¹ Ena gauna ana ni dra sa lewe vuqa sara, a sa maqa tu a edra, sa tarogi edra mai a ona tisaipeli o Jisu, a sa tovelee ve'edra, ² Au sa lomani edra a lewe vuqa, ni sa qai bogi tolu edra sa no tu ga vei au, a sa maqa tu a edra. ³ Ia e'u a vatalai edra tani ena o'dra veivuvale edra maqa tu ni ana, edra na malumalumu e gauni sala, ni so ve'edra edra sa lao vayawa mai. ⁴ Sa qai aya ve eya o 'odra a ona tisaipeli, Ena rawa maivei a madrai medra na drotu ina o'odra mai na Leutu ai. ⁵ A satarogi e'dra o'oya. E visa a i buli madrai sa to, tu ve emudou? Adra sa tovelee, E vitu; ⁶ Asa tovelee o'oya ve edra a lewe vuqa, me dra no sobu ena sosomo, a sa tari mai ai buli madrai e vitu a va'a vinavinaatainia, a dovia, a solia ve'edra a tisaipeli medra dainia ena odra mata, a lewe vuqa. ⁷ E visa leqa ga a ia lalai sa no tu ve'dra; A sa lotutainia o'oya, a tovelee medra taucia ena odra mata. ⁸ Adra sa ana, adra sa drotu, adra sa tomiia a vo ni veia sa dovi, a sa vitu a sova sa sinai ina, ⁹ Ia o'odra edra sa ani ani, edra sa lewe va bea a udolu, sa qai vatalai edra waqe o'oya. ¹⁰ A sa vodoa sara a waqa o'ya, ei edra vata aya a ona tisaipeli, a lao i na yanuyanu vaa Talimanuca. ¹¹ A'dra sa lao mai o'dra a Farisi, a vateivu medra veileti aya, Edra sa taroga ye'eya e tila a vatailaila, mai lomalagi ena vatovolei oya. ¹² A sa vutugu sara o'oya ena yalona, a yay, "A sava e'dra sa vaigavia e tila ai vatailaila o'odra ai taba- tamata ai? Au sa aya vai dina, ve emudou, ena maqa sara ni soli e tila ai vatailaila i nai taba-tamata ai. ¹³ A sa daini e'dra, a sa vodoia leqa a waqa, a lao sobu waqe itai-adua, ¹⁴ Adra sa nuidai tainia medra dia a madrai, a sa maqa ga ni no tu ve edra e waqa, e tila bau ga ai buli. ¹⁵ A sa varota ve e'dra o'oya, a aya, Dou igavia, dou qarauni emudou mai na o'dra leveni a Farisi, ei na leveni oi Eroti. ¹⁶ Adra sa qai veivosaitainia vai edra a aya. "Sa a bea ni sa maqa ve eda a madra ¹⁷ Ia ni sa ila o Jisu sa tovelee ve'edra. "A sava dou sa veivosai ina, Ni sa maqa ve emudou a madrai? Dou sa maqa bea ni ila rawa, se vaasama? Se kaukauwa bea no a yalomudou? ¹⁸ Dou sa vamatana, qai maqa bea ni iga awa? A vataiga, me maqa bea ni rogo rawa? se dai sa maqa bea ni nanumia? ¹⁹ Niu sa dovia ai buli madrai e lima ve'edra a lewe lima a udolu, e visa ai su dou a vatawania ena ena vo?" Adra sa aya, "E tiniarua." ²⁰ Ta ni sa vitu ve'edra, a lewe va udolu, e visa a sova dou a vatawania ei, na ena vo? ²¹ A dra sa aya, Ena ena evei, ni dou sa maqa ni ida rawa? ²² A dra sa yaco i Peceseita Adra sa dia maivei iya, e tila a mataboo, a dra sa masuti oy'a me tarai eya. ²³ A sa tauria, a liga ni mataboo, o'ya a tuberi o'ya enai bili ni oro, Ia ni sa ai welusia, a ona mata ruarua, a tabaia i na ona liga se sa igavia e tila a a, se maqa. ²⁴ A sa iya cadra, a aya, Au sa igavia a tamata edra vaa a acu, a'dra sa lao voli. ²⁵ A sa tabaia leqa a ona mata o'ya ena on a liga, a aya me iga cadra: Asa qai vabulai sara, a sa igavia vare, a ve a taucoo ga. ²⁶ A sa vatalai eya o oya ina na ona vale, a aya, IUwa ni lao leqa ina oro; ²⁷ A sa lao waqe o Jisu, ei edra a ona tisaipeli, ei na veioro ei Sisaria-Filipai: a sa tarogi edra a ona tisaipeli, e gaunisala, a aya ve'edra, Edra sa aya a tamata se o sei ai au? ²⁸ Adra sa aya, o "Joni a dauveipapitaisotai: ia a so Ko'ilaji: Ia a so leqa, E tila ve'edra a parofita" ²⁹ A sa tovelee ve'edra, Ia dou sa aya, se o sei oi au? "Sa qai vosa o Pita, a aya ve'eya " Sai kemiau a Karisito." ³⁰ Adra sa varotii motua medra ua ni aitaini oya ve eya e tila. ³¹ A sa vateibu me vatavulici e'dra, ni sa iliili aya a Luve ni tamata, me vosotia, a a, evuqa, me dra daini oya leqa ga o'odra matua, ei edra a bete levu, ei edra vu-ni-vola, a me vamatei, a qai tucadra leqa enai atolu ni siga. ³² A sa tovelee qa vamacalatainia a vosa a na o o'ya. A sa di eya o Pita, a vatekivu me vunauca. ³³ Ia ni sa vui mai o'oya, a igavi edra a ona tisaipeli, sa vunauci Pita, a aya Lao tani i na oqu tau, Setani; ni o sa maqa vananumia a veia, ni ALOU, a a ga ni tamata." ³⁴ Ia, ni sa qai tarogi edra mai a lewe vuqa, ei edra leqa ga a ona tisaipeli, sa qai aya ve edra, "O'oya atila sa mata muri au, me ua ni muria a lomana,, me colata ga a ona kauvelatai, a muri au. ³⁵ Ia oya yatila sa mata maroroya a o na bula,ena varevania: Ia o'oya yatila ena varevania,.a ona bula ena vuuqu ei nai tuutuu re, ena maroroya. ³⁶ Ia a sava a ena yaga ve 'eya tamata, esa rawati vuravura taucoo, a varevania a yalona? ³⁷ A sava a ena solia a tamata me sau ni yalona? ³⁸ Ia o'ya ena maduataini au ei na oqu vosa enai tabatamata e dau yalewa a ca: ena madua tani oya a Luve ni tamata, ni sa lao mai oya enai uuuu oi Tamana ei edra vata aya a agilosi yalosavasava. "