¹ Ma yaco, ni sa oti, sa qai lao voli i muri na vei oro tauco'o ga ei na ena vei oro lalai tauco'o ga me munau, qa tovola voli ai tu'u tu'u re ni matanitu ni Alou e edru a lewe tini a rua. ² Vata ei edru a yalewa, edru sa va'abulai oti mai na odra yalo ca ma curumi edra vili vata malumalumu; O Meri ma va'atoai a yalewa ni mai tala sa lao tani oti vei oya e vitu a Tevoro. ³ O Joana a wati kusa a Matanivanua oi Eroti, ei Susana, vata ei edra leqa e lewe levu edra qaravi oya na odra i yau. ⁴ E dra lewe levu sara edra qaravi oya edra lao mai na vei oro oro, sa qai vosatainia vei edra a veivosa va tautauvata. ⁵ Sa dua dau abu abu rai, sa lai aburaina a ona i tei ni sila, ni ma sa abu abu rai voli, sa lutu eso i na tutu ni sala, qa na sa butu raina sobu dra sa qai mai ania a manumanu vu'a ⁶ Ma so edra lutu na vatu, ni sa tubu ca'e sa ra ragosa tauco'o ga ni maqa ni bau suasua. ⁷ E so leqa ma ra tubu cae na so a vei wa va votona, qa ra tubu leqa mai a vei wa va votona qa ra ruguti oya. ⁸ Ma lutu eso na vei vanua re, sa tubu cae qa vua taina e levu a vuana. Sa vosa oti o oya. Sa qai aci vaina o oya "O oya sa vadaligana me rogoca qa varogo cia sara. ⁹ Sa qai tarogi oya o edra a ona tisapeli, se cava bea ai balebale ni vosa ai. ¹⁰ Sa qai aya o ea sa soli vei emudou mo dou ila a vei a vuni ni matanitu ni Alou. ia sa odra ga a tani a visa va tautauvata ga, me dra une, qa maqa ni une rawa qa rogo qa ra maqa ni ila. ¹¹ Ia sa vei au ga a vosa ni Alou a sila ¹² Ia o edra tu na vei yasa ni sala edra rogocia qa ra vawale tainia, e lao mai a tevoro, qa tauria taru mai na yalodra a vosa ni Alou de dra na qai vadinata qa bula ina. ¹³ Ia o edra tautauvata a vatu, sai edra edra rogo qa vabautia e na re i , ia qa maqa a wa'adra edra va dina tia ga va lailai ia ni yaco ga mai a veitemai qa' ra bale tauco'o ga. ¹⁴ Ia o oya e lutu na vei wa va votona, edra sa rogo qa ra lao voli waqe, edra sa va ruguti ena loma ocaoca ei na yau ni vuravura ai, ei na marau ni bula ai, qa ra maqa ni vua dina. ¹⁵ Ia na vanua re, sa va'a ga ei edra ga edra yalo dina no, edra rogo a vosa qa ra tauria sara i na vuni yalodra qa ra vua no ena veigauna tauco'o ga ¹⁶ Sa maqa ni dua tamata me tulu va i na a cina qai ubia na tu'u ni davo davo ena biu ga na ena i tutu me ra une a rarama o edra edra curu ina. ¹⁷ Ni maqa ni dua a e vunitai me na maqa ni lasia cae ena va rai tai ga. ¹⁸ O oya mo dou qai qarauni emudou na omudou rogoca, e va'a e no tu vei dua tamata ena qai soli vei oya, qa e va'a e maqa ni dua a e no tu vei oya, ena qai di tani mai vei oya a vei a e no tu vei oya. ¹⁹ Sa oti sa qau lao mai vei tinana vata ei edru a tacina, ni sa maqa ni tawa ni dru toso waqe vei oya na levu ni tamata. ²⁰ Sa ra qai vosa mai vei oya o odra e so, sa no tu i tuba ai o Tinamu, ei edru a tacimu edru mata unei io. ²¹ Sa qai vui vei edra qa aya, "A tinagu ei na tauqu o edrea sa rogocia a vosa ni Alou qa ra vele'e. ²² Sa yaco na dua siga sa vodo ia e dua a waqa, qa aya vei edra me dru lao i na yasa ni drano a dua. ²³ Ni dra sa vodo no sa qai liwa mai e dua a cagi sa volea sara ga ni va matei edra. ²⁴ Edra sa qai mai va yadrati oya. "Omiaua Turaga eda sa voea ni mate" Sa qai tucae o oya qa vunauca a cagi ei na wai sa qai mai maravu tu waqe. ²⁵ Sa qai tarogi edru "Sai vei a omudou vabauta, Edra sa rere tauco'o ga qa ra urabui qa dra veivosai ga va'ai edra. O cei bea ai e va rorogo tu vei oya a cagi ei na ua edru, sa talai rawarawa gu vei oya. ²⁶ E dra sa qai yaco waqe i katara