¹ Ai ni sa drigiti oya o odra a tamata me dra rogoca a vosa ni Alou, sa tu o oya ina bati ni drano mai Kenisareti, ² Sa qei une o oya e rua a boto sa no ka tu ina drano. Edru sa la'o tani ina a gone dau, ga Savatia no a lawa. ³ Sa mani vodoa e dua ve edru a Waqa o Jisu, o oya a Waga i Saimoni, qa aya ve'ea me tosoya leqa waqe a boto ina vanua titobu. Sa qai dabe sobu o Kisu ina loma ni boto qa vatavulici odra a lewe levu. ⁴ Ni sa tinia a ona vosa, sa qai aya vei Saimoni, "Tosoya leqa waqe a boto ina wai titobu, qa dou vasobura a omudou lawa me rawa e so a Ia. ⁵ Sa qai aya ve'ea o Saimoni, "Turaga, ei tou a Sasaga voli ina bogi tauco'o me yacovia a ro'aro'a qa se maqa ga ni dua a e rewa! Ina vu'u ga ni omiau vosa, au sa na vasobura ina a lawa." ⁶ Edru sa qai va sobura ina a lawa qa sa levu sara a ia edu qoliva rawa mai; qa sa volea sara ni abote a odru lawa. ⁷ Edru sa qai yalovi edru a odru i to'ani ina waqa a dua me dru lai vu'ei edru. Edru sa la'o mai qa va sinaitia a waqa ruarua me yacovia ni dru sa volea ni luvu. ⁸ Ni sa iga via o Saimoni Pita a a ai, sa qai teiduru ina mata i Jisu, qa aya, Turaga, mo miau la'o tani vei au! o au ai a tamata i i valavala ca!" ⁹ Ni sa urabui o oya ei edru tauco'o edru no tu vata aya, ina vu'u ni qela ni la vai tamera edru sa rawatia. ¹⁰ Sa tauvata leqa ga ina vei Jemesa ei Joni, o odru a luve i Sepeti, qa dru i to'ani i Saimoni. Sa qai aya vei Saimoni o Jisu, "Ua ni rere, baleta me teivu ai o sa na dau qolivi odra a tamata." ¹¹ Ni dru sa dia rawa ga a boto ruarua i vanua, edru sa biutia sara a a taucdo go qa muri oya. ¹² Ina dua a gauna sa noto voli o Jisu ina dua a oro; sa notu leqa ga i ene e dua a tamata e robo tia tu a ona gau a vu'a vu'a. Ni sa unei Jisu o oya, sa qai cuva vatoboicu qa masuti oya, qa aya, "Turaga a miau sa gutia, sa rawa mo miau vasavasavatai au'." ¹³ Sa qai dodoia a ligana o Jisu qa tari oya, qa aya, "Au sa gutia! Mo savasava mai!" Sa mani reva sara mai ve'ea a vu'a vu'a. ¹⁴ Sa qai varota ve'ea o oya me ua ni aya. Vei dua, "Mo la'i varaitai io ga ve'ea a bete, qa vacabora a omu i soro mo vasavasavatai ina me tauvata e varota o Mosese, mei vadinadina ve edra a tamata." ¹⁵ E sa qai rogovai valevu sara ina a enai rogorogo, qa dra le levu sara edra soqo vata ve'ea me dra varogoi oya qa vabulai leqa ga mai na edra mate. ¹⁶ Sa dau la'o o oya ina vanua lala qa masu ina. ¹⁷ Ina dua a Siga ni a vatavuvuli, no o oya, edra qa a dabe leqa no ga ina eso a Farisi eina qase ni vuli ni lawa, qa dra cavutu mai na vei oro tauco'o mai Kalili ei Jutia ei Jerusalemi. Qa sa tu ve'ea a Kaukauwa ni Turaga me veivabulai ina. ¹⁸ Edru sa qai la'o waqe eso a tamata, qa dru colata no waqe a enai mocemoce e dua a tamata tauvi paralasi. Edru a saga medru di aga sara i loma, qa vaotoni ina mata i Jisu. ¹⁹ Edru a maqa ni qai igavia rawa e dua a sala i loma ina vu'u ni le levu ni tamata. Edru sa qai di oya ca'e ina dela ni vale, qa qai valutumia sobu ina vamalua a tauvimate eina