¹ Sa oti a vei a ai, sa qai digitai a Alou e dra lewe vitusagavulu lea a tamata me ra lao tau ya rua me ra matai no, vei oya na vei oro lelevu ei na vei ti ina sa mata lao leqa ga ina o oya. ² Sa qai aya vei edra "Sa va lewe dina a were, ia a tamata ca'aca'a e lailai no. O oya ana mo dai qai masuti oya a tau ei ni were me va'a talai edra mai a tamata ca'aca'a. ³ Dai lau, nomudau lao'la'o, dou une! Au sa va talai emudou me tauta u va ta alami na em udou maliwa. ⁴ Dou ua ni dia a taga ni lavo, se omudou i sato ni sulu, se i vava, qo mudou ua leqa ga ni vei idavai ei dua dou sotavia i gaunisala. ⁵ I na vei vale tau co'o dou curu ina, matai dai cavuta rawa a vosa ni vei va cegui! ⁶ E va'a sa no tu ina o ya dau veivacegui. A omudou va cegu ena no tu vata ei oya. ⁷ Dou no tu ga na vale ana, dou ana qo dai gunu via a vei a tau co'o ga edru va rautainia. ⁸ I na vei oro lelevu dou curumia ni dai sa ciqomi ina dai ania a vei a tau co'o edra varautainia. ⁹ Dou va bulai edra leqa ga a tauvimate edra no to ina, dai qai aya vei edra "Ni sa volea mai a matanitu ni Alou. ¹⁰ E va la dai sa curu na, vei oro lelevu qa dai maqa ni ciqomi, dai lao na vei to lo ni sala "Eitou sa ce bu rai nia leqa a somo e abiti eitai mai na omudou vanua, e i tou sa ceburai nia leqa vei emudou. Mo dou qai i la leqa ga "ni sa volea mai a matanitu ni Alou. ¹¹ E na leqa ga ina a uru ni soso e abitia leqa ga a oitou la, Eitou sa ceburai nia leqa ga waqe veiemudoui. Ia mo mudou ila lega ga: A matanitu ni Alou sa volea sara mai. ¹² Au sa aya va i dina vei emudou ni ra yaco mai a siga ni lewa ena va rerevai va lailai a veia e yaco mai toma Sotoma, qa levu sara na oro ari. ¹³ E na ca vei io Koreseni, E na ca lega ga vei io peuseita. E va 'a sa ca'a mai Saitoni a ca'a ca'a mana ma ca'a vei emudrua, edru sa veimtuni ma'a wa ga dru sa to sobu rai sulu taga se dravusa. ¹⁴ E na ca valai lai o Saitoni ei Taia na gauna ni vei lewai, qa o emudrua na ca va levu sara. ¹⁵ Qa o io leqa ga Kapenaumi o sa laveti cae i Lomalagi? O na biu rai sobu i Etesi. ¹⁶ O edra sa varorogo vei Io, edra na va rorogo vei au, O dra na beci io, era na beci au leqa ga, o edra beci au edra sa beci oya e talai au mai." ¹⁷ Sa dra sqai lesu mai na marau o edra lewe vitu sagavulu qa dra aya. "Turaga eitou sa va'adruai edra leqa ga a tevoro ena vu'u ni yacami au. ¹⁸ Sa, qai aya vei edra o Jisu "Au a unei Setani ni sa lutu mai Lomalagi me tautauvata a tibi ni livaliva. ¹⁹ Dou une "Au sa solia vei emudou a Kaukauwa, mo dai butu raina a vei ulu ni gata loa, ei na ulu basaga, qa mo dou rawai edra Kaukauwa tau co'o ga ni meca, ni na maqa sara ni dua me vacaca ni emudou. ²⁰ Mo dai ua ni marau na vei a ai, ni ra na qai va yaco a vei emudou a yalo ca mo dou qai rei "valevu ga ni sal volai a omudou yaca mai Lomalagi." ²¹ I na gauna vata ga ari, sa marau ina o Jisu