¹ Mo volavola vei oya ai tabtala ni soqasoqo lotu mai Epeso; ni sa aya a vei a ai o oya, o oya sa tauria na ona liga a aloalo e vitu na ona liga i matou, o oya sa lao voli ina maliwa ni tutu ni cino koula e vitu, ² Au sa ila a omu i valavala ei na omu oca, ei na omu dau vosoto, ni o sa moqa leqa ni vosoti edro edro sa caa caa; o sa vatovolei edra leqa ga e dra sa aya ni dra sai Apositolo, qa dra maqa, o sa ilai edra ni dra sa dau lawai. ³ ia o sa lomare ga, qa vosotia no, qa oya ina vuu ni oqu yaca, qa maqa ni guee. ⁴ Ia e so ga a, a o sa aca ina, ni o sa dainia a omu loloma e dau tu vei io imada. ⁵ Mo nanumai ga a a o sa lutu mai ina, ia mo vei vutuni qa vele a caa caa o ma velee no mada; e maqa, au na leao mai vasauri vei io, qa dia tani a omu i tutu ni cina, mai na ena tiina, e o maqa ni veivutuni. ⁶ Ia a vei a ai e sa tu vei io, ni o maqa ni talei tainia a odra i valavala ai toani i Nikola, o oya ari au sa catia leqa ga o yau. ⁷ O oya sa va ona tali ga, me rogo sara a vei a sa aya a Yalo Tabu vei edra ai soqosoqo lewe ni lotu. Vei oya sa gumatua au na solia me ania a acu ni bula, o oya sa tu ina loma ni Parataisi ni Alou. ⁸ Mo volavola vei oya ai talatala ni lewe ni soqosoqo lotu mai Simurina. Ni sa aya a vei a ai o oya a matai sara ei oya sa muri sara, o oya sa mate, qa sa bula leqa: ⁹ Au sa ila a omudau caacaa ei na omudau vei vararawatai, ei na omu dravu dravua. Cia qo sa vutuniyau ga Jei na odra vosa vacaca ni dra sa aya ni dra Jiu, qa maqa, e dra sai vavaoso i setani. ¹⁰ Uwa ni rere vainia e dua a dredre ona lao curuma, au sa aya vei io, a tevoro ena biuti edra eso vei emudou ina vale ni vei vesu, mo dou vatovolei ina, qa dou vararawatai me bogi tini dou gumatua mo dou yacovia a mate, au na qai solia vei emudou ai sala ni bula. ¹¹ O oya sa va ona taliga me vogo sa a vei a sa aya a Yalo Tabu vei edra a veisoqo soqo lewe ni lotu. O oya sa gumatua sara e na maqa ni leqa, e na i arua ni mate. ¹² Mo volavola leqa ga vei oya ai tatatala ni soqosoqo lewe ni lotu mai Perikamo: Ni sa aya ai o oya sa tauria ai seleiwau batirua. ¹³ Au sa ila a vanua o notu ina, ei na yasana sa notu ina ai nono oi Setani. Ia qo sa tauria no vare a oqu yaca, Ia o sa maqa ni caitaina a omu vabauta vei yau, me yacovia a siga oi Anitipasa, o oya sa vamatei ina emudou maliwa, ina yasana sa notu ino o Setani. ¹⁴ Ia e so ga a, a o sa a ca ina, ina vuu ni odra sa notu ei io o odra, e dra sa vabautia ai vavuvuli i Pelami, o oya sa vavulici Peloki me dainia tani a dau vei vacalai ina ta dra vei edra a Isireli, me dra ania a vei a e vacabori ina veimatakau, qa dra dau yalewa leqa ga. ¹⁵ Sa notu leqa ga vei io, o odra sa vatavuvuli tainia a odra i vavuvuli ai toani i Nikola, o oya ari a, a au sa satia. ¹⁶ Mo veivutuni mada, e maqa, au na lao vatotolo sara waqe vei io, qa vei vala ei edra ina i seleiwau ni o qu gusu. ¹⁷ O sa va ona taliga, me rogo sara a vei a sa aya a Yalo Tabu, vei e dra ai soqosoqo lotu. Au na solia vei oya sa gumatua, me ania a mana vuni, au na solia leqa ga vei oya a vatu vulavula, a vatu ga ana ena volai ina yaca vou e na maqa ni dua e ila, o oya ga ena tauria sara. ¹⁸ Mo volavola leqa ga vei oya ai talatala ni lewe ni soqosoqo lotu mai Caetaira: Ni sa aya a vei a ai a Alou, o oya sa tautau vata a yameyame ni quto a ona Mata ei na ona la sa tautauvata a varaso maku waliliva. ¹⁹ Au ila a omu caacaa ei na dau lolon ia ei na dauveiqaravi, ei na dau vaadinatainia, ei na dau vosota ei na omudau caacaa; ia o oya ai sa uwasivi o oya sa matai. ²⁰ Ia e vica ga a a o sacala ina, ni o sa vosoti oya a yolew ana o Jesepeli, o oya sa va toai oya me parofita, me vavulia e dra me dra vatalai edra a oqu tamato me dia dau yalewa, qa ania a magiti sa vacabori ina veimatakau. ²¹ . Au sa solia vei oya a gauna me na veivutu ni tainia ino a ona dau tagane, qa sa maga ni veivutuni. ²² Au sa na daini oya ina i moce moce ei edra sa dau yalewa vata me dra dau rarawa valevu, e dra maqa ni veivutuni tainio a odra i valavala. ²³ Au na vamatei edra a luvena i na mate, e dra ilai ina a veisoqosoq lewe ni lotu taucoo, niu sa dievia a ivi ei na uto ni tamata; la au na solia vei emudou yadua me tautauvata a omudou i valavala. ²⁴ Ia au sa aya vei emudou a ena vo mai caetaira, o odia taucoo sa maqa ni vabautia ai va vuvuli ai, o odra edra maqa ni ila a vei a titobu me baleti Setani, me tautauvata a vei a e dra sa vosa tainia, au na maqa ni tauca vei emudou a a tani e bibi. ²⁵ Dou tauria matua a veia sa tu vei emudou, yacovia niu na lesu leqa waqe. ^{28 29 26} Ia o oya sa gumatua sara, qa vabautia a oqu caacaa me yucovia mada ai vataotioti, au na solia vei oya me lewa a vei matanitu. ²⁷ E na lewai edra i nai titoo kau kamea ie na vorolai edra va matailalai me tautau vata a vei bilo ni dau tuli bilo me tautau vata a kaukauwa au sa rawatia mai vei tamaqu. Ia au na solia leqa ga vei oya a aloalo i vola sisa. O oya sa va ona taliga, me rogo sara a vei a sa aya a Yalo Tabu vei edra ai soqosoqo lotu.