¹ Sa tovelee ve'edra o'oya; Au sa tovelee vaidina ve emudou, Sa no tu ei eso, edra na maqa sora ni mate, edra na igavia mada a matanitu ni ALOU ni sa yaco vakaukauwa" mai ² Sa bogi ona, sa qai di Pita, ei Jemesa, ei Joni, o Jisu, a sa di e'dru vatiitii i na tila ulunivanua, cecere, o'dru vai edru ga: sa matalia a ona gau ena odru mata. ³ Asa lumisa mai a onai sulu, sa vulavula sara, me vaka a usu-vulavula, sa maqa a dausavai sulu e vuravura e vavulavulatainia, me veana. ⁴ A sa rairai ve edru o Ilaija ei Mosese: Edru a sa veivosai ei Jisu. ⁵ A sa vosa o Pita, a tovelee vei Jisu, vavuvuli, sa a re a odatou no tu ei; ia me oitou tara mada a vale vacevaceva e tolu: e tila me na o miau, tila me oi Mosise, e tila me oi Ilaija." ⁶ (Ni sa qa maqa ni ila, a a me tovelee, ni dru sa rere valevu.) ⁷ A sa tila a o sa varuru gi edru, a sa tila a vosa sa lao mai ena o, a sa aya, Aia oqu dridria mi toko: Dou rogoi o'ya. ⁸ Adru sa veigavi vasauri, a sa maqa a tamata tani, edru sa igavi, Jisu tilatila ga. ⁹ Iani dru sa lao sobu no mai na ulu-ni-vanua, sa varota o'oya ve'edru, me druuwa ni ni tovelee ve'eya e tila, a a, edru a igavia, a malua me tu "cadra leqa mai ena mate" a luve ni tamata. ¹⁰ Edru sa vunitainia a vosa a na me no tu ga we'edru, a dru sa veitarogi, a sava bea a tu cadra leqa mai na mate. ¹¹ O dru sa tarogi oya, a aya, Edra aya ena sava o o'dra vu-ni-vola ni sa dodonu me lao mada mai o Ilaigi? ¹² A sa vosa o'oya, a aya ve edru, sa lao dina mada mai o Ilaija, , me vuicia a a taucoo me vaaretai leqa, Sa ena i vei a a sa volai ina a Luve ni tamata, ni sa dodonu me vosotia o oya a a e vuqa, a me valialiai? ¹³ Ia au sa aya ve emudou, Sa tadu dina mai o Ilaiji, adra sa velee ve eua a veia taucoo edra sa retia, me vaa na veia sa volai ena vuuna. ¹⁴ Ia ni yaco o'oya ve'edra a tisaipeli, a sa lewe vuqa sara edra sa igavia, ni sa voliti edru, ei, edru a vunivola eso, edra sa veileti ei edru. ¹⁵ ia o'dra taucoo a lewe vuqa, ni dra sa igavi eya, edra sa urabui sara, a dra sa ovu mai, a vei i dava i aya. ¹⁶ A sa tarogi edra a vu-ni-vola o'oya, A sava dou veileti ina ei edru? ¹⁷ A sa tila ve edru a lewe vuqa sa vosa, a aya, Vavuvuli, au sa dia mai ve'emudou a luvequ tagane, a sa curumi eya a yalo gula; ¹⁸ Ena yasana sa tauva ina sa waburainia: sa qai busebuse asivi o o'oya, a vasequruquru bati, a sa ciba waqe, au a vosa ve'dru a omu tisaipeli me dru utia tani; edru sa maqa ni rawatia. ¹⁹ Sa qai vosa o oya a tovelee, Ai tabatamata maqa ni vabauta! A sava ena dede me'u no tu vata' ei emudou? A sava a ena dede me'u vosoti emudou? Dou di oya mai vei au. ²⁰ Asra sa dia mai vei oya: Ni sa igavi oya o oya: Sa bitarainla sara a yalo; A sa bale ina soso oya a vaqiqiqi, a uvurainia a vuso. ²¹ A sa tarogia a tamana o o'ya. Sa ena evei a ena yawa ni tauvi eya a a ai: A sa tovelee, Ni sa driadria ga: ²² Sa vavuqa, a ona daini oya ena quto rea, ina wai leqa ga me vamatea; e o ni sa rawatia e tila a a, mo miau lomani eirua mai, a vuei eirua. ²³ Sa qai tovelee ve eya o Jisu, "E o sa vabautia rawa, Sa rawarawa a a taucoko ga ve eya sa vabauta. ²⁴ Sa qai tabalainia vasauri a ona do mo a tama ni driadria, a aya, ia sa tonawanawa a wai ni ona mata, o'mi au' a Turaga au sa vabautia, vuea a oqu tawa-vabauta. ²⁵ Ia