¹ E ma yaco na dua siga ni va cecegu, ni lao voli waqe ena du alaga ni sila, ga ra dodoa odra liga a ena tisaipeli na sila qa ra qili raina na odra liga qa ra ania. ² Qa na sa vosa mai eso a Farisi me ra a ya vei erda. A cava dou vele'e ina a vei a e maqa ni tara mo dou vele'e ena siga ni va'a cecegu. ³ Sa qai saumia vei edra o Jisu qa aya vei edra E maqa bea ni dau a wili ia a vei a vele'e o Tevita ni ma sa mata ana o oya vata ei edra a muri oya voli. ⁴ Ni ma curu o oya na vale ni Alou qa tauria a madrai dua "Unei" qa solia vei edra a muri oya voli. O Oya ana ma maqa ni va tarai me ra ania a tamata tani, e va tarai no ga vei edra a bete. ⁵ Sa qai aya vei edra o oya "Sa Turaga Leqa ga ni Siga ni va cecega a Luve ni Tamata." ⁶ Dua leqa suga ni vacecegu, sa curu leqa waqe na dua a siga ni va cecegu me curu na vale ni Lotu me vamuli, ma qa no tu ina e dua tamata e malai a ona liga i matau. ⁷ E dra sa qai va unei oya o odra vunivola ei edra a Farisi. Se na vele'e a veivabulai na siga ni va cecegu se maqa? ⁸ Ia o oya sa ila a odra nanuma a tamata, qa aya vei oya, tamata e malai no a ligana. Tu cae tu va a dodonu n aedra maliwa. Sa qai tu cae tu va'adodonu na edra maliwa. ⁹ Sa qai tarogi edra o Jisu. E tara bea me ca'a a are na siga ni va'a cecegu se a ca, me ia a vei va bulai se vei va matei. ¹⁰ Sa qai va unei edra tauco'o ga o oya, sa qai aya vei oya a tamata Dodo ia mai a omu liga sa qai dodo ia mai a ona liga sa qai tautauvata ruarua a ona liga. ¹¹ Ma dra sa qai civo tauco'o ga, qa ra yavosai va ai edra ga se cava me vele vei Jisu. ¹² E na gauna a na sa qai cabe cae na ulunivanua me masu. Sa qai masu tio vei oya a Alou me siga sara a vanua. ¹³ Ni ma sa qai siga mai a vanua, sa qai tarogi edra a a ona tisaipeli, o yama sa digi tainia oti e tini a rua sa, qai acivi edra me ra i Apositolo. ¹⁴ O Saimoni sa va yacania o oya vei Pita O Adriu a tacina, o Jemesa ei Joni, o Filipi ei Pacolomia, ¹⁵ o Maciu ei Tomasi, o Jemesa a luvei Alifio, ei Samisoni e va'a toai o oya a gumatua, ¹⁶ O Jutasa a taci Jemesa ei Jutasa Isikarioti o oya ma soli oya waqe. ¹⁷ Sa qai lao sobu vata ei edra qa tu na buca e dra sa lewe levu sara a o na tisaipeli ei, edra era lewe levu sara mai Jutia tauco'o ei Jeruisalemi ei na baravi ei ta ia ei Saitoni e dra sa va'abulai leqa ga mai na odra mate. ¹⁸ E a edra leqa ga e na vacacani edra a yato velavela edra sa va bulai leqa ga. ¹⁹ E dra sa qai va tovolei oya tauco'o ga a me dra tarai oya ni sa no tu voli vei oya a kaukauna mana qa va bulai edra leqa ga. ²⁰ Sa qai iga cae vei edra a ona tisaipeli qa aya. Dai sa Alougata a Dravudravua ni sa omuda a matanitu ni Alou. ²¹ Dou sa Alougata a emudou sa mata ana ni na, ni o dau sa va'amaumautai. Sa Alougalta leqa ga a emudou a dau tagi ni dou na qai dredre. ²² Dou sa Alougata ni dai a cati emudou oi edra a tamata ni dra va'atabui emudou qa ra, varogorogoa ca tai a omudou yaca ena vu'u na a Luve ni tamata. ²³ Mo muou rei na omudai marau, Dou na qai une ni sa levu a ena i sau veiemuda.. Mai lomalagi ni ra sa dau vele'e e edra a qase vei edra a Parofita. ²⁴ Ia omudou a vutuni, yau da na sotava a cai ni o dau sa qai nawatia a gamudou va'acegu. ²⁵ O mudou leqa ga sa sinai tu, ni mudai na qai dromu leqa, omudou leqa ga sa marau dou na qai rorowa qa mudou tagi. ²⁶ O dou na ca ni dra sa vosa tai emudou a tamata tauco'o ga, ni dra sa dau vele'e leqa ga o edra a omudou qase mai mada vei edra a odra Parofita. ²⁷ Ia, au sa aya veiemudou