¹ Ma sa qai tarogi edra a ona tisaipeli edru lewe tini a rua, me dra soqoni vata mai, qa solia vei era a lewa ei na kaukauwa me ra utia tani a tevoro qa ra va bulai edra a tauvimate. ² Sa qai va'a talai edra waqe me ra vunautainia a matanitu ni Alou qa ra vei va bulai. ³ Sa qai aya vei edra, dou na ni dia a emudou i vaqa se omudou u yaya, sei lavo se omudou i sulu. ⁴ A vale ga dou sa cuni ina, dou no tu ga ina me yaco vi aa gauna dou sa lesu mai ina. ⁵ E va'a edra maqa ni vadonui emudou, dou luvata a omuoou i vava qo dou va' re'urea tani ina mei tu'uni yalo ni dra maqa ni talei tai emudou. ⁶ Sa dra qai biubiu qa gole ena vei oro me ra vunau tainia a vosa ni Alou, qa dra vei va bulai leqa ga ina. ⁷ Ni sa rogocia o Eroti a Tui sa i droa va levu ni dra yay eso ni sa tuca'e leqa mai na mate o Joni. ⁸ Qa so e ra aya ni sa unei leqa ga o Ilaiga, qa so leqa, edra aya ni sa tu cae leqa e so a Parofita sara mai mada. ⁹ Sa qai aya o Eroti. O au ga a tamusua a ului Joni. O cei bea ai au rogocia leqa ina ai tu'utu'u ai A sa Mata unei oya i na ana mata. ¹⁰ Ia ni dra sa lesu mai a Apisitolo edra sa qai tovola vei oya a vei a tauco'o ga sa vele. Sa qai di edra va ti'i ti'i na dua a vanua lala volea i Peciseita. ¹¹ Ia o edra a lewe vuqa ni dra sa ila. edra sa qai muri oya. Sa qai vunau tainia vei edra a matanitu ni Alolu, qa va bulai edra a tamata. ¹² Ni sa lai dromu a siga, qa dru sa lao mai vei oya o odru a lewe tini a rua qa dru aya vei oya. Me dra sa va talai o edra e so na vei oro lalai ei na vei oro va volivoliti edra, me dra lai moce, qa dra ana ina baleti ni da no tu voli na vanua lala. ¹³ Sa qai aya vei edra Dou va'a ni edra. E dratou sa qai aya e maqa a magiti vei eitou. E lima waleja ai buli madrai qa rua a Ia, e no tu ai ena maqa ni vei rauti ve'i eda. ¹⁴ A edra lewe levu e rauta bea ni lima a udolu a tagane. Sa qai aya o o'oya me ra no tu va ya lima suga nilu. ¹⁵ E dra sa qai no va ya llima saguvulu qa ra no tu. ¹⁶ Sa qai tauria mai a lima ai buli modrai qa rua a Ia, Sa qai tacae i lomalagi qa masu lai nia qa dovia qa solia vei edra a ona tisaipeli me dra veiwase ya ina waqw vei edra a tamata. ¹⁷ E dra sa qai ana tauco'o ga edra sa sinai, sa tomi tomi i leqa a ena vo sa tini 'a rua leqa ai su a ena vo. ¹⁸ Sa qai no ece no o oya, vata ti edru a ona tisaipeli, sa qai tarogi edru A cava bea era aya a tamata me baleti au? ¹⁹ E dra sa qai aya o Joni a Dau veipapitaiso qa so e a ya ni o Ilaija, qa so leqa edra a ya! Sa tu cae leqa bea mai e dua a parofita? ²⁰ Ia dou sa aya omuou o cei o au> Sa qai aya o Pita o miau a Karisito a Alou levu. ²¹ Sa qai tovola o oya me dra ua ni tovola leqa vei dua ai tu'utu'u. ²² Sa qai aya vei edra. E sa dodonu ga me vosota o oya a Luve ni tamata e vuqa a dredre, me dra biuti oya leqa ga o edra a qase, ei edra a vunivola me va matei o oya qa va turi leqa na i a tolu ni siga. ²³ Sa qai aya vei edra. E dua vei emudou sa mata muri au, me ua ni muria a lomana, me colata ga a ona kauveilatai qa muri au. ²⁴ O oya yadua e retia me marovo,a ona bula ena va leva na qa o oya ena va leva na ena vu'uqu ena maroroya. ²⁵ Qa cava a ena Yaga vei oya tamata me rawati vuravura tauco'o qa na reva a ona bula va ai oya ga se sa biu tani? ²⁶ Ia qa o oya yadua ena madua tai au vata oqu vosa ena madua tai oya a Luve ni tamata ni na lao mai na ona i tivu yara ei na i sera'u i tamana ei na i serau ni Agilosi Yalo savasava. ²⁷ Ia au sa aya va i dina vei emudou sa tu ga ei eso, edra na maqa mada ni mate edra na une rawa mada a matanitu a Alou. ²⁸ Sa oti a vosa ai, sa qai di Pita ei Joni ei Jemesa o oya, qa lao cae ni ulunivanua ni masu. ²⁹ Ia ni sa masu no, sa matalia a ona mata, a sa vulavula qa lumilumisa a ana i sulu. ³⁰ Qa une e rua tamata edru sa veivosaino o Mosese ei Ilaija. ³¹ E dru sa rairai mai na i wu'uw'u qa dru