¹ A sa leqa o'oya me vavuvuli e matasawa. Edra sa lewe vuqa sara ara sa soqoni vata ve eya, a sa vodoia ina a waqa a no sobu ina mai wai. Ara sa tu taucoo a lewe vuqa e matasawa. ² A sa levu sara a veika sa vavulica ina vosavatautauvata ve edra a lewe vuqa. A sa tovelee oya a onai vavuvuli. ³ Dou rogoca; sa tila a dau veiaburai sa lai abuaburai. ⁴ A sa yaco, ni sa aaburai lao ni sa abuaburai: lao, sa tutu ni sala, asa lao a manumanu vua a ania. ⁵ A sa lutu eso ena vanua veivalu, sa maqa ni levu ina a sosomo, a sa tubu cadra vatotolo sara, ni sa maqa ni vavau a ena sosomo; ⁶ Ia ni sa cabe a siga, sa malai; ni sa maqa a waana, sa raqosa sara. ⁷ A sa lutu eso i na veiwa-vavotona, a sa tubu cadra ena veiwa vavotona, a varuguta, a sa maqa ina ni vua. ⁸ A sa lutu eso ina vanua re, a sa vuavuai re a tubu cadra me levu, asa vuai to lusagavulu eso, ka onosagavulu eso, a drau eso. ⁹ A sa tovelee ve'edra oya, o oya sa vataliga me rogo a mani rogo sara. ¹⁰ Ia ni no tilatila no ga o'oya, era sa tarogi oya ena vosavatau tauvata o odra a lewe tini-arua, ei edra odra sa dau no vata no. ¹¹ a sa tovelee ve'edra o oya, sa soli ve emudou mo dou ilo, a vuni ni motanitu ni Alou: ea ve edra ga mai na omudou tau, sa aitai ena veia taucoo ga ena vosa vatautauvata. ¹² Medra gavia no qa maqa ni ila, medra rogo no a lecava tu, Ena tila siga edra na veisau ina, a booci a odra i valavala ca. ¹³ Sa qai tovelee ve edra,, Dou sa maqa beka leqa ni ila a vosa vatautauvata ve ai? Ia sou sa ila rawa li vasava a vasa vatautau vata taucoo ga? ¹⁴ 'Sa vadawatainia a vosa o'dra a dau abuabu -rai- ¹⁵ Oa o'odra ai, edra sa vaa a tutu ni sala, sa vadewatai ina a vosa, ia ni dra sa rogo devu, sa qai lao sara mai a (vuni ca) (setani), a sa dia tani a vosa sa vadewatai e lomadra. ¹⁶ O'odra leqa ga ai sa aburaki ena vanua veivatu o'odra edra sa rogo, a vosa, qa ra sa vabauta sara ena marau. ¹⁷ Ia sa maqa ga ni vawaana e lomadra, Ia o'odra leqa ga ai sa rui yawa a odra no tum ni sa tubu mai a rarawa se na veicati ena vuu ni vosa. Edra na qai tarabe sara ina. ¹⁸ Ia o'odra ai sa aburai ena veiwa-vavotona: O o'dra ai ai era sa rogo a vosai, ¹⁹ no lomaoca ena vuu ni vuravura ai, ei ai yau dau veivaaisini ena dauretia, a veia tani; eso sa rusu ina a varuguta, a vosa asa maqa ina ni vua. ²⁰ Ia odra ai sa aburai i na vanua re: edra sa rogo a vosa, a vabautia, a vua, sa vuai tolusagavulu eso, a ono sagavulu eso, a drau eso. ²¹ Sa tovelee leqa ve edra o oya. Sa tila bea a cina sa di mai, me no tu ga ena ruu ni varau ni sila, se ruu ni mosemose? E maqa bea ni no tu e na, enai, tutu ga? ²² Ni sa maqa ni tila a e vunitai me na maqa ni na varaitai mai. Se na veia sa vuni me na maqa ni basia mai. ²³ Evaa e tila sa vataliga me rogo, se mani rogo sara. ²⁴ Sa toveli leqa ve'edra, Dou taqomaini emudou ena veia dou sa rogo; ai varau dou na varau tainia, ena varautai leqa ve emudou: Ena soli valevu leqa ve emudou. ²⁵ Ni sa no tu vei tilam a tamata, e tila a a. Ena qai soli ve'eya. Ia e sa maqa ni no tu vei tila tamata e tila a a ena di tani mai ve eya, a veia, sa no tu ve eya. ²⁶ Sa tovelee leqa o oya, sa vatautauvata tai a matanitu ni Alou, ei a tamata sa lai aburainia a sila ina sosomo. ²⁷ A sa mose, a tu cadra ena bogi, ei a siga, a sa adre a sila a tubu cadra. A sa maqa ni ila oya a ena vulavula. ²⁸ Ni sa vua vaa eya ga a sosomo. Sa matai mada ni sa adre, sa tarava mai a sola, sa qai muri mai ena vuana, esa matua ena sola. ²⁹ Ni sa matua mai a vuana, a sa qai varusumia o oya ai sele taelo, ni sa cava a yabai. ³⁰ A sa tovelee o'oya, "Medatou na vacaucautainia a matanitu ni Alou ei na sava? Se a sava eda na vaibalebaletainia ina, se meda na vatautau vatatainia ina. ³¹ Sa vaa e tila sore ni mosita, o'oya ni sa tei ena sosomo a sa lailai sobu ve edra taucoo ga a sore ni acu ena sosomo. ³² Ia ni sa tu; sa tubu cadra, esa na yaco me na levu cadra ve edra taucoo ga a acu lailai; a sa vaatabana vaidina, a sa ro rawa a manu,anu ena ena rugurugua. ³³ A sa vuqa a vosa vatautauvata ve ai sa tovelee ve ai sa tovelee ina o'oya a vosa ve edra. me vaa edra sa rogo rawa. ³⁴ A sa maqa ni vosa walega ve' edra, sa vosavaatautauvata no ga, a sa varaitainia ai balebale ni ni veia taucooga ve edra; a ona tisaipeli, ni dra sa no tu vaa tai ni edra. ³⁵ Ia ena siga ana, ni sa taranavi mai, sa tovelee ve dra o oya. Meda na lao waqe i tai. ³⁶ Ia ni dra sa biutiaedra ia lewe vuqa. Edra sa di eya sara ve ana ena waqa, Aso leqa ga a waqa lalai edra sa lao vata aya. ³⁷ Asa tubu mai e tila a cagi levu sara, a sa sevisa, a waqa ena biau, asa qai luvu ina. ³⁸ A sa no tu oya ena mua emuri, a sa mose, enai looloo, adra sa vagoni eya, a tovelee ve 'eya. Vavuvuli, oya wele bea ga ni da sa mate? ³⁹ A sa tu cadra o oya qa vunauca a cagi, a sa tovelee i na wasawasa. Mo cegu, mo maravu mai. ⁴⁰ A sa tovelee ve edra o oya, Ena vuu ni sava dou sa rere ina? E enai vei ni sa lailai a omudou vabauta? ⁴¹ Ara sa rere valevu, a ra sa veitovelitainia o sei bea ai, ni sa talairawarawa ve eya a cagi, ei a wasawasa?