sa donu mai ni Kalili. ²⁷ Ni sa yaco waqi i vanua qai dru sota sara ei dua tamata mai na oro, Sa no tu voli vei oya a tevoro na dua gauna balavu sara, sa maqa vadua ni rawa ni va i sulu se tio na ona vale sa dau no tu ga na i bulubulu. ²⁸ Ia ni sa unei Jisu, sa qoqolou, qa cura sobu vei oya qa a civa ina i na domona sara ga i cae "A cava vei edaru i Jisu a Luve ni Alou cecere sara? Au sa ere ere mo ua ni va rarawa tai au. ²⁹ Ni sa aya oti o o ya vei oya a yalo velavela me lao tani vei oya a tamata, edra sa qai vesui oya na Sinucodo, me tarai oya ina sa qai biuti oya a tevoro qa lao ina veiau. ³⁰ Sa qi tarogi oya o Jisu, "O cei bea a yacamu? Sa qai aya o oya. "A oqu yaca o Varaosa . Ni ma sa levu sara a tevero ma ra curumi oya tu. ³¹ E dra sa qai vamasuti oya me ua ni uti edra tani. ³² Sa dua lala vua'a levu ma ra ana ana voli na baba ni vanua ana. Edra sa qai vamasuti oya me curumi edra. Sa qai laivi edra o o oya. ³³ E dra sa qai biuta a tamata, qa ra curumi edra ai lala vu'a a. ³⁴ Ia ni dra qai une o edra va ana vua'a edra sa domobula qa dra ubui na oro. ³⁵ E dra sa qai lao waqe a tamata me une a vei a e yaco, sa lao tani a tevoro, qa sa cuva sobu e na la i Jisu. ³⁶ O edra sa une, edra sa vei tovoli tainia a vei a dau bula voli ina, i mada. ³⁷ Sa na qai va masuti oya a lewe ni vanua mai katara medra lao tani mai vei edra ni sa yaco vei edra a rere levu sa qai todo leqa na waqa qa lesu. ³⁸ Ia o oya tamata ma no tu vei oya a Fevoro sa vamasuti oya me dru no tu vata ga sa qai talai oya o Jisu me lao tani. ³⁹ Mo lesu leqa nomu vale qo lai tovola a vei a tauco'o sa vele'e vei io a Alou. Sa qai lao o oya qa tovola vei edra a vei a tauco'o ga sa vele'e vei oya o Jisu. ^{42 40} Ia ni sa lesu leqa o Jisu, sa qai va'a cegu oya kecega a tamata ni dra sa warai oya. ⁴¹ Sa qai lao mai e dua a tamata a ona yaca o Siairo, sa vamasuti oya me dru lao na ona vale. ⁴³ Ma qai no to vili ina e dua manama turi dra balavu, sa va lusia a onai yau vei edra vuniwai na vaqara bula, edra sa qai drigiti oya tauco'o ga a lewe vuqa. ⁴⁴ Sa qai lao mai da una qa tari a bele ni onai Sulu, sa qai tao va'a sauri a davedave ni dra. ⁴⁵ Sa qai vaila o Jisu. Ni dua e tari oya sa qai tarogi edra. E dra sa va maqamaqa tauco'o ga, sa qai aya o Pita edra sa lewe sara edra no tu, qo tarogia no ga o cei e tarai io. ⁴⁶ Sa qai aya o Jisu, "Au va ila ni dua e tani au, Au e reva e dua kaukauwa levu vei au. ⁴⁷ Sa ila o oya yalewa sa maqa ni vumitai oya sa lao mai qa sauta ni nini qa cuva sobu qa tovola vei edra a ona bula vabi sauri ni sa tari a ble e ni ona i sulu. ⁴⁸ Sa, qai aya o oya vei Yalewa "Mo lao ena va'acegu sa vaabulai io a omu va'abauta. ⁴⁹ Ni se va macala no ga o Jisu, Sa lao mai vei oya e dua a i va'avuvuli "A cava o vele'e no a luvemu yalewa sa mate mo ua ni mai va'a o cai oya a va'a vuvuli. ⁵⁰ Sa qai rogo o Jisu, qa tovola vei ea' Ua ni yalo luilai va'adinata ga ni na va'abulai va'a i dina. ⁵¹ Sa qai curu i lana ni vale qa sogo tubu tainia a ta'a ri qa a civi Pita, Jemesa ei Joni vata ei edru ai tubutubu a gone yalewa. ⁵² E dra sa veitagica i, a lewe levu ma dra no tu ina sa qai aya vei edra "Dou ua ni tagi ni maqa ni mate o oya e moce ga. ⁵³ E dra sa qai dredre vai oya ni dra ila no ni sa matre o oya. ⁵⁴ Ia sa qai tauria a ona liga qa tarogi o ya o io a gone mo duri cael. ⁵⁵ Sa qai lesu leqa mai vei oya a ona Yalo qa aya vei oya me ana. ⁵⁶ E dru sa urabui a ona i tubutubu, sa qao aya vei edru, me dru ua ni aya vei oya a vei a ma vele vei oya.