¹ Modra tala rawarawa vei edra veilituai ni tamanitu o odra a tamata wauco'o ga; ni maqa ni dua e eiliutai rawa se maqa ni vatara a Alou. ² O oya e saqati odra odra veiliutai tio sa saqata tio a 'a sa lesia a Alou, qa sa vavuna ga a odra civoti. ³ Ni sa maqa ni dodonu medra rerevai edra ai liuliu o odra sa ca'a dodonu no ia o odra ga sa ita'a a 'a ca. O gadreva li mo ua ni rerevai edra ai liuliu? Ia ca'ava ga a'a re, qa dra na vacaucautai io o edra ai. ⁴ Ni sa talai ni Alou o odra sa dau ca'ava a'a mo are Ina. Ia ova'a o sa tovo ca, mo rerevai oya, ni sa tu dina a ona kaukauwa me veitotogitai ina. Sai oya a talai ni Alou qa sa onai tavi me vayacora a ciro ni Alou vei edra sa ca'a ca. ⁵ Ai a vuna e dodonu mo ni talairawarawa ina vei edra sa veiliutai, qa maqa ni baleta walega a ciro ni Alou, ia sa baleta leqa ga a vatulewa dodonu ni oda lewa e loma. ⁶ Sai oya leqa ga a vuna mani soli vacarvacava ina, baleta ni sa oati medra dauveiqaravi ni Alou o odra sa veiliutai sa vayacora no a odrai tavi. ⁷ SAyma ece a a e dodonu me saumi vei edra a tamata, sauma a vacavacava vei edra a dodonu me saumi vei edra, a soli lavai vei eya sa dodonu me soli ina a soli lavai, 'a varo'oro'o vei oya e dodonu me varo'oro'otai, eina veialagilagi vei oya e dodonu me valagilagi. ⁸ Me ua ni tu e dua a'a o dinauta'a tu ina vei eya o edua, ia sa omui tavi ga mo lomani edra a veiweani. O oya yadua sa vayacova veia ai sa talairawarawa vena lawa. ⁹ A lawa oso me vo'a: Mo ua ni ia a veibutaoci; mo ua ni laba, mo ua ni butao, mo ua ni oco'ocoa veia tauc'o ai, vata ei odra leqa e vo no, sa edrai soqoni vadua ai varro ai: Mo lomana a ai no mu me va'a o sa lomani io. ¹⁰ Eva'a o sa lomana e dua a tamata, ona maqa vadua ni ca'ava vei oya e dua a ca, o oya ai sa talairawarawa ina vena laqa tauco'o a tamata dauloloma. ¹¹ Sa dodonu moni ca'ava a'a ai, baleta nio saila a ena sa yaco mai a gauna ai mo ni yadra kina mai na moce. Ni sa qai volea sara mai a gauna meda vabulai ina me vatauvataini ei na gauna eda saqai vabauta ina. ¹² Sa volea ni oti waqe a bogi, qa sa volea ni ida a mata'a me da mudua tani ai valavala butobuto qa vaiyaragi ena rarama. ¹³ Me da vaitorotai eda va re, mo va'a tamata sa bula voli ena rarama; qa me mudui ai valavala vasisila se a matoni, me mudui a daudara se valav ala velavela qa me ua a veiloti se a vuvu. ¹⁴ Ia ni taviva'a ga ai yaragi ni turaga o Jisu Karisito qa tarovi emiau mai na ena auwaitai ai roro rayago ona vayacori ni ena gagadre ca eso.