¹ Sa qai teivu o oya me vavulici edra i na vosa vatautauvata qa aya, "E dua a tamata sa tea e dua a were ni vaini va batainia wevoi elia ai eli ni waini, tara e dua a vale ni yadra sa qai lietainia ve edra e so ai vataiwa ni were sa qai lao waqe i vanua tani. ² Na gauna ni tatamusui sa qai tala e dua a tamata ve edra a i vatawa ni were me dia mai ve edra e so a vua ni vaini mei na were ni vaini. ³ Dra sa qai tauri eya, motulai ni eya qa vatala liga lala waqe. ⁴ Sa qai vatala leqa e dua leqa a tamata cadra dra qai vamavoatainia a ona ulu qa dra velee ve eya ai valavala va madua. ⁵ Qa vatala leqa e dua, ia o oya ai dra sa qai vamate. E lewe re edra e vala ve edra e so ai valavala ve ana, dra motulai qa so e vametei. ⁶ E se vo leqa no e dua mi vatala o oya a ona gone ni toko. O oya a enai otioti me tala ve aya o oya. "E dra no varoorootainia a Luvequ". ⁷ Dra sa qai aya ai vatawa ni were, "O oya ai ena anai tauei, mai muri mai datou vamate e na qai odatou a vanua." ⁸ Dra sa qai vesuia, vamate, dra qa olotai ni eya i dou ni were ni vaini. ⁹ I yana bea a cava ena qai velee o oya a enai tau ei ni were ni vaini? ¹⁰ O maqa bea ni wiliia i nai volatabu? "A vata edra catia a matai ni tara vale a yaco mei vadei i na tutu ni vale. ¹¹ O oya ai e ma vu mai ve eya a Turaga, qa sa ni taleitai ina oda matau." ¹² Oti ai dra sa qai vasaga e dua a soli vu me dra vesui eya ina o odra a Jiu beleta ni ma dra sa ila ni o oya ma aya no a vosa vaibalebale me baleti edra, Ia dra qai rerewai ni edra a lelevu. Dra sa ai biuti eya tu qa dra lao tani waqe. ¹³ Dra sa qa tala e so a Farisi, ia e dra ai toani i Eroti me dra coriti eya i na ona vosa. ¹⁴ Ni dra sa lao mai dra sa qai aya ve eya: "Vavuvuli, e maqa ni dua a a ve io a a edra nanunia a tamata, baleta ni o maqa ni i doai dua. O vavulicia dina a salevu va Alou, E dodonu me da soli vacavacava vei Sisa se maqa? E dodonu me da soli se maqa?" ¹⁵ Ia o Jisu sa ila a odra vivaaisini, qai aya ve edra, "A cava e miau vatovolei au ina? Mudou dia mai e dua pene meu igana mada. ¹⁶ Dra sa qai dia mai e dua vei Jisa sa qai aya ve edra, "A mata i cei se yaca i ai e volai tu ina ai?" Dra sa qai aya "A ci Sisa." ¹⁷ Sa qai aya o Jisa, "Solia vei Sisa a a sa ai Sisa, qa ve eya a Alou a a e ona a Alou, ¹⁸ Dra sa qai lao mai o odra ai toani ai Seloi i dra e aya ni maqa a tu cae leqa mai na mate, qa dra aya ve eya, ¹⁹ "Vavuvali O Mosese e vola ve eda, e mate a taci idua, qa Siutia ti mai a wetina lewa, qa maqa a luvena, me qai tauri eya leqa o tacina me watina qa vatabu awa ina me baleti tacina. ²⁰ E dru le vitu a vitacini, e tauri eya a lewa a enai matai qa maqa a luvena, ²¹ Qa tauri eya leqa a enai arua maqa a luvena qa mate, ve ana ga leqa a enai a tolu. ²² Qa ,ate ga leqa a enai a vitu qa maqa a luvena, Sa qai mate i muri o oya a lewa. ²³ Ni dru sa tu cae mai i mate, e na wati i cei ve edru? Ni me dra vawatitai ni eya taucoo a le vitu" ²⁴ Sa qai aya o Jisu, :Maqa ni o oya ai