¹ Mo volavola leqa ga vei oya ai talatala hi soqosoqo lotu mai sariti. Sa aya a vei a ai o oya sa tauria a Yalo hi Alou e lewe vitu: Au sa ila a omu caacaa, hi sa omu yaca wale ga a bula, io qo sa mate ga. ² Mo vatawa qa vakaukauwa tainia a, a sa vo vei io, o oya sa volea ni mate; hiu sa meqa ni i gavia a omu caaca me are Sara iha mata ni Alou. ³ Vananumia a omu vabauta ei na omu rogo, qa tauria matua, qa vei vutuni. Ja e tautau vata o na maqa ni vatawania, au na lao waqe vei io me tautau vata a daubutao, ia ona maqa ni ila, a tiini sigo au na lao waqe ina vei io. ⁴ Sa tu ga vei io mai Siriti e lewe vica ga e dra sa maqa ni vadua duali tainia a odra i sulu; e dra na lao voli ei yau ina i sulu vulawle ni dra ea yaga. ⁵ O oya sa gumatua ena vaisulu i ba i sulu vulavula; au na maqa ni booca a ona yaca mai nai vola ni bula, ia au na tovelee a ona yaca ina mata i tamaqu, qa odra mata leqa ga a Agilosi. ⁶ O oya sa va oha taliga me rogo sara a a sa aya a Yalo Tabu vei edra a vei lewe ni veisoqosoqo lotu. ⁷ Mo volavola leqa ga vei oya ai tabtala ni soqosoqo lotu mai Filatelifia: Sa aya a vei a ai o oya sa yalo savasava, o oya sa dina, o oya sa taurio ai dola i Tevita, o oya sa dolavia, qa maqa a tamata me sogotia; qa sogotia qa maqa ni dua a tamato me dolavia. ⁸ Au sa ila a omu caacaa: igavia au sa dolavia na omu mata e dua a matanitaari, qa maqa ni dua a tamata me sogotia rawa: sa tu valailai ga vei io a kaukauwa, ia mo tauria no ga a oqu vosa, qo uwa ni caitainia a oqu yaca. ⁹ Igavia au na lewai edra ai va vaoso i setani, ni dra sa aya ni dra sa Jiu, qa maqa, e dra sa lawai ga, lgavia, au na lewa vei edra me dra lao mai me dra cuva i na oqu la, me dra ila niu sa lomani io. ¹⁰ Nio sa vabautia a oqu vosa mo vosotia ga, au na maroroi io leqa ga ina gauna ni dau veivatovolei, o oya e na laomai i vuravura taucoo, me vatovolei edra e dra sa notu i vuravura. ¹¹ Igavia, au na lao vatotolo waqe: tauria vare a vei a sa tu vei io, me uwa ni dia a omu i sala va turaga a tamata tani. ¹² Au na lesi oya sa gumatua me duru i na vate ni Alou, ia e na maqa ni lao tani waqe i tuba la, au na volai oyo ina yaca ni oqu Abu, ei na yaca ni oro ni oqu Alou, qo Jerusalemi vou, o oya sa lao sobu mai lomalagi, mai vei oya o oqu Alou iia a oqu yaca vou. ¹³ O oya sa va ona taliga me rogo sara a a sa aya a Yala Tabu vei edra ai soqo soqo lewe ni lotu. ¹⁴ Mo volavola leqa ga vei edra ai soqo soqo lewe ni lotu mai Leotisea: Ni sa aya a vei a ai a Emeni. O oya sa dau aya a a dodonu qa dina, ai vateivu ni caacaa ni Alou. ¹⁵ Au sa ila a omu caacaa, o maqa ni liliwa se ataata, au sa gutia mo liliwa se ataata. ¹⁶ Ni o sa ata ata valailai ga, qa maqa ni liliwa se ataata, au na luwa rai ni io mai na oqu gusu. ¹⁷ Nio sa aya no, ni o sa vutuniyau, qa levu tu a omu i yau, qa maqa a a au sa dravudravua ina; io o sa maqa ni ila, ni sai io ga a a lomani, qa valoloma, qa dravudravua, qa matabobo qa luva i wale. ¹⁸ Au sa vavulici io mo mai volia vei yau, a koula sa vatovolei ina bua waqa, mo vutuniyau ina; ei na i sulu vulavula, mo va sulu ina, me ubva ni igavi a omu luvawale, e veivamadua tai; mo lumitia leqa ga a omu mata inai lumi ni mata, mo rawa ni iga rawa. ¹⁹ O odra taucoo ga, au sa lomaria, au sa vunauci odra qa civotia. Mo gumatua ina qa vei vutuni. ²⁰ Igavia, au sa tu i na mata ni taavi, qa tuitui e sa vogo e dua a tamata a oqu domo, qa dolavia a taari, au na curu vei oya, qa vataranavi ei oya, qa na vataranavi vata leqa ga ei yau o oya. ²¹ Au na solia vei oya sa gumatua sara me notu vata ei yau, i na oqu i nono vaturaga, me tautauvata niu sa gumatua, qa no sobu i nai nono vaturago oi tamaqu. ²² O oya sa va ona taliga me rogo sara a a sa oya a Yalo Tabu vei edra a veisoqosoqo lewe ni lotu.