veivosai tainia no a ona mate ena ca'a va mai Jeruisalemi. ³² Sa qai bi ai edru mai o Pita e dua mata moce levu, ni dru sa yadra mai edru sa une a ona i wu'u wu'u ei na rua a tamata edru no tu vata. ³³ Ni dru sa lao tani no mai vei, sa qai vosa o Jisu vei o Pita, o Miau a turaga sa a re a odatou no tu ei, me datou tara e tolu a vale va cevaceva, e dua me omiau, dua me oi Mosese, qa dua me oi Ilaiji, ni ma maqa ni vaisaima tainia a vei a e tovola. ³⁴ Ni qai vosa no ve ai sa qai dua o sa lao mai, qa mai va rurugi edru, qa dru sa rere ni curu ena o. ³⁵ Sa qai rogo mai e dua vosa mai na o, qa aya, mai "I ai a oqu Gone ni toko au sa dau lemania," dou rogoci oya. ³⁶ Sa oti a vosa, sa qai unei duadua ga mai o Jisu, e dru sa qai vuni tainia, qa dru maqa ni aya vei oya e dua a edratoi une. ³⁷ Na ena roaroa tarava ni dratou sa lao sobu mai na ulunivanua, edra lewe levu sara edra mai ta'a vai edru. ³⁸ Qai une sa dua vei edru sa Aci mai va'avuvuli au masuti mo mai une mada a luvequ tagane ni dua voliga a luvequ tagane. ³⁹ E dua a Yalo tani e airunu oya, qa nuni ela ela voli ina qai bita raini ea, e vuso sara ina a ona gusu, qa dredre ni lao tani mai vei oya. ⁴⁰ Au va masuti edru a omu tisaipeli qa dou maqa rawa ni utia tani. ⁴¹ Sa qai aya vei edru o Jisu "Ai tabu tamata sa maqa ni va'abauta qa yalo va'atani a cava a betena a cegu no tu vata ei emudou qa vosoti emudou, dou dia mai vei au a gone. ⁴² Ni sa lao no mai, sa va balea a tovero qa vadavora ira sa vunauca a yalo velavel O Jisu, qa vabula a gone qa solia leqa vei edru a tamana. ⁴³ E dra sa urabu tauco'o ga na kaukauwa ni Alou. Ni dra, se urabui tainia no ga vei a e vele'e a turaga, sa qai vosa vei edra a ona tisaipeli. ⁴⁴ Me lutu i na daligamudou a vosa ai Ni na soli waqe a Luve ni Tamata i na odra liga a tama. ⁴⁵ E dra sa maqa sara ga ni ila ai balebale dina i vosa e aya vei edra ni sa mui vei edra me ra ila, qa ra sa rere leqa ga ni tarogi oya. ⁴⁶ Sa qai tubu vei edra a veileti se o cei vei edra me uasivi cae. ⁴⁷ Ni sa unei edra o Jisu, sa dia e dua gone lailai qa va duria e na edra maliwa. ⁴⁸ Sa qai aya vei edra o oya sa retia a gone ai ena vu'u ni oqu yaca sa reti au, o oya sa reti au sa reti oya sa talai au mai, ni sa nasivi sara o oya qa lailai sara omudou. ⁴⁹ Sa qai vosa o Joni "O miau a turaga eitai sa une eso era utia a tevoro ina yacami au, qa tou tarovia ni maqa ni muri no mai vei edatou. ⁵⁰ Ua ni tarovia, ni sa odatou ito o oya, e maqa ni odatou meca. ⁵¹ Ni sa yaco dina a gauna sa di cae ina o oya sa va une matua me igu cae i Jeruisalemi. ⁵² Sa tula waqe eso me dra matai no waqe vei ea, edra sa lao qa ra curu ina dua oro lailai mai Samaria me dra varautainu a ena. ⁵³ Edra sa maqa ni vacegu oya ena vulu ni sa iga no ga i Jeruisalemi. ⁵⁴ Ni sa une o odru a ona tisaipeli o Jemesa ei Joni edru sa qai aya "Turaga o miau sa guta me ou aya me lutu sobu mai lomalagi a bua waqa me va'a mai edra. ⁵⁵ Sa qai vui vei edra qa aya. O mu dru sa maqa ni ila ai valavala ni yalomudrua. ⁵⁶ Ni sa maqa ni lao mai a Luve ni Tamata me va matei edra, me vabula ga, sa qai lao leqa na dua oro lailai. ⁵⁷ Ni dra sa lao tu sa gaunisala sa dua sa vosa mai "O miau a turaga au na muri emi au no gu i na vei vanua omi au na lao ina. ⁵⁸ Sa qai aya vei edra o Jisu "Sa vaqara a farisiti, sa va'a i roro a manumanu vua ia a luve ni tamata sa maqa a vanua me va o toro ina a uluna. ⁵⁹ Sa qai aya viro o oya vei dua "Muri au qai aya waqe o oya omiau a Turaga mi au soli au mada meu lai buluta a yagoi tamaqu. ⁶⁰ Sa qai aya vei oya o Jisu "Bita a mate me dra buluta, o io mo lai vunau tainia a vosa ni Alou. ⁶¹ E dua viro sa aya mai omiau a Turaga au na muri emi au " mo biuti au ga meu lai tatau mai neitou. ⁶² Sa qai aya o Jisu "E maqa ni dua a tamata e tauria a Siviyara qai iga no i muri me yaga ina matanitu ni Alou.