ni sa igavia o Jisu edra sa ovu vata mai a lewe vuqa, sa vunauca a ualo velavela, a sa tovelee ve 'eya, A yalo gua a didivara, au sa varota vei io, mo lao tani mai ve'eya, a mo ua ni curumi eya leqa. ²⁶ A sa qoqolou, a bitaraini eya valevu, a sa qai lao tani; a s vaa e tila tamata mate; sa mate o o'ya. ²⁷ A satauria a ona liga o Jisu, a vatunia cadra; a sa qai tu cadra. ²⁸ Ni sa rusu i vale o'oya, sa tarogi o'ya lo o o'dra a ona tisaipeli, A sava eitou maqa ina uti oya tani rawa ina. ²⁹ A sa tovelee ve'edra o'oya, o'odra sa veai edra sa maqa uti tani wale, sa rawa ga ena daumasu. ³⁰ Adra sa lao tani mai ene, a lao voli e Kalili, a sa maqa ni retia o oya me tila a tamata me i la. ³¹ Ni sa vavulici edra a ona tisaipeli a tovelee ve'edra, sa volea a ona soli waqe a luve ni tamata i na odra liga a tamata, a dra na vamatea ia ni sa vamatei, ena qai tu cadra leqa mai ena i atolu ni siga. ³² Adra sa maqa ni ila ai balebale ni vosa, a na, a sa rere ni tarogi eya. ³³ Adra sa qai yaco i Kapenaumi, Ia ni sa rusu i vale. Sa tarogi edra, a sava dou sa veileti ina e gaunisala? ³⁴ A dra sa vagg'galu ga; Ni dra sa veileti, va ai edra ga e salevu, O sei sa levu cadra ve'edra. ³⁵ A sa no sobu o'oya, a sa tarogi e'dra a lewe tiniarua a tovelee ve edra, "E tila sa matai, ena muri, sara, a sa qaravi emudou leqa ga. ³⁶ A sa dia e tila driadria lailai, a vatu nia ena edra maliwa: ia sa noqota, sa tovelee ve edra, ³⁷ O oya e tila ena gutia e tila driadria veai ena ena vuu ni oqu yasa, sa reti au; Ia o oya e tila sa guti au, sa maqa ni guti au gai, sa reti oya leqa sa talai au mai. ³⁸ Sa qai vosa ve'eya o Joni a tovele, vavuvuli eitou a igavia e tila sa vautia tani a tevoro, eso ena omi au yasa, i aqa maqa ni muri eda, o'oya eitou sa taarovia, ni sa maqa ni muri eda, ³⁹ Sa aya o Jisu, ua ni tarovia ni sa maqa ni tila sa velee e tila, a caacaa mana ena oqu yasa, me na vosataini au rawa. ⁴⁰ Ni sa odai to o'oya sa maqa ni oda meca. ⁴¹ O'oya yatila ena solia ve emudou e tila bilo wai mo dou somia, Ni do sai toani i Karisito, au sa aya vaidina ve emudou, ena maqa ni reva ve eya a enai sau. ⁴² O'oya yatila ena vacala etila ve edra a lalai ai' edra sa vabauti au, sa are cadra ve eya esa varubeci ena ona domo e tila vatu i qaqi, a sa dai ena loma ni Wasa liwa. ⁴³ "Ia e sa vocalai O a omu liga, muduia tani: sa are vei io mo rusu ina bula a liga tila a ca me rua a omu liga a mo lai eli, i na quto re a maqa ni lo rawa. ⁴⁴ Sa maqa ni mate ina a odra baca, a sa maqa ni lovia ina quto rea. ⁴⁵ Ia e sa vacalai io o omu la, muduia tani: sa are vei io mo rusu ina bula a tila a omu la, a ca me rua a omu la, a mo dai i Eli, i na quto rea e maqa ni lo rawa. ⁴⁶ Sa maqa ni mate ina a odra baca, a sa maqa ni lovia ina quto rea. ⁴⁷ Ia e sa vacalai io a omu mata, dainiatani. sa are vei io mo rusu i na matanitu ni ALOU a tila no ga a omu. Mata, a ca me rua a omu mata a mo na dai ina i Eli sa rea ina a quto. ⁴⁸ Sa maqa ni mate ina a odra baca, a sa maqa nilo ina a quto rea. ⁴⁹ Ni na vamasimatai o'oya a tila ena quto rea ena vamasimatai ai madrali taucoo ena masima. ⁵⁰ E are a masima: E sa reva a masima mai a masima ena, e na onaona, A sava ena vaonaonatai leqa ina? Me no tu ga e lomamudou a masima, Dou veilomani leqa ga vai emudou.