¹ Ia ni sa v'aotia o'ona vosa tau co'o ga ni dra sa rogo no a lewe levu, sa qai curu o be i Kapenaumi. ² Ia e dua turaga ni valu, e tauvimate edua ona tamata, sa dau lomania o'oa, ma sa volea ni mate ³ Ia ni sa roga ai tu'u tu'u ei Jisu, sa tala vei o'a eso a qase ni Jutia, me vamasutia o'a me la'o mai me mai vubula ma a o'na tamata ⁴ Ia ni dra sa aco vei Jisu, edra vamasuti o'a valevu, qa a'a. Sa yaga o o'a mo vele'e ina a'a ai. ⁵ Ni sa lomania ona matanitu, ma tara o o'a wei mami vale ni lotu. ⁶ Sa qai la'o vei edra o Jisu, Ia ni sa volea i vale o o'a, Sa tala eso a weana a turaga ni valu, me dra a'a vei o'a, Emiau a Turaga. U'a ni va ocai io. Ni'u sa maqa ni a'ga mo cuvu ina oqu vale ⁷ Au sa maqa leqaga ni nanumi au, meu yaga meu lao vei io: Ia a mo cavutia a vosa. e na bula ina oqu tamata. ⁸ Ni'u sa turaga lailai o a'u, Au sa lewa eso a Sotia: Au sa a'a vei o'a ai, Mo la'o waqe, qa sa lalo waqe: vei oya e dua tam; Mo la'o mai, Sa la'o mai, a'a vei o'a a oqu tamata Mo ila ai, qa sa vele'e. ⁹ Ni sa rogo o Jisu a'a ve ai o Jisu. Sa ura bui tai o'a ni sa vui vei edra lewe levu ma muvi o'a qa a'a. Au sa a'a vei emudou, Au sa maqa ni une vei Isireli dua va bauta ve ai. ¹⁰ Ia ni sa lesu leqa i vale o'odra ma talai, edra sa une a tamata ma tau-vi mate ni sa bula re. ¹¹ E na roaroa, sa lao o da na dua oro a ena yaca o Neini, qo odru leqa sa ona tisaipeli vata ei edra lewe levu ma la'e vata ei o'a, ¹² Ni sa lao vo lea mai na matamata ni o'ro, igavia, o'a tagane ma mate sa colati a i naibili, e duaga a luvei o'a tinani gone ana, e yada o o'a. ¹³ Ia ni sa igavi o 'a Turaga, sa lomania, Ua nio tagi. ¹⁴ Sa la'o o o'a, qa tari a tamata edra sa tavadua o'odra ma cola no. Sa a'a o o'a. O io gonetagane, au sa a'a vei ia. Tu cae. ¹⁵ Sa tuca'e a tamata mate, qa sa teivu me vosa. Sa so lia o'oa vei tinana. ¹⁶ Radra sa rere o odra tauco'o, qa dra sa varo'o ro'o tainia a Alou. Aaa'a, sa qai tubu ca'e vei eda e dua Parofita levu; Sa la'o mai a Alou vei odra ona tamata. ¹⁷ Ia a ena i rogorogo ai sa rogo i Jutia tauco'o ei na yasana tau co'o ga o volea. ¹⁸ Sa varai tainia vei Joni a'a tauco'o go o'odra ona tisaipeli ¹⁹ Sa tarogia evua ona tisaipeli o Joni, qa tolai odru vei Jisu, Me ala, o emiau bea o ola e lao mai. Se warai ni dua leqa. ²⁰ Ia ni dru sa aco vei ola, dru sa a'a, sa talai erua mai vei io o Joni dau vei papi taisotai, me a'a, o emi au bea o o'a e talai mai, Se mami warainia e dua leqa. ²¹ Ia ena ti'ini siga ana edra sa lewe levu e vabu la mai na mate ena rarawa, mai vei edra aloca. Se le levu leqa ga edra mata bobo sa lewa o o'a medra iga rawa. ²² Sa sqai vosa o Jisu, qa a'a vei edru, mudru lalo. Vei Joni aa mudru lai aya a'a mudru sa igavia ei na'a mudur sa rogo; nidra sa aga mata bo'o, Sa rogo a didi, Sa la'o a loi loi, sa vasavasava tai a vuavua. Sa va tu ca'e tai a mate. Sa vunau tai a tu'u tu'u re vei odra dravudravua. ²³ Sa Alou gata o o'a ena maqa ni caqe ena vu'uqu. ²⁴ Ia ni dru sa la'o leqa o odru ma tala mai o Joni, Sa a'a o ola vei edra lewe levu a'a baleti Joni. A cava dou lao ina ivei coco me mudou iga via? a gasau li i e a valati na cagi? ²⁵ Ia acava mudou la'o via me mudou igavia? a tamata sa vai Sulu lili na i Sa lu malumalumu. Igavia, o odra sa vai Sulu vaiu'u u'u, qa dau ana vave, edra sa notu na vale rere. ²⁶ Ia a cava