a enai nai, o mudou calatia baletia ni mudou maqa ni ila vosa ni Alou se kaukauwa ni Alou? ²⁵ Ni dra sa tu cae leqa mai na mate, e dra na maqa ni vawati se soli me dra vawati, ia edra na tautauvata a agilosi i lomalagi. ²⁶ Ia me baleti edra a tucae leqa mai o na mate, mudou maqa ni wiliia i nai vola i Mosese, i na a ma yaco i na vuniacu, a ona vasa a Alou ve eya. "O aya a Alou i Eparama ei na Alou i Aisake ei na Alou i Jecope?" ²⁷ O oya e maqa ni Alou odra a mate, ia o odra sa bula. O oya ana emudou cala no ina." ²⁸ Lao mai e dua a vunivola qa rogo a odra vitalanoa e igavia ni saumia vadodonu ve edra. Sa qai tarogi eya, "Ai vunau cava e bibi duadua ve edra taucoo?" ²⁹ Saumia o Jisu, "O oya e bibi duadua ai, ""Rogo Isireli, a Turaga a oda Alou, a Turaga e dua bauga. ³⁰ E dodoui mo lomania a Turaga a omu Alou i na omu yalo taucoo, ina lomamu taucoo, i na omu nanuma taucoo ei na omu kaukauwa taucoo. ³¹ Ai ania ni vunau ai, "E dodonu mo lomania a weamu me tautauvata omu lomani io. E maqa leqa ni dua ai vunau me levu cae mai ve edru ai." ³² Sa qai aya a vuni vola. "Totoa, vavuvuli! E donu vare a a o aya, ni dua qa a Alou, qa maqa leqa ni dua edru le rua aya. ³³ Me da lomani eya i na lomada taucoo ei na oda ila a taucoo ei na oda kaukauwa taucoco qa me da lomania a weada me tautauvata ei eda e levu cae mai i na soro kama se vacabei soro." ³⁴ Ni sa igavia o Jisu ni vuu a ona i sau ni tarom qa aya o oya ve eya, "O io sa maqa ni yawa mai na matanitu ni Alou." Ni eti ana, e maqa leqa ni dua e mata tarogi Jisu i na dua leqa a taro. ³⁵ Na gauna sa vivavulici ni ina o Jisu i na rara ni vale ni soro, sa qai aya, "A cava vuna e aya ina a vuni vola ni a Karisito a luvei Tevita? ³⁶ O Tevita vatai eya i na Yalo Tabum e aya "A Turaga ma aya a oqu Turaga, "No i na oqu i tutuna i matau, meu biuti edra i na qeteqete ni omu la. ³⁷ O Tevita mada ga e aya ve eya "Turaga," me qai luvei Tevita vacava a Karisito? Dra taleitainia velevu a varorogo ve eya a lala levu ana. ³⁸ I nai vavuvuli ana sa qai aya o Jisu, "Miau qarauni edra a vuni vola, e dra gutia me dra lao tu i nai sulu balavu, qa idavai i na vanua ni vivolo, ³⁹ qa no i nai nono ni qase i vale ni lotu ei na i nonovaturaga i na ana magiti. ⁴⁰ Dra ocovia a odra i yau a yada qa dra dau masu babalavu me dra igavia a tamata. O odra mataqali ai edra na civeti valeti cae. ⁴¹ Sa qai no o Jisu me donuya a ato ni lavo, e vaigavi edra no a tamata dra mai soli no i na taga ni, laoo. E levu a vutuniayu e solia ai lavo lelevu. ⁴² Sa qai lao mai e dua a yada dravudravua qa mai solia e rua a lalai sara, e rautia ni rua a pene. ⁴³ Sa qa tarogi edru a tisaipeli qa aya ve edru, "E dina au sa aya ve emudou, o oya a yada dravudravua ai e levu duadua a a e solia mo i re edra edra taucoo ma soli i na taga lavo. ⁴⁴ Baletia ni o odra coo ari e dra soli tu mai na dela ni o dra a e bini tu. Ia a yada ai, mai na dela ni o na dravudravua, e solia ai lavo taucooe dodonu me bula ina.