¹ Ia e nai atinialima ni yabai sa tui ina o Tiperiu Sisa, qa sa kavana mai Jutia o Ponitio Pailato, ma sa Turaga mai Kalili o Eroti sa turaga mai Ituria ei na vanua o Tirakonita o Filipi a tacina, sa turaga mai Apilini o Lisania. ² Ni sa bete levu o Anasa ei Kaiafa, sa qai yaco a vosa ni Alou vei Joni a luvei Sakaraia e loma ni vanua. ³ A sa lao mai o oya ina veiyasana taicoo sa volea ina Joritani a sa vunautainia a odra papitaiso dra sa veivutuni me booci ai valavala ca. ⁴ Me tauvata ga ni sa volai, na volai Aisea a profita ni sa aya, "A domo ni dua aciaci e loma ni vanua dou caramainia a sala i Jiova, velee me dodonu a ona salatu. ⁵ ena vacecetai a buca taucoo ga, qa ni valolovira tai a ulu-ni-vanua ei na vanua cecere taucoo; Qa na vadodonu tai a vanua sa veve, sa valogaloga re tai a vanua sukusukura. ⁶ Ena gavia leqa ga a vu ni bula mai vei oya a Alou a tamata taucoo. ⁷ Sa qai aya o oya vei odra a lewe levu me dra sa lao mai me papitaisotai odra o oya, Oi emudou a awa ni gata, o cei sa vasalatai emudou ma dou ubu tani mai na civo sebera mai. ⁸ O oya mo dou qa i vuatainia a vua a iliili ei na veivutuni, ia dou ua ni aya i lomamudou. A tamai emami o Eparama, ni'u sa aya vei emudou, sa rawarawa vei oya Alou me vatuburia a veivatu ai medra luvei Eparama. ⁹ Ia a matau sa no ai ena vu ni acu, sa tai tani a acu taucoo ga sa maqa ni vuatainia a vua re isa biu vei na quto me visa. ¹⁰ A dra saqai tarogi oya o odra e lewe levu , qa aya, A cava me emami velee? ¹¹ Saqai vosa o oya qa aya vei odra, o oya sa rua onai curucuru me solia vei oya e maqa, me velee leqa ga ina oya e levu a ena magiti. ¹² Sa qai lao leqa ga mai eso odra dau soqoni vata ai vacacavaca me dra papitaisotai, a dra taroga, vavuvuli, a cava me eimami velee. ¹³ A sa qai aya vei aya, dou ua ni tari me levu cae e na a sa lesi vei emudou. ¹⁴ O odra leqa ga a sotia, dra sa mai tarogi oya, qa aya, a cava me eimami velee? Sa qai aya vei odra o oya, Dou ua ni vacacania e dua, se beitainia vailasu, dou loma re leqa ga ena omudou voli. ¹⁵ Ia ni sa qawa o odra a tamata, a sa vananumi Joni ena lomadra o odra taucoo ga a Tamata, se a Karisito o oya, se maqa. ¹⁶ Sa vosa o Joni, qa aya vei odra taucoo ga. E dina au sa papitaiso tai emudou ena wai, a sa lao mai o oya levu cae sara veieiua, ia a wa ni ona vava, au sa maqa ni yaga meu sereia, ena papitaisotai emudou o oya ena Yalo Tabu ei na buawaqa. ¹⁷ Ia sa tauria ona liga a onai sivi ni sila, qa na vasavasavatainia sara o oya a sila ni rara iqa binia vato ai sila ina onai lololo, qa na vauavunia o o[ya a qana ena quto rea oya maqa ni lo rawa. ¹⁸ A levu leqa a, a sa vunitainia o oya vei odra a tamata na ona vunau. ¹⁹ Ia o Eroti a turaga ni sa vunauci oya, oya e na vuu i Erotiasa a wati i Filipi a tacina, eina vuu ni a taucoo, sa velee o Eroti. ²⁰ Sa qai vauria leqa me levu cae, ni sa sogolati Joni ena vale ni veivesu. ²¹ Ia ni dra sa papitaisotai no a tamata toucoo, sa papitaisotai leqa ga o Jisu, ni sa masu no sa wase rua o lomalagi. ²² A sa lao sobu mai vei oya vayago a Yalo Tabu me tauvata a rure, a sa rogo e dua a domo mai lomalagi, sa aya, O io a oqu gone ni toko, a u sa dau guti io valevu. ²³ A sa tolusagavulu a yabai i Jisu, o oya sa ainai sa luve i Josefa, ni sa vateivu me vavuvuli voli oya ena luve i Ili. ²⁴ Oya a luvei Macati, o oya luvei Livai, o oya luvei Miliki, o oya a luvei Janai, o oya luvei Josefa. ²⁵ Oya a luvei Mataceia, oya a luvei Emosi, oya a luvei Neumi, oya luvei Elisi, oya a luvei Nake. ²⁶ Oya luvei Maaci, oya luvei Mataceia, oya luvei Semei, oya luvei Josefa, oya luvei Juta. ²⁷ Oya luvei Joana, oya luvei Risa, oya luvei Serupepeli, o oya a luvei Salaueli, o oya a luvei Niri. ²⁸ O oya a luvei Meliki, o oya luvei Ati, o oya luvei Elimotami, o oya a luvei Eri. ²⁹ O oya a live i Jose, o oya a luve i Eliesa, o oya a luve i Jorima, o oya a luvei MAcati, o oya a luvei Livai. ³⁰ Oya a luve i Simione, o oya a luve i Jutasa, oya a luve i Josefa, oya luve i Jonani, oya luvei Elaiakim. ³¹ Oya luvei Melea, oya luvei Menani, oya luvei Mataca oya a luvei Necani o oya a luve i Tevita. ³² Oya a luve i Jese, oya a luve i Opeti, oya luve i Poasi, oya luve i Salimoni, oya luvei Nasoni. ³³ Oya luvei I Aminatapi, oya luvei Erami, oya luvei Esiromi, oya luvei Feresi, oya luvei Juta. ³⁴ Oua luvei Jekope, oya luvei Aisake, oya luvei Eparama, oya luvei Tera, oya luvei Neori. ³⁵ Oya luvei Seruke, oya luvei Rekau, oya luvei Peleki, oya Eperi, oya luvei Sela. ³⁶ Oya luvei Keinana, oya luvei Afakisati, oya luvei Semi, oya luvei Noa, oya luvei Lemeki ³⁷ Oya luvei Mecusela, oya luvei Inoki, oya luvei Jereti, oya luvei Malelili, oya luvei Keinana. ³⁸ Oya luvei Inasi, oya luvei Seci, oya luvei Atama o oya a luve ni Alou.