mudou laotainia me dudou i gavia? a Parofita? lo, au sa a'a vei emudou e dua sa uasivia a Parofita. ²⁷ Sa o'a a volai veai, igavia, au sa tala waqe a oqu talatala me veiliutai vei io, ena Savatia o o'a a omu Salu ena omu mata. ²⁸ Niv sa a'a vei eriudou, vei edra sa sucu mai a yalewa Sa maqa a Parofita sa are cae vei Joni a dauveipapitaiso tai: ia o o'a sa lailai sara e na matanitu ni Alou sa are vei o'a. ²⁹ Ia o odra tauco'oga a tamata edra rogo cia, e i edra sa dau umuna ai vacavava, edra vadinadina vei o'a Alou, qa ni dra sa papitaisotai ena papitaiso i Joni. ³⁰ Ia o edra a Farisi ei edra leqaga a vu-ni-vunau, edra sa catia a'a sa naitia a Alou e na vu'udra, edra sa maqa ni Kapitaiso tai vei o'a. ³¹ A sa a'a a Turaga, a cava meu vatautau vatatai edra ina a tamata e nai tabatamata ai? Se ra tautauvata bea ei na cava? ³² Edra sa tautavata ei edra a gone sa notu e na vauna ni veivoli, qa veitaroyai, qa a'a eitou sa uvia bitu ve emudou, qa dou a maqa ni me'e: ei tou a tagi vei emudou, qa dou a maqa ni tagi tuga. ³³ Sa la'o mai o Joni a dau veipapitaiso qa dau maqa ni ana madrai se dau somi waini, ia dou se a'a, sa notu vei o'a e dua tevoro. ³⁴ Sa la'o mai edua luve ni tamata, a sa ana qa somi, ia dou sa a'a, igavia, a tamata dau ana qa qa dausomi waini, o odrai tau era umunia ai vacavava ei na tamata i valavala ca! ³⁵ Ia sa vadonua a vu'u o odra tauco'o ga a luvena. ³⁶ A sa erei o'a edua a Farisi me ana vata aya. A sa curu ina vale ni Farisi o'oa, qa no sobu me ana. ³⁷ Qa igavia, sa dua a yalewa valava ca, ni sa ila sa notu o oya ina vale ni Farisi me ana, Sa dia mai e dua a tavaya alapasita sa tawa enai lumi. ³⁸ a sa tu mai na ona tau ina ona la, qa tagi, sa vua a onala ena wa ni ona mata, a sa quatia ena drau ni ona ulu, a sa abotia ona la, qa lumitia enai lumi. ³⁹ Ia ni sa igavia Farisi sqa sureti o'a. Sa nanumia ga e lomana, qa veana, eva'a Sa Parofita o o'a ai, sa ila yalewa ai sa tauri o'a, ei na ona i valavala leqaga; ni sa yalewai valavala ca. ⁴⁰ A vosa o Jisu, qa a'a vei o'a I samoni. Sa dua a a'u mata tarogia vei io: sa a'a o va. vavuvuli, mo a'a ga mai. ⁴¹ Sa dua a turaga, sa lewe rua a tamata sa dinau vei o'a: e dua, sa lima drau a pere a ona dinau: e dua leqa, sa limasagavulu. ⁴² Ia ni sa maqa a'a medru saumia ina, Sa Sereia walega vei edru ruarua. Mo a'a mada mai se o cei vei edru ena lomani o'a valevu. ⁴³ Sa vosa o Saimoni, qa a'a. Au sa va'asama, o o'a sa levu cae a'a sa Serei vei oa. A sa aya vei o'a o o'a, o sa lewa va dodonu. ⁴⁴ A sa vui vei o'a a yalewa o o'a, qa a'a ve Saimoni, o sa iga via a yalea ai? Au sa cuvu ina omu vale, qa maqa wai mo solia me sava ina oqu la: ia sa savatia oqu la ena wai ni ona mata, e qusia e na drau ni ona ulu. ⁴⁵ o sa maqa ni aboti au: ia o o'a ai sa maqa ni cegu ona yabotia no a oqu la niu notu no ei. ⁴⁶ qo maqa ni lumitia a oqu ulu ena i lumi ia o o'a ai sa lumitia oqu la enai lumi. ⁴⁷ O o'a ai au sa a'a vei io, A onai valavala ca sa levu, sa bo'oci ; a sa loloma valevu ina o o'a: ia o oa sa lailaiga a ona a sa bo'oci, sa loloma valailai. ⁴⁸ Sa qai a'a vei o'a lewa o o'a, sa bo'oci a omu i valavalaca. ⁴⁹ ia o odra edra sa notu vata aya me ana, edra sa a'a vai edra, O dei ai sa bo'ocia leqaga ai valavala ca? ⁵⁰ A sa a'a o o'a vei o'a lewa sa vabulai io a omu vabauta; mo la'o ena vacegu.