¹ Ia ni dru sa lao mai i Jeruselemi, dru sa volea pecifaki ei pecavi i na aluni vanua ni vi olive, sa qai tala o Jisu e le rua a ona tisaipeli ² qa aya ve edru, " Mudru lao i na oro e vasai eda. Na gauna mudru sa curu ina, mu dru na ugavia e dua a yasa e sa bere vadua ni vodoi. Sereia qa mudru dia mai vei au. ³ E dua e aya ve emudrua, "A cava mudru velee ina a a ai? Mudru qai aya ve eya, "Sa yaga ve eya a Turaga, ena qai taki eya sara mai ei" ⁴ Dru se lao waqe a dru igavia a yasa ni ve su tu i na curucuru i tuba i na salevu, dru sa qai sereia. ⁵ E edra ma tu ina qa dra tarogi edru, "A cava mudru velee mudru serua ina a yasa? ⁶ Dru sa aya ve edra a a ma aya ve edru o Jisu, Dra sa qai biuti ledra me dru lao waqe. ⁷ Dru sa qai dia mai a yasa vei Jisu qa tevuia ina a odru i sulu, sa qei vodo ina o Jisu. ⁸ E levu edra sa tevuia a odra i sulu i na salevu, qa so edra musuia a bani a cu qa viutia i salevu. ⁹ o odra sa matai ei e dra sa muri e dra tarovainia no Osana! Sa aloutgata o oya sa lao mai i na yaca ni Turaga! ¹⁰ sa alougata a matanitu oi Tevita a oda qase o oya sa yaco mai osana i cae sara! ¹¹ Sa qai caru o Jisu, Jeruselemi qa cuvu i na vale ni sovo vaigavia wavoi a a teucoo. sa bere no a gauna, sa qai lao waqe i Pecani vata ei edru a le tiniarua. ¹² Na siga tarava ni dru sa lao tani mai Pecani, qa sa mata ana. ¹³ E iga tu ga waqe e dua a vu ni ldo e coai drauna tu, ru sa lao me lai igavia qa maqa ni une rawa e dua a ena vua, a ena drau wale ga, ne sa bere a gauna e dodonu me vua ina: ¹⁴ Sa qa aya ina "E na maqa leqa ni dua ena ania a vuamu." E dru rogo vare a tisaipeli. ¹⁵ Ni dru sa lao mai i Jerulesemi, sa qai curu i na vale ni soro qa caravuti edra i tuba a volivolitai ei edra a dau vovoli i na vale ni soro. E vuicia a odra teveli a dau visau i lavo vata a odrai nono a dau velitai rave. ¹⁶ E maqe leqa ni vatara me dua leqa e dia e dua a a e rawa ui volitai i loma ni vale ni soro. ¹⁷ Sa vulici edra qa aya, "E maqa li ni volai. "A oqu vale e aitai me vale ni masu odra matanitu taucoo sa? Ia dou sa velee me odra qare a dau butao." ¹⁸ Ni dra sa rogo o dra a vuni vola e edra a bete levu a ona vosa, dra sa qai vasaga e dua a salevu me dra vamatei eya ina. Ni dra sa rere baleta ni o odra taucoo ana e dra sa rui urabuitainia a ona i vavuvuli. ¹⁹ Ni sa taranavi dru sa qai viutia a oro ana. ²⁰ Ni dru sa lao no waqe ni roaroa, dru sa igavia a vunilolo ni sa walola waqe yaco ina ena waa, sa qai nanumia o Pita, qa aya, "vavuvuli, igavia a vuinilolo o ma civotia sa walolo waqw." ²¹ Sa qai aya ve edra o Jisu, "Vabautia a Alou." ^{22 23} "E dina au sa aya ve emudou e dua e aya i na luluvivancia ai,'Mo cavu tani qa lai biu i waidui," ia e maqa ni vatitiqa mai na ona yalo qa vabautia ni na yaco a a e aya, i ana a a ena velee a Alou. ^{26 24} O ana au sa aya ina ve emudou, a taucoo o mae ulainia ei na a o ere no, vabautia ni o sa ciqomia, e na qai omudou ga. ²⁵ Ni o sa tu mo masu, e dua a a o tao tu ina vei dua leqa vosoti eya, me rawa ina ve eya a Tamamu sa no tu mai lomalagi me vosoti io mai na omu cala taucoo ga. ²⁷ Ni dru lao leqa mai Jereselemi, na gauna e lao no ina o Jisu i na vali ni so ro, dra sa qai lao mai ve eya o odra a bete levu, a vuni vela ei edra a qese. ²⁸ Dra sa qai aya ve eya, "A kaukauwa cava o velee ina a a taucoo ai, qa o cei. e solia ve io a kaukauwa velee ina a a coo ai?" ²⁹ Sa qai aya ve edra o Jisu, "Au na tarogi emiau ina dua a taro. Aya mai vei au au na qai aya ve emiau se kaukauwa cava au velee ina a a ai. ³⁰ A papitaiso i Joni - e vu mai na tamata se vu mai lomalagi? Do sau mia mai." ³¹ Dra sa qai vivosai vai edra qa dra vi leti qa dra aya, "Eda aya mai lomalagi," E na qai aya, ' I a a cava mudou maqa ni vabauti eya ina? ³² Ia e da aya, "Mai na tamata," Qa dra rereva i ni edra a tamata ni se va asama sa parofita dina o Joni. ³³ Dra sa qai voca qa aya vei Jisu. "O, mami maqa ni ila" Sa qai aya ve e dra o Jisu, "Au na maqa leqa ca ni tovelee ve e mudou se kaukauwa cava au velee ina a a ai.