¹ Adra sa soqoni vata ve'eya o'odra a Farisi, ei na vuni vila, eso, edra sa lao mai Jeruisalemi. ² Iani dra sa igavi eya odra eso a ona tisaipeli. Adra ana, sa duaduali a o'dra liga, ni dra sa maqa ni vuluvulu mada edra sa vacacana. ³ Ia odra Farisi, ei edra taucoo a ai Jutia, edra sa maqa ni aniani, ni dra sa maqa ni vuluvulu vate ni dra sa vabautia a odrai vavuvuli a matua. ⁴ Ia ni dra sa lesu mai ena veivoli, edra sa vuluvulu mada, A dra sa qai aniani. A sa vuqa leqa a veia tani edra sa vabautia me medra vabautia me dra muria, a dere ni bilo ni somi, ei na bilo i varau, ei na bilo parasa, ei nai nono. ⁵ Sa qai tarogi eya o odra a Farisi, ei edra a vuni-vola, a sava edra a maqa ina ni vamuria, a a odrai vavuvuli a matua, o dra a omu tisaipeli, ni dra sa aniani, qa maqa ni vuluvulu? ⁶ A sa vosa o'oya, a tovelee ve'edra. O Aisea, sa aitaini emudou vare i mada. Omudou a dau ni veivaaisini, me vaa so volai, o'odra a tamata ai edra sa varoorootaini au ena tebe ni odra gusu. Ia a yalodra sa yawa tani vei au; ⁷ Sa maqa ni yaga meara masuti au, Ni dra sa vatavuvulitainia a vunau ni tamata mei vavuvuli, ⁸ Ni dou a sa dainia tani a vunau ni ALOU, a vabautia a odrai vavuvuli a tamata. ⁹ A sa tovlee ve 'edra o'oya, Sa dina sara ni dou a sa dainia ai vunau ni ALOU, Dou vabautia a omudou i vavuvuli. ¹⁰ Ni sa tovelee o Mosese, "Varooroo ve'edru a tamamu, ei a tinamu, ia; o 'oya sa vosa vacacatainia a tamana se tinana, me sa vamatei. ¹¹ Ia dou sa aya, E sa tila tamata ena aya vei tamana se tinana, Sa Koripani a enai balebale, sa tabu me oi oya a ALOU, a oqu a sa yaga vei iol. ¹² Dou sa qai tarovia me ua ni velee e tila a a me yaga ve'eya a tamana se o tinana. ¹³ Dou sa vatawagagatainia ina, ai vunau, ni ALOU ena omudou i vavuvuli, dou sa dauvatavuvu litainia a sa vuqa a a ve ai dou sa velee. ¹⁴ Ia ni sa tarogi edru taucoo mai a lewe vuqa o o'ya, sa toveoee ve'edra; O i ei mudou taucoo sara, mo dau ila a rogoci au. ¹⁵ Sa maqa a a ena taucau ni tamata, ni sa rusu, asa vaduadualitainia rawa, ia a veia sa rusu waqe mai ve'eya, iyari ga sa vaduadualitainia a tamata. ¹⁶ O 'oya sa vadaligana me rogo, qa mani rogo sara. ¹⁷ Ni sa daini edra a lewe vuqa o'oya a rusu i vale, sa tarogi o'ya o odra a ona tisaipeli ena vuu ni vosa vatautauvata. ¹⁸ A sa tovelee ve edra o 'oya, O mudou leqa ga dou sa maqa leqa ga ni ila rawa a a veai ne? Dou sa maqa bea ni ila a a taucoo ga e taudau sa curumia a tamata, sa maqa ni vaduadualitainia rawa. ¹⁹ Ni sa maqa ni rusu dina i na yalonasi etena walega, a sa qai lao tani inai benubenu, a sa vala ina me savasava a magiti taucoo ga? ²⁰ Sa tovelee leqa ga o'oya, Asa rusu waqe o'oya a tamata, iari ga sa vaduadualitainia a tamata. ²¹ Ni sa rusu waqe mai loma, mai na yalodra a tamata, a nanuma ca, dauyalewa, daudara, a daulaba, ²² A daubutai, a dauocooco, ai valavala ca, a dau veivakaisini, a dau gagano a mata ca, a vosavacaca, a viavia levu, ei a lialia. ²³ A veia 'ca taucoo ga ai, sa rusu waqe mai loma, a sa vadua dualitainia a tamata. ²⁴ Sa qai vacutu o'oya a lao tani waqe mai ene, ena veiyasana i Taia, ei Waitoni, asa rusu i na tila a vale, sa maqa ni gutia, asa maqa ni tila a tamata me ila, la sa maqa ni vo'do, ia sa maqa ni vuni rawa o'oya. ²⁵ Ni sa tila a yalewa ka sa curuma a luvena sa gone-yalewa e tila yalo velavela, sa rogo a ena i tuutuu, a sa lao mai a daroo ina ena la. ²⁶ A yalewa mai na tila matanitu tani, a yalewa ni Sairo-finisia; a sa masuti o'ya me vaaseva tani a tevoro mai ve'eya a luvena yalewa. ²⁷ A sa tovelee ve'eya o Jisu, Medra drotu o o'dra a driadria, ni maqa ni me di a edra a driadria, a dainia ve edra ori. ²⁸ A sa tovelee a yalewa, a aya, ve'eya. E dina ga na Turaga, ia o o'dra ori, ena ruu ni teveli, edra na kania, a enai vovo ni edra driadria. ²⁹ Sa qai tovele ve eya o'oya, Ena vuu ni, vosa ai, mo lao ga, mo lao ga , sa lao tani mai a luvemu-yalewa a tevoro. ³⁰ Ia ni sa yacco waqw i na ona vale, a sa igavia ni sa lao tani a tevoro, a sa oto, tu enai otooto a luvena-yalewa. ³¹ Asa lesu leqa o'oya mai na veiyasana i Taia, ei Saitoni, a sa lao e loma ni vanua vaa-Tikapoli, i na wai mai Kalili. ³² Adra sa dia mai ve'eya e tila sa didivara, a sa kaka, a dra sa masuti oya me tabai, eya ena ona liga. ³³ Asa di eya vati itii maivei edra a lewe vuqa, a sa daramainia a onai qaqalo, ina daligana, ruarua ni tamata, a welusia, a tari a ona meme. ³⁴ A sa qai ta cae i lomalagi, a vutugu, a sa aya ve eyai, Efaca, sa enai balebale, Mo rogo mada. ³⁵ A sa qai rogo a ona taliga ruarua, a su serei, a ona meme, a sa vosa macala mai. ³⁶ Sa qai varola ve'edra o'oya me'dra ua ni aya ve'edra a tamata. Ia ni sa varota valevu ve'edru o'oya, edra sa dau tovelee, sara ina. ³⁷ A sa urabui valevu o'odra, a aya, Sa velee vare a a taucoo ga o'oya, edra sa togo a didivara, ei edra leqa ga a gula me dra vosa.