¹ Ni ciqomi edra sa malumalumu a odra vabauta, ia mo ua ga ni veileti vata aya ena vu'u ni odra va'asama se rai. ² A ona vabauta o dua a tamata sa vatara vei oya me ania a'a tauco'o, ia o oya sa malumalu a ona vabauta sa ania walega magiti draniacu. ³ O oya sa ania a'a tauco'o ga me ua sara ni valewai oya sa ana magiti dranlacu walega, ia me ua leqa ga ni vale wai oya sa ania walega a magiti dra niacu. ⁴ O cei oio mo valewai ona tamata e dua tani leqa? A ona turaga ga e rawa ni aya so sa rawata no a onai tavi se maqa. Ia ena rawa ni rawata e va'a o oya a onai tavi, baleta ni sa rawa vei oya a turaga me solia vei eya a ena kaukauwa. ⁵ Eso a tamata sa oata mera bibi cae eso mai na siga leqa eso, qa so leqa va cata me tautauvata tauco'o a siga. Ia e a bibi me da dui vadieta'a a tamata yadua a oda rai se a veia oda sa nanuma. ⁶ O oya sa nanuma sa bibi cae e dua siga mai na ena ro esa vayacori va'a ina ena ona doa a Turaga; o oya sa ania a'a tauco'o ga sa vayacori ina ena ona doa a Turaga, baleta ni sa vavinavina'ata'a a Alou ena vu'u ni magiti. O oya sa rita ni ania a'a sa vayacora va'a,ina ena ona doa a Turaga, qa sa dau vavinavina'ata'a leqa ga vei eya a Alou. ⁷ Ni sa maqa ni dua vei oda me bula ena vu'una ga, se dua sa mate ena vu'una ga. ⁸ Eva'a eda sa bula, eda sa bula ena Wu ni Turaga; Ia eva'a eda sa mate edasa mate ena vu'u ni Turaga. Seda bula se mate eda sa ona no ga a Turaga. ⁹ Ni sa mate a Karisito ka tucae leqa ina bula me yaco rawa vei eya oda Turaga vei edra sa bula se sa mate. ¹⁰ E qai cava a vuna asa va'ewa ina a weamu? Se a cva bea a vuna o sa beca ina a weamu? O eda ece na lai tu mata ni Alou me lewai eda a oya. ¹¹ Ni sa aya a vola Tabu '"Me va'a nui sa bula no, sa aya a Turaga, ena teiduvu i mataqu a tamata tauco'o ga, qa ra na vatusa niu sa Alou o au." ¹² Ena a' ai, eda na dui vamacalata'a ina vei oya a Alou na veia tauco'o me baleta a oda bula yadua. ¹³ O oya ai, me da sa mudua ina a oda vaveilowai no, ta mo ni qarauna ga mo ni ua ni ca'ava e dua a me lai taraba se bale ina a weamuni venai valavala. ca. ¹⁴ Au sa ila qa sa vadinadinataa vei au a Turaga o Jisu, ni sa maqa a'a e duaduali va'ai oya ga; ia vei eya sa nanuma sa duaduali a'a, sa qai duaduali vei oya. ¹⁵ Ia avaa sa rarawa a lomana a weamu ena vu'u ni magiti, o sa qai maqa ni valavala me tauvata a loloma. Ua ni varusai oya ena emu magiti, o oya sa mate ena vuuna a Karisito. ¹⁶ O oya me ua ina ni vosavacacatai a omudou a re. ¹⁷ Ni sa maqa ni magiti se cini gunu a matanitu ni Alou.; a yalododonu ga, eina vacegu, eina rei ena Yalo Tabu. ¹⁸ Ni sa ioya sa qaravi Karisito ena veia ai, sa are vei ea a Alou, esa guti oya leqa ga edra a tamata. ¹⁹ O oya ai meda muria ina a veia ni veiguti, cina veia oda dui vavulici ina. ²⁰ Ua ni varusa a caacaa ni Alou ena vuu ni magiti. E dina ga ni sa savasava a'a tauco'o; Ia sa ca vei ea a tamata sa ania qa sa tarabe ina eso. ²¹ E are mo ua ni ania a lewe ni manumanu, se gunu waini, se itainia e dua a'a sa bale ina a weamu. ²² A vabauta sa tu vei io me tu vei io ga ina mata ni Alou. Sa alougala a tamata sa maqa ni beitai oya ena a sa vatara o oya. ²³ Ia o oya sa maqa ni dinatia ni sa tara vei oya, sa lewai me civoti evaa sa ana, ena vuu ni sa ana qa maqa ni dinatia: ia a'a taucoo da sa maqa ni dinata ni tara vei oda, sai valavala ca ari.