¹ Ia na e na roaroa, dra sa qai bose vata o odra a bete levu ei edra a qase ei edra a vunivola ei edra taucoo a mataveilewai qa vesui Jisu, qa dia tani, qa solia vei Pailato. ² Sa tarogi oya o Pailato, O io a odra tui a ai Jutia? "Io, o sa aya dina mai. ³ Sa levu a a dra sa beitai oya ina a bete. ⁴ Sa qai tarogi oya teqa o Pailato, qa aya o maqa ni bau aya e dua a a? igavia mada sa levu a a edra sa beitai io ina. ⁵ E maqa ni bau dua a a e aya o Jisu, qa sa urabui ina a Pailato. ⁶ Sa dau ona caacaa na gauna ni solevu me sereia vei edra e dua a tamata ai vesu, o oya edra sa digitainia ⁷ Sa notu e dua a tamata a ona yaca o Parapa, dra sa vesu vata e i na so a tamata, e dra sa eu, qa laba ina. ⁸ DRa sa qai lao mai a lewe vuqa qa aya vei Pailato, vele ve edra a a e dau velee no. ⁹ Sa qai vosa o Pailato, qa aya, dou gutia meu serei oya waqe a odra tui a ai Jutia vei emudou? ¹⁰ ni sa ila o oya ni dra sa soli oya waqe o odra a bete levu ni dra sa vuvutai oya. ¹¹ Dra sa qai vauqeti edra a lewe vuqa o odra a bete levu, me serei Parapa ga vei edra o oya. ¹² Sa qai aya leqa ve edra o Pailato, a cava dou gutia meu velee ve eya, dou sa vatoa me odra tui a ai Jutia? ¹³ Dra sa qai qolou leqa, "Dou vaoti oyo." ¹⁴ "Baleta? a cava a aca e velee o oya?" Sa tarogia o Pailato. Dra sa qai qolou vainia valevu i cae, "Vaoti oya ina Kauvelatai!" ¹⁵ Sa qai guita o Pailato me valomare tai ni edra a lewe vuqa, sa qai serei Parapa ve edra, qa soli Jisu waqe, ni sa rubilai ni oya rawa i mada, me vaoti ina Kauvelatai ¹⁶ Dra sa di oya tani o odra a sotia ina yasa ni vale ni turaga, qa vasoqani e dra vata a vei mata sotia taucoo. ¹⁷ Dra sa vasulumi oya na i sulu loaloa, dra sa qai talia e dua ai sala ina vei wa vavotona, qa vaisala tai ni oya ina ¹⁸ Sa qai teivu me dra acivi oya, "Sa lolama, na odra tui a ai Jutia!" ¹⁹ Dua leqa qa dua leqa, dra sa qai warolainia a ona ulu na dua a gasau, dra sa welusia, qa dra tei duru qa varooroo vei oya. ²⁰ Na gauna dra sa valialia tai oya ina, dra sa qai luvatia tavu a ona i sulu loaloa, qa vadarami oya na ona i sulu dina, qa dra di oya waqe me vaoti i na Kauvelatai. ²¹ E dua a ai Kirini, o Saimoni, a tamadru o Alekisada ei Rufo, o oya sa lao tu, ni sa lao no mai vanua, dra sa vasauraratai oya me colatia a ona Kauvelatai. ²² Dra sa qai di Jisu ina vanua o Kolikoca, a ena i balebale , A vanua ni qavoavoa. ²³ Dra sa qai solia ve eya a waini sa veiwai vata ei na mura me somia; qa maqa ni somia o oya. ²⁴ Dra sa qai vaoti oya ina Kauvelatai dra sa qai wase a ona i sulu, qa dra vawirimadigi, me dra dui ila a odra i votavota. ²⁵ Ni sa ena i atolu ni yauwa, dra sa vaoti oya na Kauvelatai. ²⁶ Dra sa qai vola i cae a a sa