1 Vacabva e notu li eso a a edra uasivi ea`e ina a Jiu mai ve edra a ai matanitu tani? Se dua li a ena yaga a cili? 2 I`o e levu dina sara a a edra are ede ina a Jiu! A enai matai sai oya ni ma soli ve edra a vasa ni Alou. 3 E I`a e vacava e tauvata eso edra maga ni yalodina? E enai balebale li ai ni wodra maga ni yalodina me sa na maga ni yalodina loga ga ina a Alou? 4 E maga, maga sara ni tauvata ina! Ena dina noga a Alou veitalia ga ed dra seni taucdo a tamata; me tauvata sa volai tu, "Me une ni sa dina noga a a miau aya, ga miou gaga ni miau sa lewai." 5 J`a ena Vacava e tauvata e mani varaitainia vare ca`e mai na i tovo ni Alou ina vu`u ni oda i tovo tawa dodnu? Eda no aya be`a ni sa ca`a cala a Alou e tauvata e batotogitaini eda? Nisai ouya ai a matagali taro ena tarogi dina ga ina va`asama vatamata. 6 E maga sara! Ena e sa maga ni dau vatulewa dodonu a Alou, ena gai lewai vurawra rawa li vatova? 7 Ia e vacava ena e sa vatilai vare ca`e sara a lagilagi ni Alou mai na ogu maga ni dina? A cava a vuna au sa oati noga ina me`u tamata i Valavala ca? 8 E vacava ena e me aitai ve ai, "me da vayacora a vi`a ca me rawa ni tubu cale mai ina a a re?" E notu e so a tamata edra sa vasewase. Wani au voli ena wodra beitaini au nitu oya a a sara ga ai! Edra na eivoti, ni sa dadonu dina ga me tauvata ina. 9 Ia sa are ca`e be`a a eda i tuvai a Jiu mai ve edra a ai matanitu tani? E maga sara! Au sa varaitainia oti ni da sa tautauvata a tamata tauco`o ga, a Jiu ei na veimatanitu tani, ga da sa tu taucolo ga ina ru`u ni kaukauwa ni valovala ea. 10 Me tauvata e aya ai vola tabui "Sa maga sara ni dua a tamata e i valavala dodonu, E maga mada ga ni bau dua. 11 Sa maga sara ni dua e ila vare, ga maga ni dua e ba vaigavia a Alou. 12 Edra sa gole tani tauco`o ga mai ve`ea a Alou edra sa yato vata tauco`o ga, me maga a edra yaga, Oa maga sara mada ga ni bau dua. 13 "Sa tauvata a i bulubulu sa tadola tu a wodra i tilotilo; Edra sa vayagatainia a yamedra me vala ina a viva`aisini." "A weli gaga ni gata sa notu ina ru`u ni tebe ni wodra gusu." 14 "Sa sinai a wodra gusu ina vosa ni vivacacani." 15 "Sa totolo sara a wodra yava me ca`a a vadave dra; 16 Sa dra biutia tu mai a rusa ei na rarawa ena vanua edra sa la`ovia oti. 17 Edra sa maga ni ila a sala ni viva aegui; 18 Sa sa maga lega ga ni tu ve edra a rerevainia a Alou." 19 Eda sa gai ila ai ni vi`a tenuco`o ga sa varoti ina lawa sa baleti odra edra bula voli ena ru`u ni lawa, me vegalui ina a i ulubale toucdo ga ni tamata ga me varoogo ina a vuravura tauco`o ina ru`u ni ona lawa a Alou. 20 Ni sa maga sara ni dua a tamata sa vadonui mai ve`ea a Alou ena ona muria a lawa; a a ga e calava a lawa sai oya me. Vatailai ve`ea a tamata ni sa ca`a cala. 21 Ja ai sa gai varaitainia mai a Alou a sala sa vadonuya ina a tamata o oya; ga ni maga ni rawa ina ena muri a Lawa, ia edra sa i vadinadina ga ina a Lawa i Mosese ei odra a parofita. 22 Ia sa vadonui odra a tamata a Alou ina vu`u ni voodra vabauti Jisu Karisito. Sa ca`ava a, a, ai a Alou ve odra tauco`o ga edra sa vabauit Jisu Karistito, ga ni da sa tautauvata tauco`o ga; 23 ni sa i valavala ca a tamata tauco`o ga ga sa yawa tani sara mai a ona vivabulai a Alou. 24 O`a oma vu`u ni loloma savu ini Alou, ai solisoli ga, edra sa vadonui ina a tamata ve ea a Alou ina vu`u i Karisito Jisu, o oya ma sa serei odra. 25 A sa soli oya a Alou me la`i vacabori, me rawa ni yaca i ina a ona dra me bulutia vaduo a odra i valavala ca o odra tauco`o ga sa vabauti oya. Sa vayacora ai a Alou me Varaitainia ina gouna i moda, ma sa vosatia voli ga a Alou ga maga ni vayacora e dua a a me baleta ai valovala ca ni tamata; 26 ia ai sa gai ca`ova ina o oya e dua a a me baleta a odra i valavala ca, ga me vatailai ina a ona yalododonu. Ena sala ai, sa varaitainia ina a Alou a ona yolodadonu ei na ona sa vadonui odra a tamata yodua sa vabauti Jisu. 27 Sa gai cava be`a eda sa rawatia me rawa ni da doadoatainia? E maga ni dua aa. A cava a vuna? E baleta ga ni oda vodonui e maga ni da rawatia ena oda edacc`a; e rawa ga ena a sa ca`ova a Karisito ei na oda vobauti oya. 28 O oya ai ni eitou sa vaasomatainia a vi`a tauco`o ai, eitou sa yadinadinatainia ni da sa vabulai ena oda vabauti Karisito ga maga ina vu`u ni vi`a re eda ca`ava. 29 Se sa odra Alou duadua be`a ga a Jiu o Alou? Sa maga be`a ni wodra Alou lega ga a ai matanitu tani? Io sa wodra Alou lega ga a ai matanitu tani. 30 Sa duabou ga a Alou ga na Vadonui odra a Jiu ina vu`u ni wodra vabauta ei odra a ai matanitu tani ina wodra vabauta. 31 E enai balebale be`a ai me sa biu toni a Lawa ona Vu`u ni vabauta? E maga eda sa gai biutia ga a Lawa ena enai tutu dina.