ona i mocemoce , qa taucia ena mata i Jisu. ²⁰ Ni sa igavia a odru vabauta o Jisu, sa qai aya ve'ea "Na we'aqu sa bo'oci a omu i valavalaca." ²¹ Edra a reivu vaqaqa i lomadra o odra a dauni lawa ei odra a Farisi qa dra aya, ' o cei e mai vasa vacacana no ai a Alou? E maqa leqa ni dua e rawa ni bo'ocia a i valavala ca, a Alou duadua ga!" ²² Ni sa ila o Jisu a odra vanananu, Sa qai Saumia, qa aya ve edra, "A cava o miau vaqaqa no ina e lomam'au a a ai? ²³ E vei e rawarawa ea'e, me aitai, "Sa bo'oci a omui valavala ca," se me aitai, 'Tuca'e qa la'o'? ²⁴ Mo miau ila rawa ina ni sa tu a Kaukauwa ve'ea a Luve ni tamata i vuravura me bo'oca a i valavala ca, Sa qai aya o oya ve'ea a tauvi paralasi, "Au sa aya vei io, tuca'e tauria a omu i mocemoce qa la'o i nomu dou." ²⁵ E ma tauca'e sara o oya i matadra, qa tauria a a ma davo no ina, qa la'o sara i na ona vale, qa valagilagia no a Alou. ²⁶ Edra sa qoroqoro tauco'oga, qa dra valagilagia a Alou; qa sa curumi odra leqa ga a rere qa dra aya, "Sa veivaurabuitai dina a a eda igavia ni ua!" ²⁷ Ni oti ana, sa qai la'o sara o Jisu qa igavia e dua a dauumunia "ai vacavacava, a yacana o Livai. Ma dabe no o oya ina vale ni Kumuni i vacavacava, qa sa aya ve'ea o Jisu, "Muri au mai!" ²⁸ Sa qai tuca'e o Livai, qa bitia a ona vi'a tauco'o ga qa muri oya. ²⁹ Sa qai vele'e e dua a magiti levu o Livai ina ona vale, qa dra le levu a dau umuni i vacavacava ei odra leqa eso edra notu ina me dra ana, ³⁰ Edra sa qai vosa duru udrutai edru a tisaipeli o odra a Farisi ei odra a odra daunilawa, qa dra aya, "A cava dou sa ana qa unu vata ina ei odra a dau umuni i vacavacava ei odra a tamata i valavala ca?" ³¹ Sa qai sauma o Jisu sqa aya vei odra, "Sa maqa ni yaga a vuniwai vei odra a bula re, vei odra ga edra tauvimate. ³² Au sa maqa ni la'o mai meu aqivi odra a tamata do'ai me dra veivutuni, ia vei odra ga sa bilirai sobu a odra bula." ³³ Edra sa qai aya vei Jisu eso a tamata, "Edra dau lolo qa masu valevu o odra a tisaipeli i Joni, eina odra tisaipeli leqa ga a Farisi, io a omiau edra dau ana ga qa somi?" ³⁴ Sa qai aya o Jisu ve edra, "E rawa li mo dau lewa me dra lolo a we'a ni tagane vou ena gauna e no voli ina ei edra a tagane vou? ³⁵ Ena yaco mai a gauna ena di tani ina mai ve edra a tagane vou, edra na qai lolo ina gauna ana." ³⁶ Sa qai aya leqa ve edra e dua a vosa vatau tauvata. "E maqa ni dua e dresu ia mai e dua a ti ina mai na i sulu vou me mai botania ina e dua a i sulu madra; e vele va'a ina, ina adresu warega a a vou, qa na maqa ni dru sota a ti i na vou eina a maawa. ³⁷ E meqa leqa ga ni dua me vatalo ca a waini vou ina bola ni waini maawa; ena e sa vele'e, ena vaacabotetainia a bola ni waini vou, qa na tasove a waini, qa na vacacana leqa ga a ena bola uli-ni-manumanu. ³⁸ Sa dodonu ga me vataloci a waini vou ina bola ni waini vou. ³⁹ Sa maqa ni dua a tamata qa sa gunuva oti a waini maawa me qai gutia leqa a waini vou. Sa aya o oya, "Sa are ca'e ve edru a waini maawa."