ve odra sa muria a Lawa, ia ve odra lega ga edra sa vabauta me tauvata ei Epara-ama. Ni sai Epara-ama a tamada vayalo tauco`o ga; 17 me tauvata sa volai tu ina i vola Tabu, "Au sa Vayacori io mo tamadra a vimatanitu e levu. Ma sa ore a vosa ni yalayala ina mata ni Alou, a ena ga sa Vabautia o Epara-ama- a Alou ga sa Vavunia me bula lega o odra sa mate tu, ga ona i varo sa vavunia me dra yaco a vi`a edra se maga tu ni basia mai. 18 Ma sa vabauta ga nuidei ga o Epara-ama, ga dina ga ni sa maga a a me Vanuinui ina, ga sa yaco ina me "tamadra a Vimatanitu e levu," Me tauvata ga sa oya a i vola Tabu, "Edra na le lew Sara a omu awa me tauvata a levu ni vialoalo." 19 Ina gauna ana sa volea sara ina ni yabai dua o drau o Epara-oma, ia sa maga ga ni lailai a ona vabauta ni voasama`tainia a ona gau, ga ni sa wili sara tu ga ta-vata a mate, ei na lega e notu vei Sera ana ni maga no ni rawa ni valuveni. 20 E maga ni bau teva a ona vabauta, ga maga lega ga ni bau vatitigatainia a vasa ni yalayala ni Alou. Ia sa vakaukauwatai oya ga a ona vabauta ga sa vacaucautainia a Alou. 21 E a gaga sara ga ni vatitigatainia o Epara-ama ni na rawa ni ca`ava a Alou a a e yalatainia. 22 Ai a vuna "sa vodonui Epara-ama ina a Alou ga oati oya me i valavala dodonu" ina vu`u ni ona vabauta. 23 A vosa " sa Vadonui mei valavala dodonu, oi eda eda sa Vabauti oya sa vartura ca`e leqa a oda Turaga o Jisu maiu na mate. 24 Ina vuuda leqa ga ni na o ati leqa ga ina vei eda, e tautau vata ni da sa vabauti oya, ni sa vaturi Jisu a o da Turaga mai na mate. 25 Ma sa Bamatei o oya ina vu`u ni oda i valavala ca, ga sa Vaturi ca`e ina Kul`a me da Vad`onui ve ea a Alou.