¹ Sa qai lao tani mai ene o oya, a sa lao waqe ena ona vanua: sa muri eya odra a ona tisaipeli. ² Ia ni sa yaco a siga ni vacecegu, sa vateivu o o'ya me vatavuvuli ena vale ni Lotu: a dra lewe vuqa ni dra sa rogo a dra sa ruabui, a aya, "Sa rawatia mai vei o oya a ve ai? se na vu'u sava sa soli ve'eya me sa vala ina ena ona liga a veia mana veai? ³ Sa maqa li ni matai o oy ai, a luvei Meri, ei a tuaai Jemesa, ei Josese, ei Juta, ei Samisoni? ei a ganena, edru sa maqa li ni no vata ei eda? A dra sa tarabe ena vu'una. ⁴ A sa tovelee ve edra o Jisu, "Sa vaaroorootai a parofita ena vanua tani, ena ona vanua, tilatila e maqa, se ve edra a ai nona se ena ona vale. ⁵ A sa maqa ni velee rawa mai ene, e tila a caacaa mana, sa tabai edra walega ena ona liga, a sa lewe visa edra sa tauvimate, a vabula. ⁶ A sa urabui ena vu'u ni odra maqa ni vabauta a sa la'ovoli waqe o'ya ena veioro lalai, me vatavuvuli ⁷ A sa tarogi edra e lewe tiniarua o'oya sa vateivu, me talai edra me'dra la'o yarua: a sa solia ve'edra a kaukauwa me rawai edra a yalo velavela ⁸ A sa varota ve'edra medra ua ni dia e tila a a e gaunisala, ni titoo walega: me ua a taga ni vaqa, se madrai, se lavo ena taga: ⁹ Ia me dra vaai vava ena i vava vaataele ga: a me dra ua ni vaisulu ena i rusurusu e rua. ¹⁰ Asa tovelee ve e'dra o'oya, Ni dou sa rusu ena tila a vale, ena tila a yasana, dou no tu ga ina a yacova a omudou la'o tani ena tiina ana. ¹¹ Ia o'dra taucoo ga edra a maqa ni vacegui, emudou, me rogoci enudou, ni dou sa lao tani ena yasana ana dou ureitainia tani a uvu ni soso mai na omudou la, me vatailaila ve edra. Au sa tovelee vaidina ve emudou, ena ca valailai o Sotoma ei Komora, era siga ni lewa, ena ca valevu a oro ana. ¹² A dra sa lao waqe, qa dra vunautania, me dra veivutuni, ¹³ Adra sa lewe vuqa sa utia a tevoro, a dra lewe vuqa a tauvimate edra sa vali ena waiwai edra sa vabulai. ¹⁴ Ni sa rogo o Eroti a Tui, ni sa uruvai waqe a ona yasa, a sa tovelee, Sa tucadra leqa mai ena mate o Joni, a dauveipapitaisotai, o'ya ga sa velee ina o'oya a kaukauwa mana ai. ¹⁵ Edra sa dovelee leqa eso, Uai o Ilaija, Adra sa tovelee leqa eso, sa tila a parofita se vaa e tila a parofita. ¹⁶ Ia ni sa togo o Eroti a sa tovelee, O Joni ga ai, oya au sa musuia a ona ulu. "Sa tucadra leqa mai ena mate o'oya. ¹⁷ Sa talai i mada o Eroti, a muri Joni, a vesua ena vale ni veivesu, ena vu'u i Erotiasa a wati Filipi a tasina: " ni rau sa veiwatini aya. ¹⁸ Ni sa tovelee vei Eroti o Joni, "Sa maqa ni tara sa maqa ni tara me'dru veiwatini ei na wati tasimu. ¹⁹ Sa cati o'ya ina o Eroti asa, asa retia, me vamatea ia a sa maqa ni rawatia: ²⁰ Ni sa rerevaini Joni o Eroti, ni sa ila ni sa tamata yalo-dodonu a yalo savasava, a sa varurugi oya, Ia ni sa togo o'oya sa vaqa sara a veia sa velee o'oya, a sa retia me rogoci oy'a. ²¹ Ia ni sa yaco e tila a siga, a ona siganisucu i Eroti, sa velee o oya a edra magiti a turaga ni vanua, ei a turaga ni valu, ei edra a matua ni Kalili, ²² Ni sa rusu waqe a luvei Erotiasa, gaoneyalewa, a me'e, a sa taleitainia o Eroti ei edra sa ana vata aya, Sa qai tovelee a Tui ve'eya a goneyalewa, erea vei au a o retia, au na solia vei io. ²³ A sa bubului ve'eya, "A a ona erea vei au au na solia vei io, au na wasea rua ina a oqu matanitu. ²⁴ A sa rusu waqw o'oya a tarogi tinana, A sava me'u ereya? A sa tovelee o'oya, A ulu i Joni a dauveipapitaisotai. ²⁵ A sa rusu usarawa leqa ve'eya a tui o oya sa masuta a tovelee. Au sa retia mo solia mada vei au a ulu i Joni a dauveipapitaisotai e tila a dari ²⁶ A sa rarawa sara a tui, ia ena vu'u ni ona bubului ena vu'udra leqa edra sa no tu vata sa maqa ni mata bureitainia ve'eya. ²⁷ A sa tala