1 O oya ai, Sa maga ina a omu i ulubale, O io a douvalelewa, veitalia ga se o cei o io. Ni o sa valewai odra a tani, ga gai catava lega a Vi`a edra sa Vayacova, o sa vavunia ga vatai io a omu civoti. 2 Eda sa ila ni sa dina no a Aou ina ona civoti idra edra sa vayacora a a ai. 3 I`a o io, a weagu, o sa dau vayacora vi`a o valewa ve edra a tani! O sa narumia be`a ina ni o na ubu bula mai na avo ni Alou? 4 Se o sa rairai beca a yalo re ni Alou, ei na ona dauveicigomi, ei na ona i dauvosotia vadede? Io, o io o sa ila vare ni sa yalore a Alou, ga sa ona i nai me tuberi io na gaco rawa ina mo veivutuni. 5 I`a sa kaukauwa ga gai rui dredre a yalomu, ga o sa binia no ga ina a omu i totogi me bibi ca`e sara ina Siga sa na varaitai mai ina a civo ei na lewa dodonu ni Alou. 6 Ni na Saumia a Alou Ve`ea a tamata yadua a i sau ni ona i valavala. 7 Eso a tamata edra sa vele`e no ga ai valavala re, ga vaune a lagilagi, a doai ei na bula tawamudu. Ia ena solia dina ve edra a Alou a bula tawamudu. 8 Eso edra sa nanuminodra ga vai odra ga cotia a a e dodonu, me ravoa ni dra velo`e ina a a ca. Ia ena sovarainia ve edra a Alou a ona ova ataata a Alou. 9 Ena yaco a vila rarawa ei na yaluma ve edra a tamata i valavala ca tavco`o ga ena matai ve edra a Jiu, ga na gai tauvata ina ve edra a ai veimatanitu tani. 10 I`a a Alou ena gai solia a vivalaglagi, a doai ei na evia vacegu ve edra tauco`o edra sa ea`ova a a dodonu, ga matai ve edra a Jiu, ga gai, touvata lega ga ina ve edra a ai matanitu toni. 11 Ni mong a ni doy vaduiduitainia a tamata a Alou. 12 O odra edra i valovala ca ma taudau ni lawa i Mosese edra na rusa ina toudau ni Lawa. I`a o odra sa i valavala ea ina iu`u ni lawa edra na lewai ina lom a ni lawa. 13 Ni ra na maga ni vadonui ina mata ni Alou o odra tauco`o ga edra sa rogo a lawa, edra na vadonui ga o odra edra muria a lawa. 14 E maga ni ma soli ve edra a ai matonitu toni a lawa i mosese, ia ina gauno tauco`oga edra ca`ava ina va`ai ira eidra a a me tauvata a vi`a sa tu ina lawa edra sa yaco ina gauna ona me dra lawa ve edra vatai odra a dina ga ni maga ve edra a lawa i mosese. 15 A via edra ca`ava e varaitainia ni so volai tu i lomadra a a e varoti ina lawa. Sa aya lega ga a odra lewa i lona ni dina a a ai, ga ni so a gauna sa dau beitai odra ga so a gauna e dau tagomai odra. 16 Ia ena siga ano, me tauveda a i tu`utu`u re au vunautainia no ina veilewaitai a vi`a uni tauco`o ga ga tu ina vaasama ni tamata o Jesu Karistito ina vu`u ni Alou. 17 I`a me da tauri io mada me ena i varaitai. O sa vatoai mo Jiu; O sa dau vararavi tu ina lawa, ga o sa alou doedoataina a omu Alou; 18 O sa ila no a a e gutia a Alou mo ca`ava; ga o sa vulicia rawa maia lawa mo digia a a e dodonu mai na a e cala; 19 Sa vodinatia ni sai io a dauveituberi ve edra edra matabo`o ga vuni varama ve edra edra notu ina butobuto; 20 O sa dau vivadodonutai vei odra a lialia, ga gasenivuli ve odra a yalowai ina vi`a vayalo. O sa vadinadinatainia ni sa tu a a dina taueo`o sara ei na vi`a me ilai ina lawa i Mosese. 21 O sa dau vavulici odra a tani, a cava o maga mada ga ni vavulici io ina? O sa dau vunoutainia me ua a butao, ia o maga li ni dau butao o io? 22 O sa aya me ua a vibutaoci, ia o maga li ni ia a vitoulaoci o io? E dau a vasisila vei io a alou matarau eso, ia o maga li ni dau butaw mai na bure alou o io? 23 O sa eletainia ni tu vei io a lawa ni Alou, ia o maga li ni dou vamadualainia a Alou ina omu basuia a ona lawa? 24 Ni sa aya a i vola tabu " Ena Vu`umiau a Jiu, edra sa vosa vacacatainia ina a Alou o odra a ai matanitu tani." 25 Ena e o sa muria a i vunau i Moseses, sa na yaga a onu cilivi; i ena o maga ni muria a Lawa, e are ca`e ga mo a ua ni cilivi. 26 Ia ena e sa moria a a Lawa e dua a ai matonitu teni, ga se maga tuni cilivi, ena maga li ni na oerti oya a Alou me tauvata e dua sa cilivi? 27 Ena a ai edra na vacalai emiau ina a Jiu o odra a ai matanitu tani baleta ni o miau sa dau veroia a Lawa, ga veitalia ga a ena sa volai tu ei na omiau sa cilivi out; ia edra sa muria a Lawa o odra a dina ga ni dra tamata tawa cili. 28 Ni sa maga ni Jiu dina sara o oya sa Jiu ga ena tamata e sau, ga sa maga lega ga ni cilivi dina a a sa ca`a ina yago i sau. 29 I`a a Jiu dina sara sai oya ma sa Jiu ena tamata i loma, ga ena i balebale ana ni sa cilivi a ona yalo, ga sa yaco rowa ai ina calaca`a ni yalo ni Alou, ga maga ina vu`u ni Lawa sa volai A tamata ai sa maga ni doai mai ve odra a tmato ia sa doai ga mai ve ea a Alou.