¹ Ni sa Sinai o Jisu, ena Yalo Tabu, ni sa lesu leqa mai na uciwai o Joritani, qa sa di oya a Yalo Tabu ina loma ni veicoco, ² ina vanua sa veretai oya ina a tevoro ina loma ni 40 a Siga. E maga ni bau ania e dua a a ina Veisiga ana o oya, sa qai mata ana ni sa oti a Vila tauco'o ana. ³ Sa qai aya Ve'ea a tevoro, "E o sa luve ni Alou dina, mo aya mada me vui a vatu ai mei buli madrai." ⁴ Sa qai aya ve'ea o Jisu, "Ni sa volai, sa maqa ni bula tamata ina madrai duadua ga." ⁵ Sa qai di oya ca'e a tevoro ina dua a Vanua cecere qa Varaitainia ve'ea a vi matanitu tauco'o ga a vuravura ina duavata ga a tili ni gauna. ⁶ Sa qai aya ve'ea a tevoro, "Au na Solia vei io a lewa ni a tauco'o ga ai ei na edra lagilagi tauco'o, ni dra sa soli otu tu vei au, au rawa ni solia ve edra yadua sa lomaqu meu solia ina ⁷ Ena omu, a vi'a taucuo ai e o na cuva qa varo'oro'o vei au." ⁸ Sa qai aya o Jisu qa Sauma ve'ea "Ni sa volai, mo varo'oro'o ve'ea a Turaga a omu Alou, qa qaravi oya duadua ga." ⁹ Sa qai di oya i Jerusalemi a tevoro qa biti oya ina taba ni Valenisoro i ca'e sara, qa aya ve'ea, "E o sa luve ni Alou, mo viritaini io sobu mai ei. ¹⁰ Ni sa volai, "Ena varoti odra a ona agilosi o oya ena vu'umu me dra maroroi. io,' ¹¹ qa, dra na laveti io cale ina odra liqa, me ua ni tavutu ina vatu a yavamu." ¹² Sa qai saumia o Jisu, qa aya ve'ea, "Sa aitai, 'mo ua ni vatovolea a Turaga a omu Alou." ¹³ Ni sa vorotia a tevoro a ona vatovolei Jisu, sa qai biti oya me yacovia e dua leqa a gauna mai muri. ¹⁴ Sa qai lesu leqa o Jisu ena kaukauwa ni Yalo Tabu i Kalili, sa qai rogovai a ena i rogorogo ina vanua tauco'o sa va volivolitia. ¹⁵ Sa qai teivu me vatavuvuli no ina odra veivale ni lotu qa dra sa do'ai oya o odra taucolo ga. ¹⁶ Sa la'o mai o oya i Nasareci, ina vanua ma Susugi ina, qa me tauvata a onai valavala, sa curu ina vale ni lotu ina Siga ni vacecegu ga sa tu ca'e me wili vola. ¹⁷ Sa soli ve'ea ai vola i Aisea a Parofita. Ni sa dolavia a i vola sa igavia a ti'ina sa volai ina, ¹⁸ Sa notu vei au a Yalo i Jiova, Ni sa lumuti au o oya meu Vunautainia ai tu'utu'u re ve edra edra sa dravudravua. Meu vunautainia a serei ve edra a bobula, eina iga leqa ve edra edra sa matabobo, me vagalalataini odra edra sa mavoa, ¹⁹ me vunautai a yabai re i Jiova." ²⁰ Sa qai viviga ca'e ai vola, qa solia leqa ve'ea e dau maroroya, qa dabe sobu. Qa sa coba vadua ve'ea a matadra tauco'o edra notu ina valeni lotu. ²¹ Sa qai aya ve'edra o oya, "Edaidai sa vayacori ina a ti'i ni Vola Tabo ai o miau sa rogoca." ²² Edra ma Vacaucautai oya tauco'o qa dra urabuitainia a vosa re e basia mai na ona gusu, qa dra aya, "E maqa be'a ni o oya ai a luvei Josefa?" ²³ Sa qai aya ve edra o oya, "Io o miau na cavaudia