beitai vei oya A NODRA TUI NA KAI JUTIA. ²⁷ Dra sa qai vaoti edru vata e rua a dou butao ina Kauvelatai, e dua na ona liga i na atau, qa dua na ona liga i mawi. ²⁸ Qa sa vayacori ina i vola tabu, qa aya, sa wili vata ei edra a tamata i valavalaco o oya. ²⁹ O odra sa lao siviti eya, dra sa vosa vacaca tai oya, dra sa uretainia a odra ulu qa aya, "Oe! O io ma basia a vale ni soro, qo rata na tolu ga siga. ³⁰ Siro sobu mai na Kauvelatai, qo vabulai io. ³¹ Na gauna vata ana, o odra a bete levu ei edra a vuni vola dra sa va lialia tai ni eya, qa dra aya, "O oya sa dau vabulai edra a tani," qa maqa ni vabulai oya rowa. ³² me lao sobu mai na Kauvelatai a Karisito a odra tui a Isireli, me mami gavia qa vabauta, o odru leqa ga ma dru vao vata i na Kauvelatai, edru sa valialiai o ya. ³³ Ni sa yaco mai ai a ono ni yauwa Sa qai iloilo a vanua taucoo, qa yaco via ai a ciwa ni yauwa. ³⁴ Ia ina i aciwa ni yauwa a aci na domo levu o Jisu, qa aya, Ilai, Ilai lama sapakicani? a ena i balebale, O qu Alou, O qu Alou o sa dainiyau ina vuu ni cava? ³⁵ E so ve edra edra tu volea ena, ni dra sa rogo, qa dra aya, Igavia, sa acivi Ilaijia o oya. ³⁶ Sa qai ovu e dua a turaga, qa tonia e dua a vutovuto ina wai wiwi, qa viviya ina dua gasau, qa va somi oya, qa aya, dainia mada; me da igavia, e na lao mai o Ilaija me daini eya sobu mai se maqa. ³⁷ Ia ni sa aci o Jisu, ina domo levu, Sa qai mate waqe. ³⁸ Sa asei rua ai lati ni vale ni soro va teivu mai cae qa yaco ira. ³⁹ Ni dra sa igavia a turaga ni valu, o oya sa tu volea ve eya, ni sa aci ga ve ai qa sa mai mate waqe , qa aya, E dina ga sa luve ni Alou a tamata ai. ⁴⁰ E so a yalewa dra sa vai ga tu mai va yawa; e dua ve edra o Meri a yelewa ni makitala, ei Meri a tinadru o Jemesa qa gone vei Josese, o Salomi leqa ga. ⁴¹ edru dau muria, qa qaravia, ni sa dau notu mai Kalili o oya; e i edra leqa ga ai binibini yalewa levu e dra lao vata i Jerusalemi. ⁴² Ni sa taranavi ni siga varauwai, a siga e taravia a siga ni vacecegu. ⁴³ Sa qai lao mai o Josefa, a ai Arimacea, a matanivanua, o oya e dua veedra a mataveilewai, sa warainia a gauna sa yaco ina a matanitu ni Alou, qa sa lao doudou vei Pailato, qa lai ere a yago i Jisu. ⁴⁴ Sa qai Idacala o Pailato ni sa mate o oya; sa qai tarogi i turaga ni valu, qa tarogia se sa mate yawa o oya se maqa? ⁴⁵ Ni sa ila ve eya a turaga ni valu, sa qai solia a ona gau vei Josefa. ⁴⁶ Sa qai volia o oya e dua ai sulu lineni, Sa qai dai ni oya sobu mai, qa ologi oya ina, sa qai lai vaotori ina dua ai bulubulu sa ta i na vatu; sa qai vaqiqiya e dua a vatu in a taari ni bulubulu. ⁴⁷ O Meri a yalewa ni makitala ei Meri a tinai i Josese dru sa igaviya a vanua sa oto ina o Jisu.