¹ Ni sa brutia mai a valenicoro o Jisu, sa aya vei oya e dua a ona tisaipeli, "Ai vavuvuli, miau ioavia mada a leleva ni vatu ei na lagilagi ni veivale ai!" ² Sa qai aya vei o Jisu, "O sa igavia a veivate lelevu ai? Ena ,aqa ni vo leqa i ei eso vatu mo veitaqataqai tu, edra na talatai ira taucoo." ³ Ia ni sa no voli o Jisu mai na Ulunivanua ni Veiolive, qa taudonuya a Valenisoro, edru sa qai taragi oya lo o Pita ei Jemesa, ei Joni, ei Adru qa dru aya. ⁴ "Miau aya mada vei oitou ea yaco bea na a gauna cava ai, a cava a ena ivatailaila ni dra sa varau yaco?" ⁵ Sa aya vei odru o Jisu, "Dou qaraunia me uri ni dua o vacatai emudou. ⁶ E lewe lwevu edra na lao mai qa mai lawatainia a yacaqa qa aya, "Sa au ga o oya!" qa dra na vacalai odra a lewe vuqa. ⁷ Ia ni mudou sa rogoca a veivaluvaluti ei na rogorogo ni valu, dou ua ni idraa; dodonu mo yaco mada a veia ari, ia ca bera ga ai vataotioti. ⁸ Ni dra na veisaqasaqa a veivanua, qa dra na veisaqasaqa a veimatanitu; ena yaco a uneune ina veivanua e vuqa, ena yaco a dausiga; io ai e sa qai vateivu ga ni veia rarawa me tauvata a ona masi a yalewa sa taratara. ⁹ "Ia ai emudai, dou qarauni emudou vare ; nidra na butai emudou waqa ina mataveilewai oco, qa mudou na vanauitai ina ina valenilotu; qa mudou na di ina matadra a kovana, ei odra a tui ena vu'uqu, me ena ivadinadina vei odra. ¹⁰ Ia e dodonu me vunautai i mada ai Tuutuu Re ina veivanua taucoo. ¹¹ Ni dra sa vesu emudou mo dou lewa, dou ua ni leqatainia a'a mudou na aya; Ia mo dou na qa aya a'a taucoo e soli vei emudou ena ti ni gauna ana. Dou na maqa ni vasa oi emudou, ia ena vosa ga a Yalo Tabu. ¹² Edra nadui solia a tamata a tauaadra se tacidra me vamatei qa na solia a luvena a tamana, qa dra na vorati odra a odrai tubutubu o odra a gone, qa dra soli odra medra vamatei. ¹³ Edra na cati emudou a tamata taucoo ni yacaqu. Io o oya ga e vosotia me yacovia ai vataotioti ena vabulai. ¹⁴ "Ia ni dou sa igavia na vasisila e vu ni veivarusai ni sa notu ina tiina tabu me tauvata sa vosa na o Taniela a paofita (me ila o oya sa wilia ai), me dra ulou sara ina veideinna o odra edra notu i Jutia; ¹⁵ me ua ni vaoti gauna leqa o oya sa notu ina dela ni ona vale me lai dia mai ina e dua a'a. ¹⁶ Me au ni lesu o oya sa notu ina vanua ni teitei me lai dia mai a ona isulu. ¹⁷ Sa na dua a gauna ca vei odra a yalewa baeto, ei odra sa vasuou gone no ina gauna ana! ¹⁸ Ia dou masulainia me ua mada ga ni yaco a veia ana ina vula liliwa. ¹⁹ Ni na vadomobula cae sana a a veia rarawa ena yaco ena gauna ana mai na veia sa sotava oti i vuravura, ma teivu mai na gauna ma bulia ina a Alou me yacava ia gauna ai. Ena maqa leqa ni yaco muri edua a'a me vaaina. ²⁰ Evaa qai maqa ni valealeataa a gauna ana a Tungoa, ena maqa ni dua a tamata me vabuiai. Ia sa valedeata a ia gauna ana o oya ena vuudra a ona tamata digitai. ²¹ "Ia evaa e dua sa aya vei emudou, 'Igavia, sa tu avia Mesaia!' sa 'Igavia, o oya ana!' - dou ua diva aipalabautrav, ²² Ni dra na tubu mai a Mesaia vailasu eina parafita vaba, qa varataci mai a vatavata laila ena veia veivauvabutai, ma varacala odra ina a tamata digitai ni Alou, evaa e rawa. ²³ Dau qarauni mudou vare! Ausa aya rawa a veia ai vei emudou ni bera ni yaco mai a ena gauna. ²⁴ "Ia ana gauna ana, ni sa oti a vaia rarawa ari, ena qai vabutabutotai a matanisiga qa na maqa leqa ga ni ala a vula; ²⁵ qa dra ns lulutu mai a veialoalo mai lomalagi, qa dra na vayavaloti a voia kaukawa ni maliwa lala. ²⁶ Edra na qai igavia a Luve ni tamata ni sa lao mai na o ena kaukauwa levu ana derau. ²⁷ Ena qai tala odra waqe a agilosi a oya me soqoni l'odra vata a digitai mai na veimatanicagi e va, ma nai yalayala ei vuravura qa yacova ai yalayala ai lomalagi. ²⁸ Dou vulicia mada e dua a vosa vatautavata baletia a vunilolo: ni sa tubu vou mai a tabana, qa tubu mai a drauna, qa mudou ila ni sa volea a vulai ataata. ²⁹ Me ena leqa ga ina omudou, ni mudou sa igavia a vei a ai, qa mo mudou ila ni sa volea mai o oya, io qa sa tu sara ga i taari. ³⁰ Qa au sa aitainia vaidina veiemudou, mena yaco mada i mada a vei a toucoo ai ni bera ni na qai reva waqe ai tabatamata ai. ³¹ E na reva a lomaloagi ei vuravura ia a oqu vosa ena maqa sara ni reva. ³² Ia e maqa ni dua e ila a siga ana, se ena gauna, e dra maqa ni ila a Agiilosi mai lomalagi, se a Luvena: sa ila duadua ga o Tamaqu. ³³ Mudou qarauni emudou, no vare, mudou yadra ni qa masu; ni mudou sa maqa ni ila ena gauna. ³⁴ Sa tautauvata ena dua a tamata e varau lao no ena dua ai laolao. Sa biutia tu mai a ona vale medra vatawania o odra a ona tamata, qa solia tu a caacaa medra dui qaravia, qa varoti eya e yadravia ino a taari me yadrava no. ³⁵ O oya ai mudou yadra no, ni mudou maqa ni ila a gauna ena yaco mai ina a tauei ni vale, rna taranavi, se ena lomaloma ni bogi, se ena tagi a toa, se ena roaroa; ³⁶ de na lao vasauri mai qa unei emudou ni dou moce lutu tu. ³⁷ A'a au sa aya veiemudou, au sa aya veiodra a tamata taucoo, 'Miau yadra no!"