ina vei au ai vosavosa ai, 'Vuniwai, mo vabu lai io mada. A vi'a tauco'o eimami sa rogoca nio dau ca'ava mai Kapenaumi, ca'ava leqa ga ina omu vanua ai." ²⁴ Sa aya leqa ga o oya, "E dina au sa aya ve emudou, sa maqa ni dua a parofita sa sigomi ina ona oro. ²⁵ Io meu aya vadodonu sara vei emiau edra le levu tu a yada i Isireli ena gauna i Ilaijia, ni ma sogo tu a lomalagi me maqa ina ni tau a uca ina tolu a yabai qa ono a vula, qa ma dausiga valevu a vanua tauco'o. ²⁶ Sa maqa ni talai o Ilaijia vei dua ve'edra, i ve'ea ga e dua a yada mai Sarifaci ina yasayasa vaka Saitoni. ²⁷ Sa le levu leqa ga a vu'avu'a e Isireli ina gauna i Ilaisa a parofita, ma maqa ni dua ve edra ma vasavasavatai o Nemani ga a ai Siria." ²⁸ Io o odra tauco'o ga ena vale ni lotu nidra ma sa rogoca a a ai edra sa civo valevu sara. ²⁹ Edra sa tu ca'e, qa biligi oya ina ibili ni oro, qa dra sa dia ina bati ni ulu-ni-vanua sa tara tu ina a odra oro, medra biligi oya ina bara ni savu. ³⁰ Ma sa la'o o oya ina edra maliwa qa la'o tani waqe. ³¹ Sa qai la'o sobu i Kapenaumi o oya, a oro mai Kaleli, qa sa teivu me vatavuvuli ve edra ina Siga tabu. ³² Edra sa urabui sara ina ona i vavuvuli, ni sa vosa o oya ina kaukauwa vai oya. ³³ Sa notu ina vale ni lotu e dua a tamata, sa curumi oya a yalo ni dua a tevoro velavela, qa sa qoqolou ina domo levu, ³⁴ "oilei! a cava ve eda, i Jisu na kai Nasareci? au sa ilai io a ona Le Dua Yalo savasava a Alou!" ³⁵ Sa qai vunauca a tevoro o Jisu qa aya, "Mo ua ni vosa! sqa la'o tani mai ve'ea!" ³⁶ Edra sa urabui a tamata tauco'o ga, edra sa veivosai vai edra ³⁷ E sa rogovai waqe a enai rogorogo ina vei yasana tauco'a ga ni vanua sa vavolivolita. ³⁸ Sa qai la'o tani mai na vale ni lotu o oya qa curu ina vale i Saimoni. Sa tauvi oya a tinani wati i Saimoni e dua a ataata levu. edra sa masuri oya ina vu'una. ³⁹ Qa sa tu ina ona ru'u o oya, qa varota a ataota: ga sa reva ve ea; Sa qai tucae sara o oya ga garavi odru. ⁴⁰ I N dromu no a siga, o odra tauco'o ga sa tauvi mate na odra ina mate eso, edra sa di odra ivei oya: qa sa tabai odra yadua o oya ina ona liga, qa vabulai odra. ⁴¹ Ia edra sa le levu sa la'o tani maivei odra eso a tevoro, ni dra sa ela ela no, qa aya, "o io a Farisito a Luve ni Alou." Qa sa Vunauci odra o oya, qa maqa ni bitia me dra vosa, ni dra sa ila ni sa Karisito o oya. ⁴² Ina siga sa la'o tani ina o oya, qa la'o ina dua na yasana lala. Qa ara sa vaigavi oya o odra a tamata, qa dra sa la'o mai ve'ea, qa tarovi oya me ua ni la'o tani ve edra. ⁴³ Qa sa aya ve edra o oya, "sa dodonu me'u lao me'u aya ai tu'utu'u re ni matanitu ni alo'u, ina vei oro tani leqa ga, ni sa a ai au sa talai mai ina." ⁴⁴ Sa qai dauvunau o oya ina veivale ni lotu mai Kaleli.