sa rogocia Dou lomani edra a omudou meca, qa dou ca'a re no vei edra sa cati emudou. ²⁸ Dou vosa va re vei edra e dra cati emudou, qa mu dou masu lai edra sa va lialiai, emudou. ²⁹ Qa e va'a e dua e sa ba i ya a balumu i mawi, gole leqa vei oya a omu matau me sabai ya, qa mo ua ni bureitainia vei oya e dia a omu kote. ³⁰ Mo dau sotia vei edra tauco'o ga sa mai rere ere vei io; qo ua leqa ni tarogia a ena i sau. ³¹ Dai vele'e vei edra a vei ae'tauco'o ga edra retia. ³² E va'a dou sa lomani edra sa lomani emudou, o cei leqa me va vinavina'a tai emuodu ia mo dai qai ila o edra a tamata i valavala ca edra sa dau lomani edra edra sa dau lomani edra. ³³ Qa e va'a dai ca'a re no ga edra ca'a re veiemudou, o cei leqa me na va'a vinavina a veiemudou? Ni dra sa vele'e leqa ga o edra a tamata i valavala ca. ³⁴ Qa e va'a dou sa nanumia me soli ga vei edra o dou va'a nuinui voli ina nmo dou rawatia leqa mai ina a omudou, ni sa dau veana leqa ga o edra a i valavala ca me rawatia leqa mai ina a ca. ³⁵ Dou dau lomani edra a omudou meca qa dou ca'a re vei edra, ni dou sa nanumia me ua teqa ni saumi veiemdou e dua a ca, ena levu ina a ena i sau vei emudou dou na qa va'atoai me luvei oya sa cecere sara, ni sa dau Loma Soli o oya vei edra maqa ni dau va'a vinavina'a qa tamata ca. ³⁶ O oya nio dou qai Ylo loloma me ena ga ni sa dau Ylo loloma a Tanamudou. ³⁷ Dou ua ni dau lelewa ni dou na qai lewai dou ua ni dau veibeitai, dou na qai maqa ni be itai, dou ua ni dau avoti edra dou na qai maqa ni civoti. ³⁸ Mo mudai dau soli ena qai soli vei emuda, ai va'anau re, tabou sobu ena qai ureitai vata qa vuabale. Edra na dau solia a tamata i na lomaseremudou. Ia qa i va'a rau ga ou na varacitainia e na qai varautai leqa vei emudou. ³⁹ Sa qai tarogi edra na dua vosa va tautauvata! E rawa bea me dua matabobo me na dia leqa voli e dua matabobo, edru na maqa bea ni lutu ruarua ga na i eli. ⁴⁰ E maqa leqa ni dua a tisaipeli me uasivi cae vei oya a ona i va'avuvuli ia, o oya yadua ni sa yaco me a're cae me, dru qai tautauvata ei oya a o na i va'a vuvuli. ⁴¹ Ia qa e na i vei E va'a o sa une a malamala mai na mata ni weamul qo maqa mada ni nanumia a acu e no tu nomu mata. ⁴² Qo na aya va'cava vei oya a weamu weaqu! mai meu leuta tani a a cu mai na matamu, qo maqa mada ni une a acu e tu i matamu. Dau vei va'a i sini mo leutia tani mada a Anu mai na matamu: O sa na qai rawa ni cavuta tani mai a malamala mai na mata ni weamu. ⁴³ Ni maqa ni dua acu. Ca, me vuatainia a acu re, se acu re me vuatainia a acu ca! ⁴⁴ Sa dau ilai tani ga a acu na vuana E maqa ni beti mai a lolo na vei wa va votona, se beti mai a vaini mai na co godrogadro. ⁴⁵ A tamata re sa dau dia mai a vua re, na lololo re. Ia a tamata ca sa dau dia mai a lololo ca ni lomana. Sa dau vosatai nia ga mai a oda gusu a vei a e oso valevu i na lomada. ⁴⁶ Qa e na i vei E dau sa Acivi au na. Turaga, qa mudou maqa ni vele'e a vei a au aya. ⁴⁷ E oya yadua sa lao mai vei au, qa rogocia a oqu vosa qa vele'e Au na va'ataila vei emudou a tamata edru tautauvata aya. ⁴⁸ O oya sa tautauvata ei oya a tamata sa tara a ona vale, sa elia va titobu a qana i na sosomo, qa tara a ona vale na dela ni vatu. Ni sa lao mai a dave a waluvu, e maqa ni yavalata rawa a vale ni yavu tai tu na dela ni vatu. ⁴⁹ Ia qa o oya e rogocia qa maqa ni vele'e sa tautauvata ga ei oya e tara a ona vale ena dela ni sosomo e maqa ena yavu sa yavalata va levu a dobui qa bale sara, ia sa a levu sara a ena bale.