ena yalona. "Au sa va vinavina'a vei emiau Tamaqu, O mi au a Turaga ei Lomalagi vata ei vuravura. Ni mi au sa vunitainia a vei a ai vei edra a vu'u. ei a yalomatua qo mi au sa va raitainia ga vei edra a gone. Sa vei ai ga! Tamaqu ni sa are ga i matami au me ve ana. ²² Sa solia mai vei au o Tamaqu a vei a tauco'o ga; qa maqa leqa ni dua e ila, e maqa mada ga o Tuvena a Tamaqu duadua ga. ²³ Sa vui vei edra a ona Tisaipeli qa ayalo "Sa Alougata a mata e une a vei a dou sa une" ²⁴ Niu sa aya vei emudou edra lewe levu a Parofita vata ei edra Tui edra mata une a vei a o omudou sa une qa dra maqa ni une rawa, me ra rogo leqa ga a vei a dou sa rogo qa dra maqa ni une. ²⁵ Dou une sa dua a vuni vunau sa tu ca e qa va tovolei oya "Va vuvuli A cava meu vele'e meu rawata ina a bula tawamudu? ²⁶ Sa qai aya vei edra A cava sa volai tu na i vunau? Qa cava o sa wili ia? ²⁷ Sa qai aya o aya "Mo lomaui Jiova na lomamu tauco'o vata ei a yalomu tauco'o vata ei na omu Kaukauwa tauco'o ei na omu nanuma tauco'o vata ei edra a lewe vu omu vuvale me tautauvata ga ei io. ²⁸ Ni o sa vosa va dodonu, mo vele'e sara mo bula ina. ²⁹ Sa qai mata vado nui oya! qa tarogi Jisu o cei a ai oqu? ³⁰ Sa qai aya vei ea o Jisu Ei dua tamata su lao sabu mai Jeruisalemi i Jeriko sa sia botei edni a daubutao qa dra luvatia a ona i sulu qa dra va mavoa tou oya qa dra biuti oya ece tu ena, qa dra lao, sa qai volea ni mate. ³¹ Sa lao mai e dua a bete, qa lao vati i ti'i tani. v ³² Sa ena leqa ga ina e dua Livai, sa unei oya qa lao va ti i ti i leqa ga. ³³ Sa qai lao, mai e dua a ai Samaria Sa une sa lomana sara ga. ³⁴ Sa lao mai vele'e a ona mavoa, va savasava tainia livia ina waiwai vata ei a waini, qa va vodoa na ona manumanu qa dia ina bure ni valagi me lai maroroi oya ina. ³⁵ Ni sa roaroa na siga tarava, sa qai tari e rua a pone, qa lai solia vei oya a tau ei ni bure! Mo qai unei oya no. E dua leqa a vei a o Sauma mo uria i na a omu vei qaravi, qai mai tovola vei au meu qai Sauma lesu leqa vei to niu sa lesu mai. ³⁶ mo qai tovola mai vei au "Se o cei vei edra ai lewe tolu ai sa ai vata ei oya ma siabotei edra a dau butao? ³⁷ Sa aya o ea! O oya ga sa lomana" mo qai lao qo lai vele'e leqa ga me tautauvata ana. ³⁸ Ni dra sa qai lao voli waqe sa curu sara o oya i na dua oro lai'lai. Sa qai di oya e dua a ena marama a yacava O Marica. ³⁹ E dua leqa ga a tauna a ona yaca O Meri, sa dabe leqa ga ina Yavai Jisu qa ragoca a ona vosa. ⁴⁰ O Mari ch sa veidra ai valevu a lomana ni sa vavarau voli va lem: Qa mai aya "O miau a Turaga o miau wele voli ga qo mi au biuti. Taciqu meu va rau duadua voliga o au? Aya mada vei ea me vai vuei au. ⁴¹ Sa qai vui vei ea O Jisu qa aya Marica! Marica! o sa loma Ocaoca na levu ni vei a o va nanuma! ⁴² E sa digitai nia o Meri a vei a e yaga a i votavota re o oya ena maqa ni di tani mai vei oya.