¹ sa oti ai au sa qai une leqa, qa une sa tadola dua ta'ari mai lomalagi :ia sa tau mada qau a rogocia sa arua e vosa vei au a davui, qa aya lao cae mai ei, au na vataila vei i o a na yaco na gauna mai muri. ² Sa qui curumi au vasauri a Yalo Tabu :qa une sa vala ai nonovaturaga mai lomalagi, qa sa dua sa notu ina. ³ la qo oya sa notu ina, sa rairai me va'a a vatu Jasipa ei na Satiusa :sa dua drodrolagi sa wavoitai nia ai nonovaturaga, sa rairai me tautauvata a emerelita. ⁴ Qa sa rua sagavuluava ai nono sa wavoi tai nia ai nonovaturaga :ia qau sa une rua sagavuluava a qase sa notu nai nono, edra sa vaisulu vulavula ;qa sa vaisala a odra ulu nai sala koula. ⁵ Qa sa lao mai ai nonovaturaga na livaliva ei na uru'uru ei na vosa;qa sa vitu a cina quto sa rea no ina mata ni nonovaturaga, o odru ai a Yalo ni Alou e dru lewe vitu. ⁶ Qa sa tu e na mata ni nonovaturaga a wasa iloilo me tautauvata ga karisitala :qa sa notu e va a bula ina loma ni nonovaturaga, qa wavoi tinia, qa sa yaloa ni mata tauco'o ga a odra gau a odra mata ei na odra tau. ⁷ la sa arua a laione a matai ni a bula, sa arua a luve ni bulumokau a ena arua, sa mata va tamata a ena i atolu, sa arua ikeli vatabataba a ena i a va. ⁸ O odru ai edru a bula lewe va, edru tau yaono a odru tabataba ;sa robotia a lomadru a odru mata;edru sa maqa ni bau cegu ina siga ei na bogi, edru aya no E dodonu, e dodonu, e dodonu a Turaga a Alou kaukauwa, oya e bula mai mada qa bula niua qa bula leqa ga i muri. ⁹ la ni dru sa va ro'oro'o odru a bula ai vei oya notu ina nonovaturaga, oya sa bula tawa mudu, qa dru sa doai oya, qa va vina vina'a vei oya. ¹⁰ Sa qai cuva sobu odra qase lewe rua sagavuluava ina mata i oya sa notu ina nonovaturaga, qa va ro'oro'o vei oya sa bula ga qa tawa mudu, qa biutia a ona i sala ina mata ni nonovaturaga, qa aya. ¹¹ Emiau a oi mami turaga ei na oi mami Alou, sa dodonu me ia vei emiau a va ro'oro'o ei na vei doai, ei na kaukauwa:ni sai emiau a bulia a tauco'o ga edra buli ga qa tu dei leqa ga na omiau lewa.