sara a tui e tila ve edra a sotia i vatawa, a sa tovelee me di mai a ora ulu, asa lao, a musuia a ona ulu ena valeni velvesu, ²⁸ A sa dia mai a oria ulu ena tila dari, a sa solia ve eya a Goneyalewa, asa solia a goneyalewa vei tinana. ²⁹ Ia ni dru sa ro'go o dru a ona tisaipeli, edru sa lao mai medru sa mai dia a ona gau, me dru na lai bulutia. ³⁰ "Adra sa soqoni vata ei Jisu ei edra ai apositolo, a tovelee ve eya, a vela taucoo ga, edra sa velee, ei na vei a edra sa dau vavuvulitainia ³¹ A sa tovelee ve edra o'oya, Dou lao mai a vatiitii ena tila a vanua lala, Dou vacegu mada valailai: edra sa lewe vuqa edra sa lao mai, allao waqe, dra sa maqa ina ni lalaga me ana. ³² Edra sa vodoia a waqa, a lao vatiitii tani i tila a vanua lala. ³³ Ia o'dra lewe vuqa edra sa igavia ni ra sa lao waqe, adra sa lewe vuqa sa ilai edra, a dra sa ovu e vanua mai, na ve i oro taucoo, a siviti edra. ³⁴ A sa lao mai o Kisu, a igavi edra edra sa lewe vuqa sara, a sa lomani edra, edra sa tautauvata a sipi sa, ma qa ena i va tawa: A sa veteivu me vavulici edra ena veia e vuqa. ³⁵ Ia ni sa dro mu a siga asa lao mai ve'eya odra a ona tisaipeli, a aya ilai ina a vanua lala a sa ala a matanisiga. ³⁶ Mo tatalai edra waqw medra lao ena veiya sana, ei na vei oro lalai, sa vavolivoliti eda, medra lai volia a edra madrai, ni sa maqa ni tila, a, e tu medra ania. ³⁷ A sa vosa o oya a tovelee ve edra dou solia ve edra me dra ani ani. ³⁸ A sa tovelee ve'dra o'oya, E visa ai buli madrai sa no tu ve emudou? dou lai igavia. Ia ni dra sa ila edra sa tovelee, "E lima a buli madrai, qa rua a ia. ³⁹ A sa aya o oya me'dra sa no sobu taucoo vaivavaoso, ena co drouadroa. ⁴⁰ Adra sa no sobu, edra sa yatuni; sa yayadrau se yayolimasagavulu. ⁴¹ Ia ni sa tauria oy'a ai buli madrai e lima, ei na ia e rua, sa tacae ilomalagi, a lotuta inia a dovia a veibuli, madrai, a solia ve'edra a on a tisaipeli medra damia ena odra mata a tamata; a sa wasea o'oya, a ia e rua ve'edra taucoo. ⁴² Adra sa ana taucoo qa dra sa mamau. ⁴³ Adra sa tomia vata a madrai sa vo ei na ia leqa ga, a sa tini arua a isu sa sinai ina? ⁴⁴ Ia 'odra sa ania a veibuli madrai, edra lewe lima be a udolu a tagane, ⁴⁵ Sa qai varota sara o'oya ve'edra a a ona tisaipeli me dra vodoa waqa me'dra matai i tai a dua i Peceseita, me sa vatalai edra waqe a lewe vuqa o'oya. ⁴⁶ Ia ni sa vatalai edra devu, sa lao sa lao o'oya ina uluni-vanua me masu. ⁴⁷ Ia ni sa taranavi mai sa notu a waqa e loma ni wai a sa no tilatila ga o ya e vanua. ⁴⁸ A sa igavi edra ni dra ni dra sa oca ena voce; ni sa cagi ca, "Ia ni sa yaco mada ai a va ni waase ni bogi, sa qai lao ve dra, o'oya sa lao vili e dela ni wai"; a sa lao oy'a me siviti edra; ⁴⁹ Ia ni dra igavia ni sa lao vpli oy'a ena dela ni wai, ni dra sa nanumia, a sa tila a yalo, a dra sa qoqolou: ⁵⁰ Edra sa urabui ni dra sa igavi, ea taucoo ga a sa tovelee sara ve edra o'oya a sa aya, Dou Vacegu: Sai au ga; Dou ua ni rere. ⁵¹ A sa cabe ve edra i waqa, a sa ruru a cagi, a'dra sa redeucala valevu sara e lomadra, a urabui. ⁵² Edra sa maqa ni vaasamatainia a veibuli madrai; ni sa kaukauwa a lomadra. ⁵³ Ia ni dra sa lao waqe itai adua, edra sa yaco i na odra vanua a ai Kenisareti; adra sa udu i matasawa. ⁵⁴ Ia ni dra sobu mai waqa, edra sa ilai o'ya sara, ⁵⁵ A ovu ina veiyasana taucoo sa vaawavolivolita, adra sa vaate i vu, medra colati edra enai i oto oto ni dra sa tauvi "mate, i na ya sana edra sa togo sa no tu ina o'oya. ⁵⁶ Ena yasana taucoo ina o'oya, se na veioro lalai, se na veioro lelevu, se vanua, sa vaotoni edra ina sa tauvimate, ena gaunisala, a masuti o'ya medra tauria walega a tutu ni odra i sulu: ia o'odra taucoo sa tari edra sa vabulai.