¹ Edru sa yaco waqe ena tai ni odra vanua, a ai Katara ² Ia ni sa sobu mai waqa o'oya, a sa sotavia, o'oya e tila a tamata mai na veibulubulu, a sa curumi eya a yalo-velavela. ³ A sa no tu ena veibulubulu o'oya asa maqa ni tila tamata sa vesuaia rawa, a sa maqa ga ena senicodo. ⁴ Ni sa vesuia valevu, ena i vesu ei a senicodo, a sa drutilainia ai vesu: a sa maqa ni tila e na vamanoatainia rawa. ⁵ A sa no tu vatila ena bogi ei na siga, ena veiulu ni vanua ei na veibulubulu, a sa dau qoqolou, a dautavalainia ona gau, ena veivatu. ⁶ Ni sa igavi Jisu ni tu vayawa tu, a sa ovu waqe a sa daroo ve eya. ⁷ A sa taro vadomoilevu, a tovelee, a sava ve edrarua i Jisu a luve ni ALOU cecere sara? au sa varota vei io ena yasa ni ALOU, mo ua ni vararawataini au. ⁸ Ni sa tovelee o oya ve eya O io a yalo-vela mo lao tani, ve eya a tamata. ⁹ A sa tarogi o ya leqa, O sei a oomu asa? A sa vosa o'ya a 'aya. A oqu asa o vavasos, ni oimami sa lewe vuqa. ¹⁰ A sa vomasuti o'ya va vuqa o 'oya me ua ni vatalai edra tani ena vanua ana. ¹¹ A sa no tu mai ene o'dra qele-ni vuaa levu, a ta sa aniani voli e baba ni ulu-ni-vanua. ¹² A sa masuti edru o'oya, o'odra taucoo ga a tevoro, a aya, Vatalai emami ve edra a vuaa me eimami rusui ve edra. ¹³ Asa vatara o Jisu. A dra sa lao tani a yalo velavela, a rusu ve edra a vuaa. A dra sa ovu sara a qele ni vuaa ina baba ena wasawasa, o'odra edra sa rua a udolu, O dra era sa ora ina. ¹⁴ Ia odra edra sa vaani edra a vuaa edra sa ubu, a lai tovelee ena veioro ei na veiyasana i vanua ¹⁵ A ra sa yaco waqe vei Jisu, a sa igavi oya a rusu o dra tevoro, o ya sa no tu ve eya a Vavaoso ni sa qai no tu, a vaisulu a yalomatua, edra edra sa rere. ¹⁶ Ia o'dra edra sa igavia, edra sa tovelee, ve edra a veia sa yaco ve 'eya o'oya sa rusu ve eya a tevoro, ve edra leqa a vuaa. ¹⁷ Adra sa vamasuti i'ya me lao tani ena odra vanua. ¹⁸ Ia ni sa vodo i waqa o'oya, "a sa mastui o'ya o'eya a rusu i mada o'odra tevoro me mai no vata aya. ¹⁹ A sa maqa ni retia o Jisu, a sa tovelee ve 'eya mo lao i na anudou, ve edra a weamu, a tovelee ve edra, a levu ni veika sa velee vei io a Turaga, ani sa lomani io. ²⁰ A sa lao a sa tovelee voli mai Tikapoli, a ena levu ni vela sa velee ve eya o Jisu: ara sa urabui taucoo ga. ²¹ Ia ni sa lesu leqa o Joni ena waqa, i tai, era sa lewe vuqa saia edra sa soqo vata ve'eya a sa no tu e matasawa o 'oya. ²² "A igavia sa lao mai e tila a turaga ni vale ni lotu, o Jairo a ona asa ni sa igavi eya, sa daroo sobu ma ona la. ²³ A sa vamasuti oya valevu, a tovelee, A luvequ-yalewa lailai sa volea sara ni mate: Miau lao mai mo lau mai tabai eya ena ligamiau, me vabulai ina, ena qai bula mai o oya. ²⁴ A sa lao vata aya o 'ya ei edra a lewe vuqa sara e a sa muri eya. ²⁵ A A sa tila yalewa, sa turi dra balavu a 'ya bai tiniarua. ²⁶ A sa levu sara a veia ea vayagatainia ve edra vuniwai, a sa varevania ina a ona i yau ena ona sage me bula, sa qai isi ca dra no ga a ona tauvimate. ²⁷ Ia ni sa togo a i tuutuu ei Jisu, sa lao vata mai ei edra lewe vuqa ena ona tau a sa tauria a ona i sulu. ²⁸ Sa qai tovelee o'oya, eu na tauria ga ona i sulu au na qai vabulai. ²⁹ A sa mudu va sauti ai davedave ni ona dra, a sa vaila ina ona gau ni sa bula mai ena ona mate ca. ³⁰ A sa ila sara o Jisu e lomana ni sa lao tani ve e'ya a kaukauwa a sa vui ve edra a lewe vuqa a aya, O Sei sa tauria a oqui sulu? ³¹ Ara sa tovelee ve'eya o'odra a ona tisaipeli, O mi au sa igavia era sa drigiti emi au a lewe vuqa, ia miau sa taro ga, O sei sa tarai au? ³² Sa iga voli waqe o oya me igavi eya a velee no a a anai. ³³ A sa rere a yalewa a sautaninini, ni sa ila o oya a veia sa yaco ve'eya, a sa lao mai a daroo sobu ena ona mata a ovelee taucoo ga ve'eya a a dina. ³⁴ A sa tovelee ve'eya a o'oya a aya, Na Luvequ yalewa, sa bavulai io a omu vabauta, Mo lao ena vaacegu, a mo bula leqa mai ena omu mate ca. ³⁵ Ni sa vosa no o'oya, sa lao mai eso mai na vale oi oya a turaga ni vale ni lotu era sa tovelee ³⁶ Ia ni sa rogo o Jisu a vosa edru sa aya a sa tovelee sara ve'eya a turaga ni vale ni lotu, ua ni yalo-lailai, vadinatia ga. ³⁷ A sa maqa ni daini eya e tila me muri oya, o dru ga o Pita, ei Jemesa, ei Joni a tasi Jemesa ³⁸ A sa yaco waqe o 'oya ena vale ni Turaga ni vale ni lotu, a sa igavia o 'oya a odra tagiaso, a ra sa tagi a qolou valevu. ³⁹ Ia ni sa rusu waqe o'ya a sa tovelee ve edra, Dou sa tagiaso a tagi ena vuu ni sava? Sa maqa ni ciba a goneyalewa, sa mose ga. ⁴⁰ Adra sa dredrevaini eya. Ni dra sa vatalai edra taucoo i tuba. a sa di edru waqe a tama ni goneyalewa ei a tinana ei dru sa no vata no, a sa rusu i na ti ina sa oto no ina a goneyalewa: ⁴¹ A sa tauria a ligai eya a gone yalewa o'oya a sa tovelee waqe ve eya, Talica Kumi a enai balebale, Gone yalewa, au sa aya vei io mo tucadra mai. ⁴² Sa tucadra a goneyalewa, a lao voli, ni sa tiniarua a ona yabai ⁴³ A sa varoti edra matua sara o oya me 'aua ni tila a tamata me ila. A sa tovelee me soli ve eya a Gone yalewa a ena.